ՖՐՈՒՆԶԻԿ ԳԱԼՍՏՅԱՆ. «էդ Մխիկի ու իր մտերիմների կիլլերն էր` էդ ստահակ, մարդասպան Սեփոյանը»

ՖՐՈՒՆԶԻԿ ԳԱԼՍՏՅԱՆ. «էդ Մխիկի ու իր մտերիմների

կիլլերն էր` էդ ստահակ, մարդասպան Սեփոյանը»

«Երեկ էդ մարդասպան ստահակի կողմից սպանված որդիներիցս մեկի` անչափահաս, երեք տարեկան երեխայի ծննունդն էր, ինձ ասում է պապիկ` ո՞ւր ա պապան, պապային եմ ուզում, պապային բեր... Իմ երկու տղաներին մտադրված կանչել ու սպանել են, էդ Մխիկի (նախկին պատգամավոր Մխիթար Հարությունյան) ու իր մտերիմների կիլլերն էր` էդ ստահակ, մարդասպան Սեփոյանը», արցունքները մի վարկան անգամ չդադարելով iravunk.com-ի թղթակցի հետ զրույցում, ասաց Հանքավանում 2015թ. նոյեմբերի 16-ին սպանված եղբայրների հայրը` Հրազդանում հայտնի գործարար Ֆրունզիկ Գալստյանը:

Մեր զրուցակցի խոսքով սպանությունից րոպեներ առաջ Հայրապետ Սեփոյանը (մեղադրյալը) հեռախոսազրույց է ունեցել մի ԱԺ ԲՀԿ-ական պատգամավոր Դավիթ Քոչարյանի եւ ԱԺ նախկին պատգամավոր Մխիթար Հարությունյանի հետ.«Սպանությունը գրանցվել է 19-07 րոպեին, իսկ 19-00-ին էդ մարդասպանը զանգել է Քոչարյանին եւ նրա քեռուն, ի՞նչ են խոսել չգիտեմ, բայց արդեն սպանությունը կատարելուց հետո` նորից րոպեներ անց ստահակը զանգել է քեռուն եւ ասել, որ արդեն գործն արված է, հենց Մխիկն էլ փորձել է պարտակել այս գործը, փախցնել քրոջ տղուն, բայց փաստորեն չի ստացվել: մեր փաստաբանը միջնորդել է, որ հարցաքննվեն այդ երկու անձնավորությունները: Ես էս պահին հստակ մեղադրել չեմ կարող, բայց...»:

«ՍՊԱՆՎԱԾՆԵՐԻՑ ՄԵԿԸ` ՎԱՀԵՆ ԵՂԲՈՐՍ ԸՆԿԵՐՆ ԷՐ»

Մենք փորձեցինք կապվել նաեւ ԱԺ պատգամավոր Դավիթ Քոչարյանի հետ, ով նկատեց միայն.«Ես նորմալ հարաբերությունների մեջ եմ եղել այդ ընտանիքի հետ, սպանվածներից Վահեն` եղբորս ընկերն էր: Շրջանառվող խոսակցությունները չեն համապատասխանում իրականությանը»:

Հիշեցնենք, որ 2015թ, նոյեմբերի 16-ին հնչած կրակոցների հետեւանքով սպանվել էին եղբայրներ 25-ամյա Վարդան եւ 35-ամյա Վահե Գալստյանները,  նրանց ընկեր, 27-ամյա Արմեն Հովհաննիսյանը։ Գործով որպես մեղադրյալ ներգրավվել եւ կալանավորվել է 27–ամյա Հայրապետ Սեփոյանը։

Հ.Գ. Վերոհիշյալ դաժան սպանության հետ կապված առավել ուշագրավ մանրամասներ կարդացեք «Իրավունքի» առաջիկա տպագիր համարում:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝