Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

ՍՈՑԻՈԼՈԳԸ` ԳԱԼԻՔ ԽՈՐՀՐԴԱՐԱՆԻ ՄԱՍԻՆ. «ՀԱԿ-Ը ԿԱՆՑՆԻ, ԹԵ ՈՉ, ԴԺՎԱՐԱՆՈՒՄ ԵՄ ԱՍԵԼ»

Արխիվ 12-16

ՍՈՑԻՈԼՈԳԸ` ԳԱԼԻՔ ԽՈՐՀՐԴԱՐԱՆԻ ՄԱՍԻՆ. «ՀԱԿ-Ը

ԿԱՆՑՆԻ, ԹԵ ՈՉ, ԴԺՎԱՐԱՆՈՒՄ ԵՄ ԱՍԵԼ»


 

Քաղաքական ուժերն աստիճանաբար պատրաստվում են 2017 թ-ի խորհրդարանական ընտրությունների: «Իրավունք»-ը սոցիոլոգ Ահարոն Ադիբեկյանից պարզեց` քաղաքական ինչ վերադասավորումներ կլինեն այս տարի: «Եթե ԲՀԿ-ն չվերակենդանա, ընդդիմադիր դաշտում ընտրազանգվածի  բաշխումներ կլինի, մի մասը կանցնի իշխանական թեւին, մի մասը` ընդդիմությանը»,- կարծում է Ադիբեկյանը:


Մեր զրուցակցի խոսքով`ԲՀԿ-ն այս վիճակում անգամ ձեռնտու է իշխանությանը, որպեսզի նա աշխարհին ցույց տա, որ Հայաստանում ժողովրդավարական համակարգ է, որ որոշողը մեկ ուժը չէ:

Սոցիոլոգը ԲՀԿ-ի վերակենդանացումը ինչ-որ առումով առնչակցում է ԲՀԿ նախկին առաջնորդ Գագիկ Ծառուկյանի հետ. «Եթե Ծառուկյանը չվերադառնա, պարզ չէ` ով կվերամիավորի, կվերակենդանացնի ԲՀԿ-ին: Հիմա պարզ չէ` ով է ֆինանսավորում այդ կուսակցությանը»:

Ընդդիմադիր դաշտը, Ադիբեկյանի խոսքով, կարծես թե միավորվելու միտում չունի:  Սոցիոլոգը կարծում է, որ հաջորդ խորհրդարանում կլինեն ՀՀԿ-ը, ԲՀԿ-ն, ՕԵԿ-ը, ՀՅԴ-ն: «Ժառանգություն»-ն էլ այսքանից հետո շանս ունի ԱԺ-ում լինելու. «Րաֆֆի Հովհաննիսյանն ունի` իր ընտրաշերտով: ՀԱԿ-ը կանցնի, թե ոչ, դժվարանում եմ ասել»:

Իշխող կուսակցությունը, սոցիոլոգի կանխատեսմամբ, ԲՀԿ-ի կամ ՀՅԴ-ի հետ կկազմի կոալիցիա:

Ինչ վերաբերում է նորաստեղծ «Քաղաքացիական պայմանագիր», «Լուսավոր  Հայաստան», «Ալյանս» կուսակցությունների շանսերին, ապա դրանք, ըստ մասնագետի,  թղթի վրա գրանցված  ազմակերպություններ են: «Նրանք կփորձեն հանրային դժգոհ հատվածին իրենց շուրջ միավորել, բայց  պարզ չէ` ինչ ռեսուրս ունեն նրանք»: Հստակեցրինք, Նիկոլ Փաշինյանի ԱԺ-ում ելույթներն ինչպես են ազդում հանրության վրա, ով հանդես է գալիս թունդ ընդդիմադիր ձեւով. «Խարիզմատիկ առաջնորդներ ունենալը դեռ ոչինչ չի նշանակում»,- վերլուծում է սոցիոլոգը:


ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ