«ԱՐԺԵ, ԱՐԺԵ». ԿՈՐԾԱՆՎՈՂ ԵՄ-Ի ՀԵՏ ԱՐԶՈՒՄԱՆՅԱՆԸ ԴԵՌ ՀՈՒՅՍԵՐ Է ԿԱՊՈՒՄ

«ԱՐԺԵ, ԱՐԺԵ». ԿՈՐԾԱՆՎՈՂ ԵՄ-Ի ՀԵՏ

ԱՐԶՈՒՄԱՆՅԱՆԸ ԴԵՌ ՀՈՒՅՍԵՐ Է ԿԱՊՈՒՄ

Արդեն մի քանի օր է, որ լրատվամիջոցները քննարկում են հայկական մսամթերքի հանդեպ ՌԴ-ի կողմից դրած արգելանքի մասին: Կարծիք կա, որ Ռուսաստանի այս քայլը պատահական չէ, քանի որ ՌԴ-ն ցանկանում է իբրեւ  «պատժել» Հայաստանին ԵՄ-ի հետ սերտ հարաբերություններ հաստատելու համար: ԵՄ-Հայաստան պատվիրակության անդամ, ՀՀՇ-ական ընդդիմադիր պատգամավոր Ալեքսանդր Արզումանյանը չհամաձայնեց հնչող տեսակետի հետ. «Չեմ կարծում, որ խոզի կամ տավարի մսով են սահմանափակվում հայ-ռուսական բազմակողմ հարաբերությունները: Արգելքի պատճառը հիվանդությունն է»:

Ալեքսանդր Արզումանյանին ուղղված «Իրավունք»-ի հարցին` ինչպես է արձագանքում այն վերլուծություններին, թե ԵՄ-ն կործանվում է, անգամ Մեծ Բրիտանիայում է քննարկվում ԵՄ-ում մնալ-չմնալու հարցը, հետեւաբար արժե՞ այդ կառույցի հետ հույսեր կապել, պրն Արզումանյանն ասաց. «Արժե, արժե: Մեծ Բրիտանիայում էլ ԵՄ-ից դուրս գալ-չգալու համար ռեֆերենդում պետք է լինի: Իսկ ԵՄ-ի  կործանման մասին հրապարակումներին չեմ արձագանքում»:

Մեր մյուս հարցին` ինչպես եղավ, որ հայկական պատվիրակությանը հաջողվեց ԵՄ-ում ունենա, այսպես ասած, պրոհայկական փաստաթուղթ, իսկ ԵԽԽՎ-ում` ձախողում, եթե ԵՄ-ի անդամ երկրները ներկայացված են ԵԽԽՎ-ում, ԱԳ նախկին նախարարն ասաց. «Այդ մասին կխոսեմ  ԵԽԽՎ-ի նիստի ավարտից հետո»:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝