ՍԻՄ ՆԱԽԱԳԱՀ ԱԺ ՊԱՏԳԱՄԱՎՈՐ ՀԱՅԿ ԲԱԲՈՒԽԱՆՅԱՆԻ 2015 ԹՎԱԿԱՆԻ ՊԱՏԳԱՄԱՎՈՐԱԿԱՆ ԳՈՐԾՈՒՆԵՈՒԹՅԱՆ ԱՄՓՈՓՈՒՄ

ՍԻՄ ՆԱԽԱԳԱՀ ԱԺ ՊԱՏԳԱՄԱՎՈՐ ՀԱՅԿ ԲԱԲՈՒԽԱՆՅԱՆԻ 2015 ԹՎԱԿԱՆԻ ՊԱՏԳԱՄԱՎՈՐԱԿԱՆ ԳՈՐԾՈՒՆԵՈՒԹՅԱՆ ԱՄՓՈՓՈՒՄ

Ա) ԱԶԳԱՅԻՆ ԺՈՂՈՎՈՒՄ ԲԱՐՁՐԱՑՐԱԾ ՀԱՐՑԵՐԸ ԵՎ ԽՆԴԻՐՆԵՐԸ
Իր ելույթներում, ԱԺ-ում հարց ու պատասխանի ընթացքում եւ պատգամավորական հարցումներում Հ. Բաբուխանյանը բարձրացրել է հետեւյալ հարցերը.
1. Հայաստանում գենային մոդիֆիկացված գյուղապրանքների արգելման վերահսկողության եւ բնիկ հայկական սորտերի պահպանման հարցը:
2. Դատավորների էթիկայի եւ արդարադատության մակարդակի բարձրացման հարցը:

3. Թափոնների վերամշակման խնդիրը:
4. ԵՏՄ-ին անդամագրվելու հետեւանքով Հայաստանից ստացած տնտեսական օգուտների հարցը:
5. Բրիտանական ֆիլմերի փառատոնի, որպես երեխաների իրավունքների ոտնահարման խնդիրը:
6. 12-ամյա պարտադիր կրթության հետ առնչվող հարցերը:
7. Հեռուստատեսությունում եւ ռադիոյում հայոց լեզվի մատուցման եւ հայրենասիրական դաստիարակության խնդիրները:
8. Տնտեսական մրցակցության ասպարեզում եւ ՏՄՊՊՀ-ի աշխատանքի մեջ առկա խնդիրները:
9. Բանկերի հետ առնչվող քաղաքացիների իրավունքների պաշտպանության հարցը:
10. Էլեկտրաէներգիայի սակագնի հետ կապված եւ Հայաստանի էներգահամակարգին առնչվող խնդիրներ:
11. Հասարակական տրանսպորտի անվտանգության խնդիրներ:
12. «Սորոսի» հիմնադրամի եւ արտասահմանից ֆինանսավորվող որոշ ՀԿ-ների հակապետական եւ ազգային արժեքների դեմ ուղղված գործունեության որոշ խնդիրների մասին:
13. Թուրքիայի եւ Ադրբեջանի ահաբեկչական քաղաքականության մասին:
14. ՌԴ-ի հետ ռազմավարական դաշնակից հարաբերությունների մասին:

Բ) 2015 ԹՎԱԿԱՆԻՆ ՕՐԵՆՍԴՐԱԿԱՆ ՆԱԽԱՁԵՌՆՈՒԹՅԱՆ ԿԱՐԳՈՎ ՆԵՐԿԱՅԱՑՎԱԾ ԱՌԱՋԱՐԿՈՒԹՅՈՒՆՆԵՐ
1. «Նույնականացման քարտերի մասին» Հայաստանի Հանրապետության օրենքում լրացում կատարելու մասին. (համահեղինակ, առաջարկությունն ընդունվել է):
2. ՀՀ քաղաքացիական օրենսգրքում լրացում կատարելու մասին օրենքի նախագիծ (քննարկման ընթացքում):
3. Կուսակցությունների մասին օրենքում լրացումներ եւ փոփոխությունների մասին (ընդունվել է):
4. Զանգվածային լրատվության մասին ՀՀ օրենքում լրացում կատարելու մասին օրենքի նախագիծ (քննարկան ընթացքում է):
5. Առաջարկություններ ՀՀ Սահմանադրության հայեցակարգի, այնուհետեւ` նախագծի վերաբերյալ (ընդունվել են մասամբ):
6. Ճանապարհային երթեւեկության անվտանգության ապահովման մասին ՀՀ օրենքում փոփոխություններ կատարելու մասին (համահեղինակ, չի ընդունվել):
7. Կրթության մասին օրենքում փոփոխություն կատարելու մասին (ընդունվել է մասամբ):

Գ) ՄԻՋԽՈՐՀՐԴԱՐԱՆԱԿԱՆ ԵՎ ՄԻՋԱԶԳԱՅԻՆ ԳՈՐԾՈՒՆԵՈՒԹՅՈՒՆ` 2015 ԹՎԱԿԱՆԻՆ
1. Հ. Բաբուխանյանը վերընտրվել է ԱՊՀ Միջխորհրդարանական վեհաժողովի (ՄԽՎ) Գիտության եւ կրթության հանձնաժողովի նախագահ, մասնակցել է ԱՊՀ ՄԽՎ լիագումար նիստերին եւ խորհրդի նիստերին:
2. ԱՊՀ ՄԽՎ Գիտության եւ կրթության հանձնաժողովում ներկայացրել է "ԱՊՀ երկրների երիտասարդ գիտնականների միջեւ համագործակցության մասին" հանձնարարականների նախագիծը (ընդունվել է որպես հիմք):
3. ՌԴ խորհրդարանի հետ բարեկամության հանձնաժողովի կազմում մասնակցել եւ ելույթներ է ունեցել հանձնաժողովի նիստին, ինչպես նաեւ հանդիպումներ` ՌԴ Պետդումայում եւ ՌԴ Դաշնային խորհրդում:
4. ՌԴ խորհրդարանի հետ բարեկամության հանձնաժողովի կազմում հանդիպում է ունեցել ՌԴ-ի Յակուտիայի Հանրապետության ղեկավարության, այնուհետեւ Յակուտսկ եւ Միրնի քաղաքների վարչակազմերի հետ, Յակուտսկ քաղաքի հայ համայնքի հետ:
5. Որպես ՀՀ պատվիրակության ղեկավար` մասնակցել է ՌԴ Սուրգուտ քաղաքում Հայաստանի Հանրապետության անկախության տարեդարձի տոնակատարություններին, հայ-ռուսական բարեկամության հուշարձանի բացմանը` հանդիպումներ ունենալով Սուրգուտ քաղաքի ղեկավարության եւ հայ համայնքի հետ: Դասախոսությամբ հանդես է եկել Սուրգուտի պետական համալսարանում:
6. ՀՀ ԱԺ Գիտության, կրթության, մշակույթի, սպորտի եւ երիտասարդության մշտական հանձնաժողովի կազմում մասնակցել է Արցախի խորհրդարանի համապատասխան հանձնաժողովի հետ համատեղ նիստին (քաղաք Ստեփանակերտ):
7. Մասնակցել է Իրանի Իսլամական Հանրապետության պատգամավորների հետ հանդիպմանը (քաղաք Երեւան):
8. Հանդիպում է ունեցել Սանկտ Պետերբուրգի պետական համալսարանի Սոցիոլոգիայի եւ Արեւելքի փիլիսոփայության ամբիոնի պրոֆեսորադասախոսական կազմի հետ:
9. Մասնակցել է Եվրոպայի եւ Ասիայի մեդիաների ֆորումին (քաղաք Մոսկվա):
10. Հանդիպում է ունեցել «Կոմսոմոլսկայա պրավդա» թերթի «Գործարար համբավի» ակումբի հետ, որտեղ ներկայացված են վերոհիշյալ թերթի եւ մի շարք ռուսական լրատվական եւ PR գործակալությունների ու առաջատար բիզնեսի ներկայացուցիչերը (քաղաք Երեւան):
11. Մասնակցել է Ցեղասպանության 100-ամյակին նվիրված «Խորհրդարանականները ընդդեմ Ցեղասպանության» միջազգային խորհրդաժողովին (քաղաք Երեւան):
12. Մասնակցել է եվրոպական բարձրագույն կրթական տարածքի նախարարական 9-րդ գագաթաժողովին (քաղաք Երեւան):
13. Հանդես է եկել բաց նամակով` ուղղված ԵԽԽՎ-ի նախագահին եւ պատգամավորներին:

Դ) ԸՆՏՐՈՂՆԵՐԻ ՀԵՏ ՀԱՆԴԻՊՈՒՄՆԵՐ ԵՎ ԸՆԴՈՒՆԵԼՈՒԹՅՈՒՆ, ՆԱՄԱԿՆԵՐԻ ԵՎ ԴԻՄՈՒՄՆԵՐԻ ՀԵՏ ԱՇԽԱՏԱՆՔ
1. Ազգային ժողովում եւ կուսակցական գրասենյակում ընդունելության ընթացքում տեղի է ունեցել հանդիպում 32 քաղաքացու հետ:
2. Ստացվել է 44 նամակ եւ դիմում, որոնցից 24-ին տրվել են պատասխաններ, իսկ 11-ի վերաբերյալ հարցումներ եւ միջնորդություններ են ուղղվել պետական այլ մարմիններ:
3. Հանդիպումներ են տեղի ունեցել Երեւան քաղաքի եւ մարզերի ընտրողների հետ, ինչպես նաեւ ՀՀ սահմանները պաշտպանող զինծառայողների հետ:

Ե) ՀՐԱՊԱՐԱԿՈՒՄՆԵՐ
1. Հոդվածներ` 17,
2. Մամուլի ասուլիսներ` 10,
3. Տեսակամուրջներ` 3,
4. Հարցազրույցներ` 47 (որից 8-ը արտասահմանյան ԶԼՄ-ներում):

Զ) ՊԱՐԳԵՎԱՏՐՈՒՄՆԵՐ
2015թ. Հ. Բաբուխանյանը պարգեւատրվել է Գրողների միությունների միջազգային ընկերության (ք. Մոսկվա). «Վ. Գոգոլ մեդալով»եւ ԱՊՀ միջխորհրդարանական վեհաժողովի Պատվավոր կրծքանշանով` մամուլի եւ տեղեկատվության զարգացման գործում մատուցած ծառայությունների համար:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝