Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ՏՈՆԱԿԱՆ ԵՎ ՀԵՏՏՈՆԱԿԱՆ ՕՐԵՐԻՆ ԽԱԽՏՎԵԼ ԵՆ ՍՊԱՌՈՂՆԵՐԻ ՄԻ ՇԱՐՔ ԻՐԱՎՈՒՆՔՆԵՐ

Արխիվ 12-16

ՏՈՆԱԿԱՆ ԵՎ ՀԵՏՏՈՆԱԿԱՆ ՕՐԵՐԻՆ ԽԱԽՏՎԵԼ ԵՆ ՍՊԱՌՈՂՆԵՐԻ ՄԻ ՇԱՐՔ ԻՐԱՎՈՒՆՔՆԵՐ


Այսօր լրագրողների հետ հանդիպման ժամանակ «Իրազեկ եւ պաշտպանված սպառող» հասարական կազմակերպության նախագահ ԲԱԲԿԵՆ ՊԻՊՈՅԱՆՆ անդրադառնալով տոնական եւ հետտոնական օրերի ընթացքում սպառողների իրավունքերի խախտման դեպքերին նկատեց, որ այս տարի տեղացած առաջին ձյան հետ միասին խախտվել է սպառողների տեղաշարժվելու իրավունքը: Չնայած դրան, Երեւանի քաղաքապետարանը հայտարարություններ էր տարածում, թե իբրեւ Երեւանի փողոցներում իրականացվում է ձյան մաքրման աշխատանքեր.«Մենք բոլորս ենք տեսել, որ փողոցները չեն մաքրվել: Ավելին`հունվարի 3-ին Երեւանի փողոցներով շրջելիս կարելի էր հանդիպել միայն 3-4 մեքենայի, որոնք մաքրում էին ձյունը: Մեր սպառողների անունից շնորհակալություն եմ հայտնում տաք ցիկլոններին, որոնք եկան եւ մաքրեցին Երեւան քաղաքը»,- նշեց Բ. Պիպոյանը: Բանախոսը չի ընդունում պատկան մարմինների այն արդարացումները, որ ցանկացած զարգացած երկրում ձյան տեղումները ստեղծում են քաոսային վիճակ. «Զարգացած եւ զարգացող երկրներում քաոս ստղծվում է միայն չնախատեսված ձյան հետեւանքով, ինչը մեզ մոտ արդեն կանխատեսել էին»,-ընդգծեց Բաբկեն Պիպոյանը: Նրա խոսքով`ամանորյա տոներից հետո  720 մարդ ստացել է մարմնականտարբեր աստիճանի վնասվածք եւ տեղափոխվել հիվանդանոց, դեպքերի գերեկշիռ մասը գրանցվել է հունվարի 1-ին եւ 2-ին: Գրանցվել է նաեւ մարմնական լուրջ վնասվածքի 18 դեպք, որը եղել է պայթուցիկ նյութերի հետեւանքով`վնասվել են մարդկանց աչքերը, կտվել են մատերը, եղել են նույնիսկ առանձին դեպքեր, երբ հնարավոր չի եղել վերականգնել կտրված մատը.«Այստեղ չեմ կարող չանդրադառնալ ՀՀ Էկոնոմիակայի նախարարության այն «ֆանտաստիկ» աշխատանքին, որի արդյունքում իբրեւ թե բարեփոխումների արդյունքում լուծարվեց շուկայի վերահսկողության պետական տեսչությունը: Տոնական օրերին, երբ պետք է ակտիվանար այս ոլորտի վերահսկողությունը, տեղի ունեցավ հակառակը»,-փաստեց «Իրազեկ եւ պաշտպանված սպառող» հ/կ նախագահը:

Բանախոսը նաեւ նկատեց, որ վերջին օրերի ընթացքում սպառողներին շատ է անհանգստացնում կոմունալ վճարումների ահռելի չափը , այդ ուղությամբ այժմ հասարակական կազմակերպությունն իրականացնում է ուսումնասիրություններ, որոնք կավարտվեն հունվարի 25-ին. «Մեզ մոտ արդեն կան ենթադրություններ, որ կոմունալների ֆիքսումը տեղի է ունեցել ոչ թե դեկտեմբերի վերջին, այլ սկզբին»,-եզրափակեց Բաբկեն Պիպոյանը:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ