ՏԱՐՎԱ ԼԱՎԱԳՈՒՅՆ ՓԱՍՏԱԲԱՆ Է ՃԱՆԱՉՎԵԼ «ԼԵՎ ԳՐՈՒՊ» ԻՐԱՎԱԲԱՆԱԿԱՆ ԸՆԿԵՐՈՒԹՅԱՆ ՆԱԽԱԳԱՀ ԼԵՎՈՆ ԲԱՂԴԱՍԱՐՅԱՆԸ

Արխիվ 12-16 26 Հունվար, 2016 9:51

ՏԱՐՎԱ ԼԱՎԱԳՈՒՅՆ ՓԱՍՏԱԲԱՆ Է ՃԱՆԱՉՎԵԼ «ԼԵՎ ԳՐՈՒՊ» ԻՐԱՎԱԲԱՆԱԿԱՆ ԸՆԿԵՐՈՒԹՅԱՆ ՆԱԽԱԳԱՀ ԼԵՎՈՆ ԲԱՂԴԱՍԱՐՅԱՆԸ

«Ազդակ» լրագրողական ակումբում «Լեվ գրուպ» իրավաբանական ընկերության նախագահ Լեւոն Բաղդասարյանն «Իրավունք» թերթի կողմից արժանացավ պատվոգրի` տարիներ շարունակ դատարաններում եւ արտադատարանական միջոցներով հայ ազգի արժեհամակարգի իրավական հիմքերով ԶԼՄ-ների, լրագրողների ու քաղաքացիներին դրականը քարոզելու, իրավունքները պաշտպանելու համար: Պատվոգիրը հանձնեց «Իրավունք» թերթի գլխավոր խմբագիր Հովհաննես Գալաջյանը:«Եթե որեւէ հարթության վրա փորձում են ցնցել լրատվամիջոցները, կամ ինչ-որ ծրագրերից ելնելով` փորձում են սեպ խրել հասարակության մեջ, ապա պետք է պայքարել միասնաբար: Տվյալ դեպքում լրատվությունն իր գործն է անում, իսկ լրատվության կողքին էլ պետք է կանգնի իրավապաշտպանը, որպեսզի չփորձեն ցնցել լրատվությանը: Ինչ խոսք, հեշտ չէ այդ աշխատանքը, սակայն այդպես ասելով` հարցին լուծում չի տրվի»,- ներկայացրեց իր կարծիքը 2015 թվականի տարվա լավագույն փաստաբանը այն հարցի շուրջ, թե արդյոք դժվար չէ պաշտպանել լրատվամիջոցներին այն դեպքում, երբ երկիրը գտնվում է տարատեսակ արտաքին տոտալիտար ճնշումների կիզակետում:

Լեւոն Բաղդասարյանը, խոսելով իր պաշտպանյալ Արթուր Վարդանյանի մասին, ով հանդիսանում է հանցավոր խմբի պարագլուխ, նշեց, որ ընթանում է նախաքննություն, եւ այս պահի դրությամբ կրկին նա չի տեսնում մամուլում հրապարակված այն տարբերակը, թե խումբը նախապատրաստվում էր հանցագործության` սպանության տեսքով. «Ես, համենայնդեպս, չեմ տեսնում, կարծում եմ` ոչ իրավաչափ: Պաշտպանելով ենթադրյալ խմբի ղեկավարի շահերը եւ չտեսնելով այդ ամենը, բնականաբար չեմ տեսնում խմբի մնացած անդամների հետ կապված եւս: Սակայն, երբ մամուլում հայտնվեցին տարաբնույթ տեսակետներ, ես` որպես փաստաբան, իր անունից հայտարարեցի, որ զենքը պետության կողմից չի եղել գցված այդ տանը, այլ զենքը եղել է իրենը: Իսկ հիմա նախաքննությունը պետք է գնահատական տա, զենքը օրինական էր, թե անօրինական, որտեղ պետք է այն օգտագործեր եւ այլն: Խոսքն այն մասին է, թե արդյոք այդ զենքն ուղղված էր պետական սպանություններ կատարելուն, ապա ես իր անունից հայտարարում եմ, որ` ոչ: Իսկ հիմա պետությունը թող բարի լինի ու ապացուցի, որ դա այդպես չէ»:

Կարելի՞ է ասել, որ Ազգային անվտանգությունը թերացել է իր գործում` հարցին Լ. Բաղդասարյանն ասաց, որ դա եւս կպարզվի նախաքննության ավարտին:

Ինչո՞ւ երկարաձգվեց Ա. Վարդանյանի խափանման միջոցը. «Հայաստանի իրավակիրառման պրակտիկայում, չգիտես ինչու, պետական լիազոր մարմինը ներկայացնում է միջնորդություն դատարան` խափանումը կալանքով հաստատելու հետ կապված` եւ որպես կանոն` դատական մարմինները, տվյալ դեպքում, աշխատում են որպես դակիչ: Դա վերաբերում է ընդհանրապեսին` այլ ոչ միայն այս գործին: Սա խնդիր է, այն դեպքում, երբ օրենքում նախատեսվում են ալտերնատիվ այլ միջոցներ` սկսած գրավից, վերջացրած ստորագրությամբ բաց թողնելը: Այս ամենի մասին բազմիցս բարձրաձայնել ենք` դեռ մի կողմ թողնելով անմեղության կանխավարկածը: Այստեղ հենց անելիք ունի 4-րդ իշխանությունը: Եթե անձը չի խուսափում նախաքննությունից, տալիս է ցուցմունքներ, ապա ինչո՞ւ նրան սահմանափակել: Պատճառները շատ են, որին չեմ ուզում անդրադառնալ եւ հույս ունեմ առաջիկայում շատ բան կփոխվի: Ինչ վերաբերում է այս գործին, ապա կանխատեսելի էր, որ կալանքը եւս երկու ամսով երկարաձգվի»:

ԱՐՄԵՆՈՒՀԻ ՀԱԿՈԲՅԱՆ

Բաժանորդագրվե՛ք https://t.me/iravunk

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

ՏԱՐՎԱ ԼԱՎԱԳՈՒՅՆ ՓԱՍՏԱԲԱՆ Է ՃԱՆԱՉՎԵԼ «ԼԵՎ ԳՐՈՒՊ» ԻՐԱՎԱԲԱՆԱԿԱՆ ԸՆԿԵՐՈՒԹՅԱՆ ՆԱԽԱԳԱՀ ԼԵՎՈՆ ԲԱՂԴԱՍԱՐՅԱՆԸ

ՏԱՐՎԱ ԼԱՎԱԳՈՒՅՆ ՓԱՍՏԱԲԱՆ Է ՃԱՆԱՉՎԵԼ «ԼԵՎ ԳՐՈՒՊ» ԻՐԱՎԱԲԱՆԱԿԱՆ ԸՆԿԵՐՈՒԹՅԱՆ ՆԱԽԱԳԱՀ ԼԵՎՈՆ ԲԱՂԴԱՍԱՐՅԱՆԸ

Փոխարժեք