Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ԱԺ ՀԱՆՁՆԱԺՈՂՈՎՆԵՐՈՒՄ «ՁԵՌՔՆԵՐԸ ՔՇՏԱԾ» ՍՊԱՍՈՒՄ ԵՆ ՄԻՊ ԹԵԿՆԱԾՈՒԻՆ

Արխիվ 12-16

ԱԺ ՀԱՆՁՆԱԺՈՂՈՎՆԵՐՈՒՄ «ՁԵՌՔՆԵՐԸ ՔՇՏԱԾ» ՍՊԱՍՈՒՄ ԵՆ ՄԻՊ ԹԵԿՆԱԾՈՒԻՆ

 

Հունվարի 29-ին ԱԺ պետաիրավական մշտական հանձնաժողովում կայանալիք նիստի օրակարգում մի շարք հարցերի կողքին կքննարկվի նաեւ Մարդու իրավունքների պաշտպանի պաշտոնում ընտրելու համար խորհրդարանին թեկնածու առաջարկելու կարգի մասին հարցը: Պարզվում է` այս հարցը դժգոհության ալիք է բարձրացրել ԱԺ Մարդու իրավունքների պաշտպանության եւ հանրային հարցերի մշտական հանձնաժողովում: Թիվ մեկ դժգոհողները, իհարկե, ԱԺ ՀՀՇ-ական պատգամավոր Ալեքսանդր Արզումանյանն էր եւ «Ժառանգություն» կուսակցության ղեկավար Զարուհի Փոստանջյանը, ինչի մասին «Իրավունքը» զրուցեց ԱԺ պետաիրավական մշտական հանձնաժողովի նախագահ, ԱԺ ՀՀԿ խմբակցության պատգամավոր ՀՈՎՀԱՆՆԵՍ ՍԱՀԱԿՅԱՆԻ հետ:

–Ձեր գործընկերները հանձնաժողովում դժգոհում էին, որ ՄԻՊ պաշտոնում ընտրելու համար խորհրդարանին թեկնածու առաջարկելու կարգի մասին հարցը քննվելու է ոչ թե Մարդու իրավունքների պաշտպանության եւ հանրային հարցերի մշտական հանձնաժողովում, այլ` Ձեր: Ի՞նչ կասեք այս մասին:

– Խնդիր չեմ տեսնում, շատ պարզ է: Ինչո՞ւ է հարցը ԱԺ պետաիրավական մշտական հանձնաժողովում գտնվում, որովհետեւ կառուցվացքակարգային, գործընթացային հարց է սա, եւ Ազգային ժողովի այս հանձնաժողովը զբաղվում է Ազգային ժողովի կանոնակարգ օրենքի, Ընտրական օրենսգրքի եւ սահմանադրական օրենքների փոփոխություններով: Իսկ այս հարցը վերաբերում է ոչ թե այս կամ այն օրենքին, որն առնչություն ունի մարդու իրավունքների եւ ազատությունների հետ, այլ` մարդու իրավունքների պաշտպանի սահմանադրական մարմնի ձեւավորման: Հետեւաբար, այս է խնդիրը, որ մենք որոշել ենք, որ պետք է այստեղ հարցը քննարկվի, եւ այստեղ որոշվի, թե ինչպես է լինելու ՄԻՊ թեկնածուի առաջադրման կարգը:

– Ամեն դեպքում, ԱԺ Մարդու իրավունքների պաշտպանության եւ հանրային հարցերի մշտական հանձնաժողովի ընդդիմադիր պատգամավորները, որոնք, ի դեպ, այդ հանձնաժողովում մեծամասնություն են կազմում, որոշակի մտավախություններ ունեն: Էական դեր ունի՞, թե որ հանձնաժողովով հարցը կանցնի, կամ որ հանձնաժողովում է ՀՀԿ-ն մեծամասնություն կամ փոքրամասնություն կազմում:

– Չեմ կարծում, որ որեւէ բարդություն կա այստեղ: Իսկ Հանրապետական կուսակցությունն իրավունք ունի եւ կարող է շատ արագ այդ հանձնաժողովում իր տեղը լրացնել, ուստի` որեւէ խնդիր չկա, եթե նույնիսկ այնտեղ ՀՀԿ-ն փոքրամասնություն է:

– Տարբեր անուններ են շրջանառվում, որոնք կարող են լինել Մարդու իրավունքների պաշտպանի թեկնածուներ: Հետաքրքիր է` Ձեր տեսակետը դրա շուրջ:

– Անունները դեռեւս չենք քննարկել, դեռ ժամանակ կա: Այնպես որ, իր ժամանակի մեջ ամբողջը պարզ կդառնա, կքննարկենք եւ կիմանանք:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ