Տարվա առաջին աշխատանքային օրը ՀՀ վարչապետն ընդունել է ՌԴ տրանսպորտի նախարարին
Արխիվ 12-16
ՏԱՐՎԱ ԱՌԱՋԻՆ ԱՇԽԱՏԱՆՔԱՅԻՆ ՕՐԸ ՀՀ ՎԱՐՉԱՊԵՏՆ ԸՆԴՈՒՆԵԼ Է ՌԴ ՏՐԱՆՍՊՈՐՏԻ ՆԱԽԱՐԱՐԻՆ
ՀՀ վարչապետ ՀՈՎԻԿ ԱԲՐԱՀԱՄՅԱՆԸ հունվարի 8-ին ընդունել է Ռուսաստանի Դաշնության տրանսպորտի նախարար, հայ-ռուսական տնտեսական համագործակցության միջկառավարական հանձնաժողովի ռուսական կողմի համանախագահ ՄԱՔՍԻՄ ՍՈԿՈԼՈՎԻՆ:
Կառավարության տարածած հաղորդագրության համաձայն, ՀՀ վարչապետը եւ ՌԴ տրանսպորտի նախարարը քննարկել են երկու երկրների միջեւ տնտեսական համագործակցության ընդլայնմանը վերաբերող հարցեր: Այս առումով երկուստեք բարձր է գնահատվել հայ-ռուսական տնտեսական
համագործակցության միջկառավարական հանձնաժողովի աշխատանքը: Զրուցակիցներն արձանագրել են հանձնաժողովի 16-րդ նիստի հանձնարարականների կատարման բարձր մակարդակը եւ պայմանավորվածություն ձեռք բերել` հանձնաժողովի հաջորդ նիստն անցկացնել 2016 թ. հուլիսին Սանկտ Պետերբուրգում:
Առեւտրատնտեսական կապերի սերտացման համատեքստում կողմերը քննարկել են տարածաշրջանային նշանակություն ունեցող ենթակառուցվածքային ծրագրերի իրականացման հեռանկարները: Ռուսական կողմը 
կարեւորել է Հայաստան-Իրան երկաթգծի կառուցումը եւ պատրաստակամություն հայտնել ուսումնասիրել հնարավոր մասնակցության հարցը:
Ի դեպ, զրուցակիցներն անդրադարձել են նաեւ Վերին Լարսի անցակետում բեռների եւ տրանսպորտային միջոցների մաքսային ձեւակերպման գործընթացի արագացման խնդրին եւ քննարկել հարցի լուծման հնարավոր տարբերակները:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
10324 դիտում
2
10261 դիտում
3
2252 դիտում
4
2115 դիտում
5
1983 դիտում
1
17623 դիտում
4
8012 դիտում
5
4030 դիտում
4
8257 դիտում
