Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ՍԱՄՎԵԼ ԶԱՔԱՐՅԱՆ. «ՀԱՅ ՏԱՔՍԻՍՏՆԵՐԸ ԴԵՂԵՐ ԵՆ ՆԵՐԿՐՈՒՄ ՎՐԱՍՏԱՆԻՑ, ՍԱԿԱՅՆ...»

Արխիվ 12-16

ՍԱՄՎԵԼ ԶԱՔԱՐՅԱՆ. «ՀԱՅ ՏԱՔՍԻՍՏՆԵՐԸ  ԴԵՂԵՐ ԵՆ ՆԵՐԿՐՈՒՄ ՎՐԱՍՏԱՆԻՑ, ՍԱԿԱՅՆ...»

«Դեղերի մասին օրինագիծը հայտնվեց խորհրդարանում: Այն  ներառում է   միջազգային չափանիշներին համապատասխան  հասկացություններ: Մեր կազմակերպությունը եւս առաջարկներ է  ներկայացրել»,- այսօր լրագրողների հետ զրույցում ասաց դեղ արտադրողների եւ ներկրողների միության (ԴԱՆ) նախագահ Սամվել Զաքարյանը:

Նախորդ տարվա առաջին կիսամյակի տվյալներով` դեղերի արտադրությունն ավելացել է  32%-ով, արտահանումը` 26%-ով:

Օրեր առաջ պարզ դարձավ, որ միայն  «Նատալի Ֆարմ» դեղատների ցանցում կարելի է գտնել «խոզի» գրիպի բուժման համար նախատեսված  Տամիֆլյու դեղամիջոցը: Արդյոք սա չի նշանակում, որ դեղագործական ոլորտը մենաշնորհված է: Հարցին  բանախոսը բացասական պատասխանեց. «Ոչ: Դեղագործական ոլորտը Հայաստանում մենաշնորհված չէ: Եթե միայն մի  դեղատների ցանց է ինչ-որ դեղ ներկրում, դա չի նշանակում, որ ոլորտը մենաշնորհված է»:

ԴԱՆ միության նախագահ  Սամվել Զաքարյանը հերքեց նաեւ այն սխալ կարծիքը, թե  տեղական արտադրության դեղերն իրենց որակով զիջում են  արտասահմանյան դեղերին: Թե՛  Հայաստանում արտադրվող, թե՛ արտասահմանից բերվող դեղերը փորձաքննություն  են անցնում:

Բանախոսը նաեւ ասաց, որ նոր է վերադարձել Թբիլիսիից, այցելել է կայարանի այն փոքրիկ դեղատուն, որտեղից հիմնականում հայ տաքսիստները դեղեր են ներկրում: « Հիմնականում մարզերի դեղատներն են խնդրում տաքսիստներին իրենց համար բերել այնպիսի դեղեր, որոնք Վրաստանում ավելի էժան են: Վրաստանից եկող դեղերի քանակը գնալով վախեցնող թվերի է հասել: Դրա մասին տարիներ շարունակ խոսում ենք, բայց ոչ մեկն այդ ուղղությամբ քայլեր չի իրականացնում»:

Զաքարյանի պարզաբանմամբ Վրաստանից բերվող դեղերը կարող են լուրջ վտանգ ներկայացնել քաղաքացիների կյանքի համար, քանի որ Հայաստան տեղափոխելիս խախտվում են դեղերի պահպանման ժամկետները, ու անհայտ է նաեւ դրանց ծագումը:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ