ՄԻՋԱԴԵՊ` ՓԱՇԻՆՅԱՆԻ ԿՈՒՍԱԿՑՈՒԹՅԱՆ ԳՐԱՍԵՆՅԱԿՈՒՄ. «ՈՉՆՉԱՑՆԵԼՈՒ ԵՄ ՔԵԶ»

ՄԻՋԱԴԵՊ` ՓԱՇԻՆՅԱՆԻ ԿՈՒՍԱԿՑՈՒԹՅԱՆ

ԳՐԱՍԵՆՅԱԿՈՒՄ. «ՈՉՆՉԱՑՆԵԼՈՒ ԵՄ ՔԵԶ»

ՀԱԿ խմբակցության պատգամավոր, «Քաղաքացիական պայմանագիր»  կուսակցության  անդամ Նիկոլ Փաշինյանը կուսակցության  գրասենյակում այսօր կազմակերպել էր  հանդիպում` իր հասցեին մեղադրանքներ ուղղողների հետ դեմ առ դեմ  խոսելու: Այսօր  կուսակցության գրասենյակում  կայացավ հանդիպումը, սակայն այն առանց սկանդալի չանցավ:   Մինչ  միջադեպը  պրն Փաշինյանն ասաց, որ իր հասցեին ուղղված բոլոր մեղադրանքներին պատասխանում է իր գործունեությամբ: «Ես ցավում եմ,  որ այն մարդիկ, ովքեր ամեն օր, անընդհատ հանրությանն ահազանգում են, որ իրենք հավաստի տեղեկություններ ունեն իմ ու Բաղրամյան 26-ի կապերի մասին, այսօր չեն եկել, որ մենք այդ հավաստի տեղեկությունները քննարկենք»,- ասաց Փաշինյանը:

Նրա ելույթից հետո խոսքով հանդես եկավ    Ջաղինյան ազգանունով մի կին ով պահանջեց Փաշինյանից  ներկայացնել իր անելիքը:  «Ես այդ թեմային այնքան շատ եմ անդրադարձել»,- ասաց Փաշինյանը:

«Իմ նման տուպոյի համար մի հատ էլ անդրադարձեք, ես չեմ հասկանում»,- հակադարձեց կինը, ապա  Փաշինյանիյ հիշեցրեց 2008 թ-ի մարտի մեկի դեպքերը: «2008 թվականի դեպքերի մասին խնդրում եմ խոսեք, Ձեր ներկայացումը, ո՞վ էիք Դուք այնտեղ: Այն փաստը, որ մահացել է ոչ թե 17 մարդ, այլ117 մարդ, բոլորս գիտենք, փաստեր էլ կան, և պատեհ դեպքում ես այդ ամենը կներկայացնեմ»,- հայտարարեց քաղաքացին:

Կուսակցության անդամն էլ  ասաց, որ մարտի մեկին ինքն օրինականությունն ու սահմանադրությունն է  պաշտպանել եւ ամեն ինչ արել է` հօգուտ հայ ժողովրդի:

Ի դեպ, կուսակցության գրասենյակը լքելուց առաջ  տիկին Ջաղինյանը թողել է  իր հեռախոսահամարը, ապա դիմել է Փաշինյանին ու ասել. ««Ինչո՞ւ քո նմանները, որ քաղաքական դաշտում իրենց ճոռում են և իրենց ընդդիմություն են որպես այդպիսին ցույց տալիս... ինչու՞ մինչև այսօր փոփոխություն չկա, ի՞նչ ինտիտուտցիոնալ ընդդիմություն, հիմա էլ մի 20 տարի պիտի քո ինստիտուտցիոնալը պիտի բան անե՞նք... ժողովուրդը մեռնում է այսօր... Եվ իմիջիայլոց, ես քեզ ոչնչացնելու եմ քո քաղաքական դաշտում, սա էլ իմ հեռախոսահամարը,  բան կունենաս ասելու, կզանգես կասես... ոչնչացնելու եմ, երկուերեսանի»:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝