«ՑԱՆԿԱԼԻ Է` ՏՐԱՍՆՍՊՈՐՏԻ ՆԱԽԱՐԱՐՈՒԹՅՈՒՆԸ ԼԻՑԵՆԶԻԱ ՏՐԱՄԱԴՐԵԼԻՍ ՎԱՐՈՐԴԻ ՀԵՏ ՄԻ ՓՈՔՐ ԶՐՈՒՑԻ»

«ՑԱՆԿԱԼԻ Է` ՏՐԱՍՆՍՊՈՐՏԻ ՆԱԽԱՐԱՐՈՒԹՅՈՒՆԸ ԼԻՑԵՆԶԻԱ ՏՐԱՄԱԴՐԵԼԻՍ ՎԱՐՈՐԴԻ ՀԵՏ ՄԻ ՓՈՔՐ ԶՐՈՒՑԻ»

Անհատ տաքսու վարորդ Հմայակ Բաբայանն այսօր լրագրողների հետ զրույցում դժգոհեց  չլիցենզավորված տաքսիներից, որոնք ազատ ժամանակ խոչընդոտում են լիցենզավորված տաքսիստների աշխատանքին: Խոչընդոտում են, խցանում  են առաջացնում, ինչ-որ տեղեր զավթում:

Չլիցենզավորված տաքսիստներն այն քաղաքացիներ են, որոնք ազատ ժամանակ են իրենց մեքենան որպես տաքսի են օգտագործում: Մոտ տասը հազար չլիցեզավորված տաքսիներ են պտտվում քաղաքում:

«Իրավունք»-ի հարցին` չլիցենզավորված տաքսիստները միգուցե ուղեւոր են փախցնում լիցենզավորված տաքսիստներից, Հմայակ Բաբայանը համաձայնեց. «Այո, մարդիկ կան, որոնք մի տեղ աշխատում են: Տաքսի  քշելն էլ իրենց երկրորդ գործն է: Իսկ իմ  ու լիցենզավորված տաքսիստները միայն տաքսի քշելով են իրենց սոցիալական հարցերը լուծում: Էլ չեմ խոսում այն մասին, որ լիցենզավորված տաքսիստները  հարկեր են   վճարում, իսկ չլիցենզավորվածները` ոչ: Արդար չէ»:

Մեր մյուսի հարցին` անհրաժեշտ է, որ տրանսպորտի եւ կապի նախարարությունն տաքսու ոլորտում առկա այլ խնդիրների լուծումն էլ իր վրա վերցնի, քանի որ հաճախ վարորդ-ուղեւոր  անլուծելի կոնֆլիկտ է առաջանում: «Ցանկալի է, որ  տրասնսպորտի կապի նախարարությունը լիցենզիա տալու ժամանակ  վարորդի հետ մի փոքր զրուցի`պարզելու, թե ում է տալիս լիցենզիա»:

Անհատ տաքսու վարորդը դժգոհեց նաեւ «Վարչական իրավախախտումների մասին» օրենքում վերջերս արված փոփոխություններիc: Մասնավորապես, տրանսպորտային միջոցների վարորդների կողմից կանգառի և (կամ) կայանման կանոնների խախտում չի համարվում, երբ կանգառը կատարվել է միայն ուղևորների նստելու կամ իջնելու նպատակով և այն չի գերազանցել մեկ րոպե ժամանակահատվածը: «Բայց այդ մեկ րոպեն քիչ  է: Գուցե ուղեւորն իրեր ունի ձեռքին կամ հղի կին է իջնում: Ինչպես կարող ես չօգնել նրան»,- ասաց տաքսու վարորդը:

Վարորդը պահանջում է տրանսպորտի եւ կապի նախարարությունը քայլեր ձեռնարկի, որպեսզի չլիցենզավորված տաքսիստները լիցենզավորվեն եւ աշխատեն հավասար պայմաններում, ապա  լիցենզավորված տաքսիստները կհրաժարվեն ամսավճարները վճարելուց:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝