Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

«ՀՈ ՉԵ՞ՆՔ ԿԱՐՈՂ ՔԱՆԴԱԿԻ ՄԵՋ ՌՈՒՄԲ ԴՆԵԼ, ՈՐ ԱՅՆ ՆՈՐԻՑ ՉԿՈՂՈՊՏԵՆ»

Արխիվ 12-16

«ՀՈ ՉԵ՞ՆՔ ԿԱՐՈՂ ՔԱՆԴԱԿԻ ՄԵՋ ՌՈՒՄԲ ԴՆԵԼ, ՈՐ ԱՅՆ ՆՈՐԻՑ ՉԿՈՂՈՊՏԵՆ»

Երեւանի «Դվին» հյուրանոցի բակում տեղադրված «Լեռնային պար» խմբաքանդակը, որը տարիներ առաջ անհայտ անձնաց կողմից գրեթե կիսով չափ վնասվել էր` շուտով ամբողջովին վերականգնված կներկայացվի հանրությանը: Այս մասին «Իրավունքի» հետ զրույցում հայտնեց քանդակի հեղինակ ՏԻԳՐԱՆ ԱՐԶՈՒՄԱՆՅԱՆԸ:Նրա խոսքով` վերականգնումը վերջնական փուլում է, քանի որ այս պահին «Դվին» հյուրանոցում ընթանում են շինարարական աշխատանքներ եւ կշարունակվեն մինչեւ 2018 թվականը,  դեռեւս հայտնի չէ, թե երբ տեղի կունենա բացումը:

 

 

 

Խմբաքանդակը վերականգնելու ընթացքում, Տ. Արզումանյանը այնպես է աշխատել, որ քանդակի արտաքին տեսքի մեջ որեւէ փոփոխություն տեղի չունենա: 1973 թվականին ստեղծված քանդակը վերականգնելու համար քանդակագործը բացի սեփական հիշողությունից, օգտվել է նաեւ հին լուսանկարներից. «Տարիներ առաջ մտածելակերպն այլ էր, այժմ`այլ: «Լեռնային պարը» պատկանում է Երեւանի քաղաքապետարանին եւ գտնվում է Մշակույթի նախարարության հուշարձանների պահպանության կոմիտեի հոգածության ներքո: Հնարավոր է, որ այդ գերատեսչությունները որոշեն եւ քանդակը տեղափոխեն մեկ այլ վայր: Ցանկությունս մեծ է, որ քանդակը մնա իր այսօրվա տեղում, եթե իհարկե հյուրանոցի սեփականատերերը դրան պատրաստ լինեն»,- նշեց քանդակագործը:
Չցանկանալով դեպքերից առաջ ընկնել` Տ. Արզումանյանը նաեւ տեղեկացրեց, որ բանակցություններ է տանում` քանդակը հարմարավետ վայրում տեղադրելու համար: Իսկ այն պահպանելու միակ ճանապարհը ըստ քանդակագործի` խիստ վերահսկողությունն է. «Հո չե՞նք կարող քանդակի մեջ ռումբ դնել, որ այն նորից չկողոպտեն: Պետք է վերահսկողությունը խիստ լինի, եւ տարածքում տեղադրվեն տեսախցիկներ»,- եզրափակեց Տիգրան Արզումանյանը:
ԶՎԱՐԹ ԽԱՉԱՏՐՅԱՆ
Հավանեցի՞ր հոդվածը, կիսվիր ընկերներիդ հետ