ՏԵՐ ՆԻԿՈՂՈՍ ՔԱՀԱՆԱ ՀՈՎՀԱՆՆԻՍՅԱՆ. «ՇԱՏ ԱՎԵԼԻ ԿԱՐԵՎՈՐ Է ՀՈԳԵՎՈՐ ՊԱՀՔԸ՝ԱՍՏՎԱԾԱՀԱՃՈ ԿՅԱՆՔ ՎԱՐԵԼԸ»

ՏԵՐ ՆԻԿՈՂՈՍ ՔԱՀԱՆԱ ՀՈՎՀԱՆՆԻՍՅԱՆ. «ՇԱՏ ԱՎԵԼԻ ԿԱՐԵՎՈՐ Է ՀՈԳԵՎՈՐ ՊԱՀՔԸ՝ ԱՍՏՎԱԾԱՀԱՃՈ ԿՅԱՆՔ ՎԱՐԵԼԸ»

Այսօր՝ հունվարի 5-ին բոլոր եկեղեցիներում մատուցվեց Ճրագալույցի Ս.Պատարագ եւ հավատացյալները դուրս եկան Ս. Ծննդյան շաբաթապահքից: Ինչպես գիտեք, հայ Եկեղեցին Հիսուս Քրիստոսի Ծննդյան օրն անփոփոխ նշում է հունվարի 6-ին:

«Կոմունսիստական 79 տարիները հետ մղեցին Սուրբ Ծննդյան տոնը, ավելի կարեւորություն տալով Նոր տարվան, բայց վերջին տարիներին ժողովուրդն ավելի լավ է գիտակցում Սուրբ Ծննդյան խորհուրդը եւ քիչ-քիչ սկսում է այն հավուր պատշաճի տոնել:  Մարդկանց հոսքը դեպի եկեղեցի եւս դրա մասին է վկայում»,- «Իրավունքի» հետ զրույցում նշեց Նուբարաշեն վարչական շրջանի հոգեւոր հովիվ՝ Տեր Նիկողոս քահանա Հովհաննիսյանը:

Տեր Նիկողոսից տեղեկացանք նաեւ թե ինչպես պետք է հոգին եւ մարմինը նախապատրաստել Սուրբ Ծնունդին.

«Սուրբ Ծննդյան պետք է պատրաստվել դեկտեմբերի 29-ից պահելով Ս. Ծննդյան պահքը, ապա այն լուծել Ճրագալույցի պատարագով: Բացի կերակրի պահքից շատ կարեւոր է՝ հոգեւոր պահքը: Այդ ընթացում պետք է Աստվածաշունչ կարդալ, այցելել եկեղեցի ու աղոթել: Պետք է աստվածահաճո կյանք վարել»:

ՃՐԱԳԱԼՈՒՅՑԻ ՊԱՏԱՐԱԳԻ ՄԱՍԻՆ.

«Ճրագալույց նշանակում է ճրագ լուցանել, այսինքն՝ կրակ վառել, որը խորհուրդն է Քրիստոսի լույսի: Մենք մեր օջախները լուսավորում ենք Տիրոջ լույսով եւ նախապատրաստվում Ծննդյան Ավետիսին, որը տրվում է Ճրագալույցի պատարագի վերջում: Հաջորդ օրը՝ հունվարի 6-ին Սուրբ Ծննդյան պատարագն է, որի ժամանակ եւս տրվում է Ծննդյան Ավետիս եւ որի հետ կատարվում է ջրօրհներգի արարարողություն: Ջուրն օհնվում է մեռոնով, ջուրը խորհուրդն է Տիրոջ մաքրության»:

ՉԻ ԿԱՐԵԼԻ ԳԵՐԵԶՄԱՆՆԵՐ ԳՆԱԼ ՀՈՒՆՎԱՐԻ 5-ԻՆ ԿԱՄ 6-ԻՆ

«Հունվարի 7-ին Մեռելոց է, ինչպես որ յուրաքանչյուր տաղավար տոնի հաջորդ օրը: Աղոթելով եւս մեկ անգամ հիշատակում ենք մեր ննջեցյալներին: Շատ կարեւոր է նշել, որ գերեզմաններ պետք է այցելել միայն ու միայն հունվարի 7-ին՝ Մեռելոցին: Չի կարելի գնալ գերեզմաններ հունվարի 5-ին կամ 6-ին: Պետք է մասնակցել ննջեցյալների հոգիների համար մատուցվող Ս.Պատարագին, որի ավարտին կատարվում է հոգեհանգստյան կարգ, ապա այցելել գերեզմաններ»:

ՔՐԻՍՏԻՆԵ ՊԵՏՐՈՍՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝