Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ Եթե ամերիկացիները որոշեն հարձակվել իրանական նավթատարի վրա, Թեհրանը կարող է դա մեկնաբանել որպես լայնածավալ պատերազմի վերսկսում

ՀԱՅԱՍՏԱՆԻ ՊԵՏԱԿԱՆ ԵՐԻՏԱՍԱՐԴԱԿԱՆ ՆՎԱԳԱԽՈՒՄԸ 10 ՏԱՐԵԿԱՆ Է

Արխիվ 12-16

ՀԱՅԱՍՏԱՆԻ ՊԵՏԱԿԱՆ ԵՐԻՏԱՍԱՐԴԱԿԱՆ ՆՎԱԳԱԽՈՒՄԸ 10 ՏԱՐԵԿԱՆ Է


Հայաստանի պետական երիտասարդական նվագախումը նշում է հիմնադրման 10-ամյակը: 10 տարիների ընթացքում նվագախումբն ունեցել է մեծ ձեռքբերումներ, հանդես եկել բազմաթիվ համերգներով Հայաստանում եւ Հայաստանի սահմաններից դուրս, մասնակցել մի շարք միջազգային փառատոների: Ամփոփելով 10 տարվա գործունեությունը նվագախմբի գեղարվեստական ղեկավար եւ գլխավոր դիրիժոր ՍԵՐԳԵՅ ՍՄԲԱՏՅԱՆԸ նշեց, որ մեծագույն ձեռքբերումն աշխարհահռչակ երաժիշտների հետ համագործակցությունն է, որոնց հետ ելույթ են ունեցել միեւնույն բեմում.«Երաժշտի կյանքում ամենակարեւորն այն գիտակցությունն է, որ կարող է որեւէ բան փոխել: Մենք կարողացանք մարդկանց ընկալման մեջ շատ բաներ փոխել եւ կարծում եմ, որ շատ բաներ դեռ կփոխենք: Երիտասարդական նվագախումբն այն ընտանիքն է, որը փորձում է նոր գաղափար հնչեցնել»,- փաստեց Ս. Սմբատյանը եւ հավաստիացրեց, որ նվագախմբի կատարած աշխատանքի կրկնապատիկը կիրականացնեն նաեւ հետագայում:

Նվագախմբի հոբելյանը կնշանավորվի մեծ համերգով, որտեղ ելույթ կունենա մեծանուն լեհ կոմպոզիտոր եւ դիրիժոր ՔՇԻՇՏՈՖ ՊԵՆԴԵՐԵՑԿԻՆ.«Ուրախ եմ, որ գտնվում եմ Հայաստանում: Արդեն մի քանի անգամ է, ինչ ելույթ եմ ունենում նվագախմբի հետ: Տարիների ընթացքում նկատել եմ, թե ինչպես է նվագախումն առաջընթաց գրանցում, ինչի համար շատ ուրախ եմ: Հաճելի է շփվել երիտասարդ երաժիշտների հետ»,-շեշտեց Ք. Պենդերեցկին եւ շնորհակալություն հայտնեց Ս. Սմբատյանին հիանալի նվագախումբ ստեղծելու համար: Նա տեղեկացրեց, որ այժմ  Լեհաստանում հիմնադրում է երաժշտական կենտրոն երիտասարդ երաժիշտների համար:

Երիտասարդական նվագախումբը հիմնադրվել է 2006 թվականի հունվարի 25-ին եւ այսօր անդամակցում է երաժշտական աշխարհում մեծ հեղինակություն վայելող մի շարք կազմակերպությունների, այդ թվում Ազգային երիտասարդական նվագախմբի եվրոպական ֆեդերացիային եւ Երաժշտական գործակալների միջազգային ասոցիացիային: Նվագախմբի նախաձեռնությամբ ստեղծվեց «20/04» համաշխարհային նվագախումբը, որը նախորդ տարի ապրիլի 24-ին հանդես եկավ Հայոց ցեղասպանության 100-րդ տարելիցը ոգեկոչող համերգով:

 

ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ