«ՍՈՒՏ ԽՈՍԱԿՑՈՒԹՅՈՒՆՆԵՐ». ԿԱՐԵՆ ԱՆԴՐԵԱՍՅԱՆԸ` ՀԱՅԱՍՏԱՆԻՑ ՀԵՌԱՆԱԼՈՒ ԼՈՒՐԵՐԻ ՄԱՍԻՆ

«ՍՈՒՏ ԽՈՍԱԿՑՈՒԹՅՈՒՆՆԵՐ». ԿԱՐԵՆ ԱՆԴՐԵԱՍՅԱՆԸ`

ՀԱՅԱՍՏԱՆԻՑ ՀԵՌԱՆԱԼՈՒ ԼՈՒՐԵՐԻ ՄԱՍԻՆ

Մարդու իրավունքների արդեն նախկին պաշտպան Կարեն Անդրեասյանն այսօր հրապարակել է իր հրաժարականի երկրորդ տեքստը: Այն, սակայն, նոր հարցեր առաջացրեց թե՛ հանրության, թե՛ լրագրողների  համար: Մասնավորապես, Կարեն Անդրեասյանը գրել է, որ եթե նա այս տարի եւս լիներ ՄԻՊ, ապա մարդու իրավունքների պաշտպանի ինստիտուտը չէր աշխատի այնպիսի արդյունավետությամբ, ինչպիսին այլեւս չէր լինի այնքան արդյունավետ, որքան դարձել էր երկար տարիների չարչարանքի շնորհիվ:

«Իրավունք»-ը Կարեն Անդրեասյանից «Ֆեյսբուք» սոցիալական ցանցի միջոցով փորձեց պարզել` ում կամ ինչի պատճառով օմբուդսմենի ինստիտուտը պետք է ոչ արդյունավետ աշխատեր: Անդրեասյանը, սակայն, ոչ մի մեկնաբանություն չտվեց` ասելով. «Կներեք, բայց ավելացնելու բան չունեմ: Ամեն նոր բառ ծնելու է նոր հարցեր, իսկ ես չեմ կարող անվերջ մեկնաբանել: Ես մասնավոր անձ եմ եւ չեմ ցանկանում որեւէ լրատվամիջոցի մեկնաբանություն տալ»:

Անդրեասյանն անգամ անպատասխան թողեց այն հարցը, թե արդյոք իր հրաժարականի պատճառն այն ոտքն է, որի մասին հայտարարել էր  աշտպանը լրագրողների հետ զրույցում` նախորդ տարի, երբ արձագանքել էր ՀՀԿ պատգամավոր Սամվել Ֆարմանյանի քննադատությանը:

Ինչ վերաբերում է այն լուրերին, թե Կարեն Անդրեասյանն ընտանիքով հեռանալու է  Հայաստանից, քանի որ, ըստ շրջանառվող լուրերի, ճնշումներ են եղել նրա հանդեպ, նախկին պաշտպանն այսպես արձագանքեց. «Անիմաստ, դատարկ ու սուտ խոսակցություններ: Անգամ մեկնաբանելու կարիք չկա»:

Ի դեպ, Կարեն Անդրեասյանը տեղեկացրեց, որ ԱԺ ուղարկված իր դիմումից հետո իրավական որեւէ ընթացակարգով նախատեսված չէ, որ պետք է ներկայանա խորհրդարան:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝