ՄԱՆՎԵԼ ԳՐԻԳՈՐՅԱՆԻ ՕԳՆԱԿԱՆ. «ՀՐԱՉԻԿ ԱԲԳԱՐՅԱՆԻ ԵՎ ԳԵՆԵՐԱԼԻ ՄԻՋԵՎ ԾԵԾԿՌՏՈՒՔ ՉԻ ԵՂԵԼ»
Արխիվ 12-16
ՄԱՆՎԵԼ ԳՐԻԳՈՐՅԱՆԻ ՕԳՆԱԿԱՆ. «ՀՐԱՉԻԿ
ԱԲԳԱՐՅԱՆԻ ԵՎ ԳԵՆԵՐԱԼԻ ՄԻՋԵՎ ԾԵԾԿՌՏՈՒՔ ՉԻ
ԵՂԵԼ»
Էջմիածնում դեռ անցյալ տարվա վերջին լուրեր տարածվեցին, որ քաղաքում իբր տեղի է ունեցել ծեծկռտուք ՀՀԿ պատգամավոր Մանվել Գրիգորյանի` Գեներալ Մանվելի եւ Էջմիածնի նախկին քաղաքապետ Հրաչիկ Աբգարյանի միջեւ: Լուրերի համաձայն` Սեյրան Սարոյանի սանիկին պատկանող սուպերմարկետի հարեւանությամբ է եղել միջադեպը: Նախկին քաղաքապետը գնումներ կատարելուց հետո, երբ դուրս է եկել սուպերմարկետից նկատել է, որ փորձում են հանել իր մեքենայի անիվները, քանի որ նա իբրեւ սխալ տեղ է կայանել: Նախկին քաղաքապետը փորձել է թույլ չտալ դա, սակայն մի քանիսը հորդորել են նրան հեռանալ` ասելով. «Թող գնա, Մանվելն է ասել»: Նախկին քաղաքապետը, սակայն, դիմադրել է: Հեռանալու հորդոր ուղղողները Հրաչիկ Աբգարյանին նաեւ ասել են, որ Մանվել Գրիգորյանը դիմացի մեքենայում նստած է եւ հետեւում է այս ամենին: Դրանից հետո Գեներալ Մանվելն իբր դուրս է եկել մեքենայից, մոտեցել Հրաչիկ Աբգարյանին ու մի քանի բառ փոխանակելուց հետո միամիտ հարվածել նախկին քաղաքապետի դեմքին: Գեներալի թիկնապահներն իբր բռնել են նախկին քաղաքապետի ձեռքերը, որի պատճառով էլ նա չի կարողացել պատասխան հարված տալ. սկսվել է լեզվակռիվ, փոխադարձ հայհոյանքներ: Ըստ շրջանառվող լուրերի` ծեծկռտուք չի եղել: Մանվել Գրիգորյանն իբր ընդամենն ապտակել է Հրաչ Աբգարյանին:
Ի դեպ, տեղեկացնենք, որ նախկին քաղաքապետը սուպերմարկետից գնումներ էր կատարում նախորդ տարի արյան քաղցկեղից 27 տարեկանում մահացած որդու`Գոռ Աբգարյանի առաջին տարին հիշատակելու համար, ով վերջերս էր ամուսնացել եւ զավակ չուներ:
«Իրավունք»-ը փորձեց պարզաբանում ստանալ Մանվել Գրիգորյանից, սակայն ԵԿՄ լրատվության վարչության պատասխանատու Վարդան Վարդանյանը մեզ տեղեկացրեց, որ պրն Գրիգորյանը հիմա չի կարող մեր հարցերին պատասխանել, ապա հերքեց Մանվել Գրիգորյանի եւ Հրաչ Աբգարյանի միջեւ ծեծկռտուքի մասին լուրը: «Չի եղել նման բան: Անգամ զարմանում եմ, որ մամուլում գրում են, թե Հրաչիկ Աբգարյանը հաստատում է ծեծկռտուքի մասին լուրը: Անգամ կասկածում եմ, որ նա նման բան ասած լինի: Այդ աստիճանի հորինե՞ն: Եթե իրոք Հրաչիկ Աբգարյանը նման բան է ասել, թող գնա դատախազություն եւ հայտարարություն տա»,- հորդորեց Վ. Վարդանյանը:
Վարդան Վարդանյանը հորդորեց մեզ` անձամբ խոսել Էջմիածինի բնակիչների հետ եւ համոզվել, որ նրանք նման ո՛չ տեսել են, ո՛չ` լսել:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
10324 դիտում
2
10261 դիտում
3
2252 դիտում
4
2115 դիտում
5
1983 դիտում
1
17623 դիտում
4
8012 դիտում
5
4030 դիտում
4
8257 դիտում
