ՔՈՉԱՐՅԱՆԱՄԵՏ ԲՀԿ-ԱԿԱՆԸ ՉԻ ՑԱՆԿԱՆՈՒՄ, ՈՐ ԲՀԿ- Ն ՀՀԿ-Ի ՀԵՏ ԿՈԱԼԻՑԻԱ ԿԱԶՄԻ

ՔՈՉԱՐՅԱՆԱՄԵՏ ԲՀԿ-ԱԿԱՆԸ ՉԻ ՑԱՆԿԱՆՈՒՄ, ՈՐ ԲՀԿ-

Ն ՀՀԿ-Ի ՀԵՏ ԿՈԱԼԻՑԻԱ ԿԱԶՄԻ

ԲՀԿ պատգամավոր Հայկ Խաչատրյանը, ով նախորդ տարի` մինչ սահմանադրական բարեփոխումները, խորհրդարան չէր գալիս, այսօր մասնակցում էր մարդու իրավունքերի հանձնաժողովի նիստին: Նիստի վարտից հետո  «Իրավունք»-ը ճեպազրույց ունեցավ ԲՀԿ պատգամավոր Հայկ Խաչատրյանի հետ:

- Պրն Խաչատրյան, Դուք  հայտարարել էիք, որ դեմ եք սահմանադրական բարեփոխումներին: Հիմա էլ ե՞ ք նույն կարծիքին:

- Այո:

- Ձեզ համար հավաստի՞ են  դեկտեմբերին վեցի հանրաքվեի պաշտոնական արդյունքները:

- Ոչ, ես չեմ հավատում:

- Ինչի՞ն չեք հավատում:

- Արդյունքներին:

- Եթե Դուք Հայաստանում չեք եղել, ընտրատեղամասերում` եւս, ինչո՞ւ չեք հավատում արդյունքներին:

- Բայց  ո՞վ է ասում, որ ստեղ չեմ եղել:

- Դե դրսում էիք, բուժվում էիք...

- Էդ ժամանակ արդեն  ստեղ էի:

- Ընտրատեղամասերում եղե՞լ եք:

- Չէ, չեմ էլ գնացել ընտրության: Մենք ժողովրդի հետ շփվում ենք: Համատարած «ոչ» էր:

- Ընդդիմության բացթողումները որո՞նք եղան հանրաքվեի ընթացքում, որ չկարողացավ «ոչ»-ի ավելի մեծ տոկոս ապահովել:

- Հիմնականում ընտրատեղամասերում պետք է ուշադիր լինեին:

-Ձեր հայտարարությունը սահմանադրական բարեփոխումների մասին  ԲՀԿ-ն  կարծես միանշանակ չընդունեց: Դրանից հետո մեկնեցիք ԱՄՆ-ը` առողջական խնդիրների պատճառով: Սակայն լուրեր տարածվեցին, թե  ՄՆ-ը մեկնել եք  լրատվամիջոցների ուշադրության կենտրոնում չլինելու համար:

- Չէ, զուտ բուժման նպատակով եմ մեկնել:

- Կուսակցությունից այս ընթացքում որեւէ ճնշումներ չե՞ն եղել ձեր հանդեպ:

-Չէ, չի եղել:

- Դուք մինչ օրս ԲՀԿ անդա՞մ եք:

- Այո:

- Հնարավո՞ր է  կուսակցությունը լքեք: Ասում են` տարաձայնություններ ունեք կուսակցության հետ:

- Կուսակցությունը չեմ լքելու:  Ոչ մի տարաձայնություն էլ չունեմ կուսակցության  հետ:

- Հաջորդ խորհրդարանում Ձեզ տեսնո՞ւմ եք:

- Դե էնքան ժամանակ կա: Հլա ոչ մի բանով չենք զբաղվում:

- ԲՀԿ-ի ցուցակով կցանկանայի՞ք անցնել խորհրդարան:

- Չեմ կարող ասել: Էնքան բաներ կզարգանան:

- 2008-ից ԲՀԿ-ի անդամ եք: Հաջորդ խորհրդարանում չէի՞ ք ցանկանա նորից նույն կուսակցության ցուցակով մտնել ԱԺ:

- Ես ցանկություն չունեմ ինձ պատգամավոր տեսնել:

- Ինչո՞ ւ:

- Որովհետեւ չեմ ուզում:

- Պատգամավոր չլինելով` ինչո՞վ եք զբաղվելու:

- Դե շատ գործեր կան: Իմ անձնական գործերով կզբաղվեմ:

- ՀՅԴ-ն ՀՀԿ-ի հետ կոալիցիա կազմելու համար բանակցություններ է վարում: Մինչ այդ էլ ՀՅԴ անդամները հայտարարում են, որ կոալիցիա կազմելուց հետո իրենք  պետք է երկրում իրավիճակ փոխեն: Կկարողանա՞ դաշնակցությունն իր նպատակին հասնել:

- Ոչ:

- Այդ դեպքում  ինչո՞ւ է ստեղծվում կոալիցիա:

- Չգիտեմ: Դեռ պարզ էլ  չի` կոալիցիա կլինի, թե ոչ:

- Կցանկանա՞ք, որ կոալիցիայի անդամ դառնա նաեւ ԲՀԿ-ն:

- Մեկ է,տարբերություն չկա: Օրինակ, ես չէի ուզի: Կուզենայի, որ մենք ընդդիմադիր  լինեինք: Կապրենք, կտեսնենք:

- Նորից խոսում են  Ռոբերտ Քոչարյանի ակտիվ քաղաքականությամբ զբաղվելու մասին: Կցանկանայի՞ք, որ նա վերադառնար:

- Ինչու չէ: Կցանկանայի:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝