Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ԳԱՌՆՈՒ ԳՅՈՒՂԱՊԵՏԸ` ՔԱՂՑՐԱՇԵՆԻ ԾՐԱԳՐԻ ՄԱՍԻՆ. «ԱԶԱՏ ԳԵՏԸ ՉԻ ՑԱՄԱՔԵԼՈՒ». ՏԵՍԱՆՅՈՒԹ

Արխիվ 12-16

ԳԱՌՆՈՒ  ԳՅՈՒՂԱՊԵՏԸ` ՔԱՂՑՐԱՇԵՆԻ ԾՐԱԳՐԻ ՄԱՍԻՆ. «ԱԶԱՏ ԳԵՏԸ ՉԻ ՑԱՄԱՔԵԼՈՒ». ՏԵՍԱՆՅՈՒԹ

 

Հունվարի 22-ին հերթական քննարկումն է լինելու «Քաղցրաշենի ինքնահոս ոռոգման համակարգ» ծրագրի վերաբերյալ: Քննարկման ժամանակ պատկան մարմիններն  Արարատի գյուղացիներին  մանրամասն ներկայացվելու է  ծրագիրը, ինչպես նաեւ անդրադարձ է արվելու այն մտահոգություններին, որոնք հնչել են գառնեցիների կողմից:

Հիշեցնենք` Գառնի համայնքի ավագանին այս տարվա ապրիլի 9-ին ընդունել էր մի որոշում, որով «համաձայնություն է տվել` Գառնի-Քաղցրաշեն ջրագիծը Գառնի համայնքի վարչական տարածքով «Գալակտիկա» ՓԲԸ-ից մինչեւ Արարատի մարզի Լանջազատ համայնք անցկացնելուն»:  Գառնեցիները, սակայն, մտավախություն ունեն, որ   Գառնի-Քաղցրաշեն ծրագրի պատճառով  Ազատ գետը կցամաքի, իրենց այգիներն էլ կչորանան: «Առանց այդ էլ ջուրը քիչ է,  մեզ անգամ չի բավականացնում»,- մտահոգվում են  բնակիչները:

Ծրագիրն իրականացվում է  Համաշխարհային բանկի  ֆինասնավորմամբ:  Ծրագրի կյանքի կոչվելու դեպքում  Գառնու կիրճում գտնվող Ազատ գետում նախատեսվում է տեղադրել ջրընդունիիչ խողովակաշար, որը 980 լ/վրկ քանակությամբ ջուր պետք է հասցնի Արարատի մարզի 12 համայնք:

Խնդրի  մասին «Իրավունք»-ը զրուցեց Գառնու գյուղապետ Աշոտ Վարդանյանի հետ: Վերջինս ասաց, որ  ինքը վաղն անպայման կմասնակցի քննարկմանը:  «Ազատ գետը ցածր է մոտ 200 մետր: Ջընդունիչ խողովակաշարով գետի ջրի  2/3-րդ մասը ձկնուղիով է  դուրս գալու: Այս ծրագրի շնորհիվ լուծվում է  12 համայնքի ջրի հարց, որոնք  ծախսում են կես միլիարդ դրամի էլեկտրաէներգիա` ջուր ունենալու համար: Ես անձամբ գիտեմ` ինչ է  նշանակում էլեկտրաշարժիչով ոռոգում կատարելը»,- ասաց գյուղապետը:

Ինչ վերաբերում է գառնեցիների այն մտահոգությանը, թե  Ազատ գետը կցամաքի, պրն Վարդանյանը  հերքեց այդ   լուրերը`ասելով, որ գետը չեն կարող ցամաքեցնել. «Ամենավատ տարին անգամ  850 լիտր ջուր դուրս է գալու»: Գառնեցիների մտահոգություններին էլ անդրադառնալիս   համայնքի ղեկավարն ասաց. «Ազատ գետի ափին  գառնեցիների մի մասը  հողատարածքներ ունեն: Ծրագրի  իրականացման դեպքում եթե վնաս հասցվի   հողատարածքներ ունեցողներին, ապա   ծրագրի պատասխանատուները պետք է վնասը փոխհատուցեն: Ի վերջո, գառնեցիներն այդ հողատարածքներով եկամուտ են ստանում:  Ես բանավոր համաձայնության եմ եկել պատասխանատուների հետ, որոնք համաձայնել են փոխհատուցման տարբերակին»:

Անդրադառնալով բնապահապանների  վաղվա բողոքի ակցիային ու միջամտությանն այս հարցին` Աշոտ Վարդանյանի խոսքով` Գառնի-Քաղցրաշեն ծրագրի էությունը ճիշտ պետք է ներկայացվի  բնապահպաններին. « Խոսքը գետը ցամաքացնելու, քանդելու մասին չէ: Ծրագրով փրկում են հայ ժողովրդի տարածքները»:

Գյուղապետը մինչ այսօր    խոսել է   գառնեցիների հետ առանձին-առանձին, բացատրել ծրագրի էությունը:  «Մեզ համար իսկական փրկություն կլինի Գառնու աղբյուրի, ներտնտեսային ցանցի  վերանորոգումը, որի շնորհիվ  ինքնահոս ջրամատակարարում կունենանք»,- վստահեցնում է  համայնքի ղեկավարը:

«Իրավունք»-ը  Գառնու գյուղապետարանի բակում  եւ համայնքում շրջելիս  հանդիպեց Գառնի գյուղի բնակիչներին, որոնց մի մասը կողմ էր Գառնի-Քաղցրաշեն ծրագրի իրականացմանը եւ համամիտ չէր այն կարծիքին, թե  դրա պատճառով   Ազատ  գետը կցամաքի:  Գառնեցիների մասն էլ   կարծես այնքան էլ լավ իրազեկված չէին  Գառնի-Քաղցրաշեն ծրագրից: Նրանք մտավախություն ունեն, որ  ծրագրի իրականացման դեպքում կպակասի խմելու ջուրը, մինչդեռ խոսքը ոռոգման ջրի մասին է:  «Տարեք: Թող էս մարդիկ էլ ցամաք մնան»,- կատակով ասաց գառնեցիներից մեկը: Գյուղապետն էլ հակադարձեց` ցամաք մնալու մասին խոսք չկա:

Մանրամասները` տեսանյութերում:

 

 

 

 

 

 

 

 

 

 

 

 

 

 

 

 

 

 

 

 

 

 

ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ