«ՔԵՖ ԱՆՈՂԻՆ ՔԵՖ ՉԻ ՊԱԿՍԻԼ», ԿԱՄ ՕԵԿ-Ի ՏԱՇԻ- ՏՈՒՇԻՆ ԴՈՒԲԱՅՈՒՄ

«ՔԵՖ ԱՆՈՂԻՆ ՔԵՖ ՉԻ ՊԱԿՍԻԼ», ԿԱՄ ՕԵԿ-Ի ՏԱՇԻ-

ՏՈՒՇԻՆ ԴՈՒԲԱՅՈՒՄ

Սոցցանցերում եւ լրատվամիջոցներում այսօր քննարկվող թեմաներից է ՕԵԿ ղեկավար Արթուր Բաղդասարյանի որդու` Վահան Բաղդասարյանի հարսանիքը, որը տեղի է ունեցել ոչ ավել ոչ պակաս Դուբայում:  «Իրավունք»-ն առավոտվանից փորձեց կապ հաստատել ՕԵԿ մամլո խոսնակ Արթուր Միսակյանի, ՕԵԿ խմբակցության բոլոր պատգամավորներին`  պարզելու, թե ինչու է հարսանիքը տեղի ունեցել Դուբայում, ոչ թե Երեւանում, ովքեր են մասնակցել հարսանիքին եւ այլն, սակայն ապարդյուն: ՕԵԿ պատգամավորների հեռախոսները կամ անհասանելի էին, կամ լսվում էին արաբերեն խոսքեր: Կարելի է ենթադրել, որ ՕԵԿ-ականները դեռ Դուբայում են եւ մասնակցում են իրենց շեֆի որդու հարսանյաց արարողությանը, կամ վայելում «վաստակած» հանգիստը:

Ի դեպ, տեղեկացնենք, որ ՕԵԿ խմբակցության ղեկավար Հեղինե Բիշարյանի դուստրն ամուսնացել եւ ապրում է Դուբայում:

Սակայն, ինչու, Արթուր Բաղդասարյանն իր որդու հարսանիքը չկազմակերպեց Հայաստանում դա դեռ այլ թեմա է: Եթե շրջանառվող լուրերը աարդյոք  հարսանիքի քավոր`ՌԴ հայերի միության նախագահ Արա Աբրահամյանն է որպես նվեր  որոշել հարսանյաց արարողությունն անցկացնել Դուբայում, որի մասին եւս կան լուրեր: Եվ որքանով սա քաղաքական ենթատեսքտ չունի: Մասնավորապես, Արթուր Բաղդասարյանը կաշվից էլ դուրս գալով Արա Աբրահամյանի համար պետք է կանաչ ճանապարհ հարթի հատկապես այս տարվա մարտ ամսին, Աբրահամյանի կողմից ստեղծվելիք կուսակցության համար:

Մի բան, սակայն, ակնհայտ է: ԱԺ-ի ամբիոնից գրեթե ամեն օր  Հայաստանում տիրող սոցիալական ծանր իրավիճակից, աղքատությունից խոսող ՕԵԿ-ականներն ու Արթուր Բաղդասարյանը, պարզվում է, այնքան լավ վիճակում են, որ Դուբայում «շեյխավարի» հարսանիք են կազմակերպում: Միգուցե ՕԵԿ-ը  հանրության համար բացահայտի՞  լավ ապրելու բանաձեւն ու Դուբայներում հանգիստ ու քեֆ կազմակերպելու գաղտնիքը:

Հ.Գ. Անկախ  այս ամենից, շնորհավորում ենք նորապսակներին, ցանկանում անսահման երջանկություն:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝