«ԻՊ-Ի ՀՐԵՇ «ՈՐԴԻՆ» ՄԱՀԱՊԱՏԺԻ Է ԵՆԹԱՐԿԵԼ ԻՐ ՄՈՐԸ»
Արխիվ 12-16
«ԻՊ-Ի ՀՐԵՇ «ՈՐԴԻՆ» ՄԱՀԱՊԱՏԺԻ Է ԵՆԹԱՐԿԵԼ ԻՐ ՄՈՐԸ»
«Մեղմ ասած, սխալված չեմ լինի, որ ասեմ այսօր մարդկության մի մասը կրակի մեջ է, մի մասը` տեւական պատերազմների, տարածքային վեճերի: Աշխարհը լցվել է ստրուկներով, փախստականներով, քաոս-քաոս… Եղանակային էքստրեմալ վիճակները իրենց վտանգներով: Բոլորս վախով ապրում ենք հերթական ահաբեկչությունների, պատերազմների, 21-րդ դարում առաջադեմ մարդկության աչքի առջեւ ցեղասպանության, ստրկավաճառության եւ այսպես շարունակ: Աշխարհի տիրակալներ մի՞թե ժամանակը չէ… Կասկածեմ Աստծո պատժելու զորությա՞նը, մեր անկարողությա՞նը, թե՞…ինչո՞ւ եք լռում, ինչո՞ւ…», - ահա այսպիսի նախաբանով հայտարարություն է տարածել «Միդիա-Շանգալ» Եզդիների ազգային միավորում ՀԿ խորհրդի նախագահ ԱՄՈ ՇԱՐՈՅԱՆՆ ու մանրամասնել ասվածը. «Մարդի՛կ, հասկացեք վերջապես մարդկությունը ԻՊ-ի եւ նմանատիպ այլ հրեշների հետ ապագա չունի… Մենք պարտավոր ենք վերացնել մեր Երկիր մոլորակին պատած ահավոր տագնապը: ԻՊ-ի հրեշների նենգ ցանցապատյանը, ապահովել Երկիր մոլորակի կայունությունն, անվտանգությունը եւ խաղաղությունը: Գլոբալացումը տիրում է աշխարհում, բոլորը ամեն ինչ գիտեն, բայց, չգիտես ինչու, չեն ուզում աշխարհը դուրս բերել այս ահավոր տագնապալի քաոսից: Մեզ այլեւս բացսական ցնցումներ պետք չեն, բոլորս հաղթող չենք կարող լինել, բայց պետք է հաղթի Մարդը-Մարդկությունը: Բացե՛ք աչքերդ մեզ բոլորիս վտանգ է սպառնում: Միմյանց մի՛ մեղադրեք, գերակայություն պահպանելու համար: Մի՛ թշնամացեք, զսպե՛ք Ձեր շահերը, դաշնակցեք-դաշնակցեք եկել է ժամը վերջ տալու կրկնակի ստանդարտներ կիրառելու քաղաքականությանը»: Այնուհետեւ Ա. Շարոյանը կոչ է անում հին հույն մտածող Արիստոտելի տարին հաստատված 2016թ-ը դարձնել անվտանգության, խաղաղության, բարու հաղթանակի, չարի կործանման տարի. «Ես չեմ վախենում, միեւնույն է, վաղնջական ժամանակներից միշտ էլ բարին հաղթել է չարին: Պարզապես, հետեւություններ եմ անում, ունեմ իմ կարծիքը, պետք է աշխարհը փրկել ԻՊ-ի եւ նրա նման չարիքից: Մամուլում հայտնում են, որ օրերս Ռաքքա քաղաքում ԻՊ-ի հրեշ «որդին» մահապատժի է ենթարկել իր մորը: Որի մեղքը եղել է այն, որ նա որդուն խնդրել է հեռանալ ԻՊ-ի հրեշների շարքերից: Նա չի համաձայնվել, քաղաքի հրապարակում հարյուրավոր մարդկանց աչքի առջեւ սպանել է մորը:
Իսկ փախստակնների ճանբարում 14 ամյա եզդի պատանին ինքնասպանություն է գործել, այլեւս չդիմանալով ճամբարի «կյանքին»: ԻՊ-ի հրեշը սպանել է նրան, ով կյանք է տվել իրեն, ով պահել ու պահպանել է իրեն: Աստված իմ, եթե մենք չենք կարող, փակիր այդ «որդու», նրա նմանների հույսի դուռը, նա կյանքի ճրագն է մարել, իր օրորոցն օրորողին է սպանել, մի՞թե կարել է մորը մահապատժի ենթարկել…»: Եզրափակելով խոսքը` «Միդիա-Շանգալ» Եզդիների ազգային միավորում ՀԿ խորհրդի նախագահը շեշտել է. «Ասում են` եթե ինչ-որ բան պարզ տեսնում ես եւ բացատրություն չես տալիս, նշանակում է կա՛մ բավականաչափ ինչ-ինչ պատճառներով լավ չես հասկացել, կա՛մ էլ չես ուզում հասկանալ: Վե՛րջ տանք ձեւականություններին, չբավարարվենք լոկ խոսքերով, ժամն է վերացնել ԻՊ-ի նման չարիքը: Ուշանալու դեպքում նույնիսկ սարսափում եմ մտածել ինչ կարող է լինել… Հավատացած եմ` աշխարհն այլեւս անկարող է այսպես ապրել»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
10324 դիտում
2
10261 դիտում
3
2252 դիտում
4
2115 դիտում
5
1983 դիտում
1
17623 դիտում
4
8012 դիտում
5
4030 դիտում
4
8257 դիտում
