Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան «Իմ ընկերը». Թրամփը հրապարակել է Պուտինի հետ լուսանկար ԱՄՆ-ն աշխատում է Ուկրաինայում ավելի համապարփակ հրադադարի վրա. Թրամփ

«ԵՎՐՈՅՈՆՋԱ». ՓԱՇԻՆՅԱՆԻ ԿՈՒՍԱԿՑՈՒԹՅԱՆ ԹԻՐԱԽՆԵՐՆ ԻՐԱՆՆ ՈՒ ՎՐԱՍՏԱՆՆ ԵՆ

Արխիվ 12-16

«ԵՎՐՈՅՈՆՋԱ». ՓԱՇԻՆՅԱՆԻ ԿՈՒՍԱԿՑՈՒԹՅԱՆ

ԹԻՐԱԽՆԵՐՆ ԻՐԱՆՆ ՈՒ ՎՐԱՍՏԱՆՆ ԵՆ

 

2016 թ-ը Հայաստանի համար նախընտրական տարի է: Մի շարք համայնքներում կլինեն տեղական ինքնակառավարման համակարգի ընտրություններ: Սահմանադրության փոփոխությունից հետո  այս տարի պետք է մշակվի ընտրական նոր օրենսգիրք, որից հետո պարզ կդառնա` ընտրական ինչ մոդելով են քաղաքական ուժերը  մասնակցելու 2017 թ-ի խորհրդարանական ընտրություններին:  «Իրավունք»-ը  «Քաղաքացիական պայմանագիր» կուսակցության վարչության անդամ Ալեն Սիմոնյանից պարզեց` ՔՊ-ը, նորաստեղծ «Լուսավոր Հայաստան»-ն (ԼՎ) ու «Ալյանս»-ը կստեղծե՞ն  ընդդիմադիր դաշինք, թե առանձին-առանձին կմասնակցեն խորհրդարանական ընտրություններին: «Այսօր մեր օրակարգում նման հարց չկա: Առաջիկա մեր քաղխորհրդի նիստում կքննարկենք `ընդհանրապես կո՞ղմ ենք դաշինքների, թե՞ ոչ: Իմ անձնական կարծիքով ընդհանրապես բացասական է, քանի որ պատմությունը ցույց է տվել` որեւէ դաշինք որեւէ բանի չի հանգեցրել»:


- Վստահության դեֆիցիտ կա՞, թե՞ պարզապես ընդդիմադիրներն իրար չեն վստահում:


- Փորձն է այդպես ցույց  տալիս: Նաեւ քաղաքական ներկապնակն է դրդում ինձ այդպես մտածել: Որպես քաղաքական գործիչ` չեմ պատկերացնում, թե ում հետ եմ դաշինք կազմելու:


- Օրինակ, Էդմոն Մարուքյանի «Լուսավոր Հայաստան» կուսակցության հետ:


- Չգիտեմ, չեմ մտածել: Բացի այդ` դա «Լուսավոր Հայաստան»-ի որոշումն է:


- Հետաքրքիր է, իսկ նորաստեղծ ընդդիմադիր ուժերը` ՔՊ-ը, ԼՎ, «Ալյանս»-ը ինչպե՞ս են միմյանց միջեւ բաժանելու ընդդիմադիր ընտրազանգվածը:


- Բաժանելու խնդիր չկա, մեր քաղաքացիներին մեր աշխատանքին մասնակից ենք սարքելու, մեր գործն ենք անելու:


«ԻՄ ԱՍԱԾԸ 6000 ԴՐԱՄ ՉԱՐԺԵ, ԵԹԵ ՔԱՂԱՔԱՑԻՆ ՎԵՐՑՆՈՒՄ Է

5000 ԴՐԱՄ»


- Մեր երկրում պաշտոնական տվյալներով` գրանցված  է 70-75 կուսակցություն, սակայն հանրությունն այդքան էլ չի  վստահում կուսակցություններին:  Ինչո՞ւ պետք է հանրությունը  հավատա ձեր կուսակցությանը: Ի՞նչ նորարարություն եք անելու, որը չեն արել մյուս կուսակցությունները:


- Ինչու պետք է  մեզ վստահեն, քանի որ մենք բաց ենք, ի տարբերություն այլ կուսակցությունների: Մեր վարչության նիստերին մարդիկ են մասնակցում, որոնց մենք չենք ճանաչում: Մենք կուլիսներում որոշումներ չենք կայացնելու: Նոր առաջարկներով ենք հանդես գալու, պայքարի նոր մոտեցում ենք բերելու: Այսինքն` ստեղծել ինստիտուցիոնալ ընդդիմություն: Միշտ հարց են տվել ընդդիմությանը` ո՞վ է ձեր պաշտպանության նախարարի թեկնածուն, սակայն պատասխան չի եղել: Մեր առաջարկները  պետք է գրավիչ լինեն քաղաքացիների համար: Կկարողանանք անել, բարի, չենք կարողանա, մեղքը մերն է: Մենք  երբեւէ չենք մեղադրի ՀՀ քաղաքացուն, օրինակ, 5000 դրամ վերցնելու համար: Նշանակում է` իմ ասածը չարժեր 6000 դրամ, որ քաղաքացին 5000 դրամ վերցրեց:


- «ՔՊ»-ն ասում է, որ  որպես կուսակցություն դուրս է ցանկացած «իզմ»-ից: Բայց այսօր միջազգային մակարդակով ձեւավորվել է  անվտանգության երկու  համակարգ` ՀԱՊԿ-ը եւ ՆԱՏՕ-ը: Քաղաքական ուժերի մի մասը  ՀՀ-ի անվտանգությունը տեսնում է ՀԱՊԿ-ում, մյուս մասը` ՆԱՏՕ-ում:  Ձեր կուսակցության մոտեցումը ո՞րն է:


- Մեր անվտանգությունը տեսնում ենք  անմիջական հարեւանների` Իրանի եւ Վրաստանի հետ  լայն եւ առանց նախապայմանների համագործակցելով: Ո՛չ ԵՏՄ-ի, ո՛չ ՆԱՏՕ-ի հետ մեր համագործակցությունը չպետք է վնասի Իրանի եւ Վրաստանի հետ մեր հարաբերություններին:


- Այսինքն` արտաքին քաղաքական ներկայիս օրակարգն ընդունելի՞ է ՔՊ-ի համար:


- Մեր դիրքորոշումը Նիկոլ Փաշինյանի քվեարկությունն է ԵՏՄ-ին միանալու Հայաստանի պայմանագիրը: Պրն Փաշինյանը դեմ է քվեարկել:


-Այսինքն` Նիկոլ Փաշինյանը թեքվում է դեպի Արեւմո՞ւտք:


-Ոչ: Երբ մեզ սկսեցին անվանել արեւմտամետ, բարձրաձայնեցինք «ոչ»- «ոչ»-ի սկզբունքը: Մեզ ասացին` ՔՊ-ն ռուսամետ է: Բայց չի կարելի ասել` սա ես, կամ` նա:  «Եվրոյոնջա» արտահայտությունը լսե՞լ եք: Դրա հեղինակը Նիկոլ Փաշինյանն է:


- Փաստորեն, ՔՊ-ը կոմպլեմենտար քաղաքականությա՞ն կողմնակից է:

- Չէ: Մեր հարաբերությունների հիմնական նպատակը պետք է լինեն Իրանն ու Վրաստանը: Ասում եք ՆԱՏՕ: Էդ նույն ՆԱՏՕ-ի պատճառով, որի կազմում է նաեւ Թուրքիան, չենք կարողանում Իրանից գազ ստանալ, քանի որ դրա վրա վետո էր դրված:

- Իրանի ու Վրաստանի հետ Հայաստանը հիմա էլ է հարաբերություններ կառուցում:


- Բայց ոչ այն չափով, որն անհրաժեշտ է եւ կարող ենք:


- ՔՊ-ն  իշխանության գալու դեպքում ՀՀ-ի արտաքին քաղաքական օրակարգում փոփոխություն լինելո՞ւ է:


- Այդ հարցը կտաք մեր ԱԳ նախարարի թեկնածուին:

 

Հ.Գ. Հետաքրքիր է` տեսնես պարոն Փաշինյանն ինչ ակնկալիքներով է հունվարի 23-ին մեկնելու Փարիզ, երբ «Եվրոյոնջա» արտահայտության հեղինակն է:


ՍՈՆԱ ԴԱՎԹՅԱՆ


 

 

Հավանեցի՞ր հոդվածը, կիսվիր ընկերներիդ հետ