«ՊԵՏՔ Է ՄԵԶ ԿԱՊԵՆՔ ԻՐԱՆԻ ԱՌԵՎՏՐԱՇՐՋԱՆԱՌՈՒԹՅԱՆ ՀԵՏ»
Իրանի դեմ պատժամիջոցները չեղարկելուց հետո, Հայաստանի փորձագետները կարծիքներ հայտնեցին, որ դա միայն դրական ազդեցություն կարող է ունենալ Հայաստանի վրա: Նրանց կարծիքով՝ այդպիսով բացվում են մեծ հնարավորություններ: Սրան զուգահեռ՝ վերջին ժամանակներս նկատելիորեն ակտիվացել են հայ-իրանական շփումները: Եվ, վերջապես, ՀՀ նախագահ Սերժ Սարգսյանի հետ` Իրանի նախագահ Հասան Ռոհանիի ունեցած վերջին հեռախոսազրույցից հետո՝ Թեհրանը հերթական անգամ հայտարարեց, որ ԼՂՀ հակամարտության կարգավորման գործում պատրաստ է հանդես գալ միջնորդի դերում: Պատժամիջոցների չեղյալ համարելուց հետո` Իրանի կողմից դեպի Հայաստան կատարվող փոքր, բայց տեսանելի քայլերը հաշվի առնելով՝ կարելի՞ է արդեն ռեալ հնարավորություններից ու փոփոխություններից խոսել: Այս հարցի շուրջ «Իրավունքը» զրուցեց հայաստանյան վերլուծաբանների հետ:
Իրանագետ ԳՈՀԱՐ ԻՍԿԱՆԴԱՐՅԱՆԻ խոսքով` Իրանն արդեն մի քանի անգամ հայտարարել է, որ կարող է ԼՂՀ հակամարտության խաղաղ կարգավորման հարցում հանդես գալ միջնորդի դերում, սակայն Հայաստանը հավատարիմ է մնում իր որդեգրած սկզբունքներին` ԼՂՀ հիմնախնդիրը կարող է լուծել միայն ԵԱՀԿ Մինսկի խումբը. «Եթե այս հարցում նոր ուղղություն մտցվի, նշանակում է, որ Հայաստանն ամեն ինչ պետք է սկսի զրոյից: Այստեղ կա եւս մեկ խնդիր` Ադրբեջանը պնդում է, որ ԼՂՀ հակամարտության բանակցությունների սեղանի շուրջ պետք է նստի նաեւ Թուրքիան: Եթե համաձայնվենք Իրանի առաջարկին, ապա Ադրբեջանն ամեն կերպ գործընթացում կներգրավի նաեւ Թուրքիային, որը չի կարող լինել անկողմնակալ: Իրանի դեմ պատժամիջոցների չեղարկումից հետո, իհարկե, Հայաստանի համար կան տեսանելի հնարավորություններ: Կարծում եմ, այժմ Իրանը կվերանայի իր վարած քաղաքականությունը, որի արդյունքում մեր առջեւ կբացվի իրանական շուկան, որը բավականին մեծ է»:
Քաղաքագետ ԼԵՎՈՆ ՇԻՐԻՆՅԱՆԻ կարծիքով՝ արդեն միանշանակ կարելի է ասել, որ Իրանի դեմ պատժամիջոցների վերացումը միայն դրական կազդի Հայաստանի անվտանգության վրա. «Այդուհանդերձ հարցը, թե ի՞նչ կարող է տալ ՀայաստաննԻրանին` շարունակում է անպատասխան մնալ: Եվրասիական տնտեսական միությունը Հայաստանի համար բացում էր տնտեսական զարգացման հնարավորություններ, սակայն ի՞նչ եղավ: Եթե մեր երկրում այսօր գիտական ու տնտեսական միավորը չկա, մենք ի՞նչ կարող ենք տալ Իրանին: Խիստ կասկածում եմ, որ Իրանը մեր նկատմամբ կարող է ցուցաբերել մեր սպասած հետաքրքրությունը: Այն հարաբերությունը, որ Իրանը Հայաստանի նկատմամբ ցուցաբերում է, միայն հարեւանի հարաբերություն է: Այսօր մենք աշխատում ենք միայն Թուրքիայի տնտեսության վրա եւ շատ արագ պետք է վերադառնանք դեպի Իրան եւ մեզ կապենք այդ երկրի առեւտրաշրջանառության հետ: 20 տարիների ընթացքում այս ուղղությամբ մենք չենք մտածել, ապրել ենք թափթփված»:
Փորձագետ ՀԱՅԿԱԶՈՒՆ ԱԼՎՐՑՅԱՆԸ փաստեց, որ դեռ վաղ է խոսել ռեալ հնարավորություններից եւ փոփոխություններից. «Մենք նախաձեռնող չենք, ավելի շատ սպասում ենք, թե տարածաշրջանի երկրների փոխարաբերությունների արդյունքում ինչ կարող ենք շահել: Այնպես չէ, որ Իրանի դեմ պատժամիջոցները վերացրեցին, եւ մենք միանգամից կարող ենք դրանից շահել. սա քննարկվելիք հարց է, որի պատասխանը կախված է նաեւ Հայաստանի վարած քաղաքականությունից»:
Իրանի դեմ պատժամիջոցները չեղարկելուց հետո, Հայաստանի փորձագետները կարծիքներ հայտնեցին, որ դա միայն դրական ազդեցություն կարող է ունենալ Հայաստանի վրա: Նրանց կարծիքով՝ այդպիսով բացվում են մեծ հնարավորություններ: Սրան զուգահեռ՝ վերջին ժամանակներս նկատելիորեն ակտիվացել են հայ-իրանական շփումները: Եվ, վերջապես, ՀՀ նախագահ Սերժ Սարգսյանի հետ` Իրանի նախագահ Հասան Ռոհանիի ունեցած վերջին հեռախոսազրույցից հետո՝ Թեհրանը հերթական անգամ հայտարարեց, որ ԼՂՀ հակամարտության կարգավորման գործում պատրաստ է հանդես գալ միջնորդի դերում: Պատժամիջոցների չեղյալ համարելուց հետո` Իրանի կողմից դեպի Հայաստան կատարվող փոքր, բայց տեսանելի քայլերը հաշվի առնելով՝ կարելի՞ է արդեն ռեալ հնարավորություններից ու փոփոխություններից խոսել: Այս հարցի շուրջ «Իրավունքը» զրուցեց հայաստանյան վերլուծաբանների հետ:
ՀայաստաննԻրանին` շարունակում է անպատասխան մնալ: Եվրասիական տնտեսական միությունը Հայաստանի համար բացում էր տնտեսական զարգացման հնարավորություններ, սակայն ի՞նչ եղավ: Եթե մեր երկրում այսօր գիտական ու տնտեսական միավորը չկա, մենք ի՞նչ կարող ենք տալ Իրանին: Խիստ կասկածում եմ, որ Իրանը մեր նկատմամբ կարող է ցուցաբերել մեր սպասած հետաքրքրությունը: Այն հարաբերությունը, որ Իրանը Հայաստանի նկատմամբ ցուցաբերում է, միայն հարեւանի հարաբերություն է: Այսօր մենք աշխատում ենք միայն Թուրքիայի տնտեսության վրա եւ շատ արագ պետք է վերադառնանք դեպի Իրան եւ մեզ կապենք այդ երկրի առեւտրաշրջանառության հետ: 20 տարիների ընթացքում այս ուղղությամբ մենք չենք մտածել, ապրել ենք թափթփված»:
1
10114 դիտում
2
8110 դիտում
3
2235 դիտում
4
2115 դիտում
5
1970 դիտում
1
17623 դիտում
4
8012 դիտում
5
4030 դիտում
3
8257 դիտում
