ՀԱԿԱՀԱՅԿԱԿԱՆ ԲԱՆԱՁԵՎԸ ՄՏԱՎ ԵԽԽՎ ՕՐԱԿԱՐԳ, ՔՆՆԱՐԿՈՒՄԸ ՎԱՂԸ

ՀԱԿԱՀԱՅԿԱԿԱՆ ԲԱՆԱՁԵՎԸ ՄՏԱՎ ԵԽԽՎ ՕՐԱԿԱՐԳ,

ՔՆՆԱՐԿՈՒՄԸ ՎԱՂԸ

Ստրասբուրգում այսօր մեկնարկել է Եվրոպայի Խորհրդի խորհրդարանական վեհաժողովի ձմեռային նստաշրջանը, եւ քիչ առաջ, օրակարգի հաստատման ժամանակ, այդպես էլ երկու նախագծերը չհանվեցին շրջանառությունից՝ չնայած եղել էին նման առաջարկներ։ Մինչ նստաշրջանի մեկնարկը, Խորհրդարանական վեհաժողովի նախկին նախագահ Անն Բրասյորն իր մամուլի ասուլիսում անդրադարձել էր բանաձեւերի թեմային։ Նրա խոսքով, բազմաթիվ առաջարկներ էին եղել՝ այդ բանաձեւերի նախագծերիի վերաբերյալ քննարկում չանցկացնելու համար։ «Հայաստանն ու Ադրբեջանը Եվրախորհրդի անդամ երկրներ են, եւ մենք պետք է գտնենք լուծում, որպեսզի մարդիկ ապրեն խաղաղության մեջ։ Դրա համար պետք է քրտնաջան աշխատենք, քանի որ մարդիկ տառապում են այդ շրջանում: Նրանք Եվրախորհրդի քաղաքացիներն են, նրանց իրավունքները պետք է պաշտպանվեն, մնում է միայն գտնել միջոցը: Խնդրի լուծումը պետք է գտնվի։ Իմ անձնական կարծիքն է, որ մենք չպետք է թողնենք այնպես, ինչպես կա»,- ­ասել էր Անն Բրասյորը։  Ինչեւէ, վաղը, Երեւանի ժամանակով՝ 13.00-ին մեկնարկելու է քննարկումը։ Ի դեպ, այսօր ԵԽԽՎ վեհաժողովի նախագահի պաշտոնում ընտրվել է Պեդրո Ագրամունտը, որի թեկնածությունն առաջարկվել է Եվրոպական ժողովրդական կուսակցության կուսակցական քվոտայով։ Ագրամունտն Իսպանիայի սենատի անդամ է՝ Վալենսիայից: Քաղաքական գործիչը հայտնի է Ուկրաինայի օգտին իր հայտարարություններով, նա նաեւ Ղրիմի անեքսիայի խիստ քննադատ է: Միեւնույն ժամանակ, շատերը նրա ընտրությունը վիճելի են անվանում, քանի որ նրա անունը շրջանառվել է Ադրբեջանի կողմից ԵԽԽՎ-ի անդամներին կաշառելու վերաբերյալ լրագրողական հետաքննություններում։

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝