ԻՆՉՊԵՍ ԵՆ ՆՇՈՒՄ ԱՄԱՆՈՐԸ ԱՇԽԱՐՀԻ ՏԱՐԲԵՐ ԵՐԿՐՆԵՐՈՒՄ

ԻՆՉՊԵՍ ԵՆ ՆՇՈՒՄ ԱՄԱՆՈՐԸ ԱՇԽԱՐՀԻ ՏԱՐԲԵՐ

ԵՐԿՐՆԵՐՈՒՄ

Նոր տարին հիրավի միջազգային տոն է, բայց յուրաքանչյուր երկրում այն տոնում են յուրովի: Իտալացիները իրենց հարավային կրքոտությամբ պատուհանից դուրս են նետում հին իրերը, Պանամայի բնակիչները աղմկում են ամբողջ ուժով: Էկվադորում մեծ ուշադրություն են դարձնում հատկապես ներքնազգեստին, քանի որ համարվում է, որ այն սեր ու փող է բերում: Բուլղարիայում Նոր տարվա առաջին րոպեներին համբուրվում են, այդ պատճառով էլ անջատում են լույսերը: Ճապոնիայում ժամացույցի 12 զարկերի փոխարեն՝ հնչում է 108 զանգ:

Իտալիա. Նոր տարվա ժամանակ հեռու մնացեք պատուհաններից.

Իտալիայում կարծում են, որ Նոր տարին պետք է սկսել հնից ու ոչ պիտանիից ազատվելով: Այդ պատճառով Նոր տարվա գիշերն ընդունված է անպետք իրերը դուրս նետել պատուհանից: Իտալացիներին այդ ավանդույթը շատ է դուր գալիս, և նրանք դա անում են իրենց բնորոշ կրքոտությամբ:

Էկվադոր. Ներքնազգեստը՝ ցանկալիին գրավելու միջոց.

Էկվադորում ուղիղ կեսգիշերին տիկնիկներ են այրում, այսպես կոչված, «արիների լացի ներքո», ովքեր լաց են լինում իրենց «վատ ամուսինների համար»: Որպես կանոն, «այրիներին» պատկերում են տղամարդիկ, ովքեր կանանց հագուստ են կրում, դիմահարդարված են և կեղծամ ունեն: Որպեսզի եկող տարի իրականանա ինչ-որ երազանք, պետք է դիմել որոշակի գործողությունների: Օրինակ՝ ճանապարհորդելու ցանկությունն իրականացնելու համար մինչ ժամացույցը կզարկի 12-րդ զանգը՝ անհրաժեշտ է տան շուրջը վազել ճամպրուկով կամ մեծ պայուսակով: Որպեսզի փողերը «երկնքից թափվեն»՝ հարկավոր է մինչ ժամացույցի 12-րդ զանգը խփելը հագնել դեղին երանգներով ներքնազգեստ: Եթե պետք են ոչ թե փողեր, այլ անձնական կյանքում հաջողություններ, ապա ներքնազգեստը պետք է լինի կարմիր:

Նեպալ. Նոր տարին դիմավորում են արևածագին.

Նեպալում նոր տարին դիմավորում են արևածագին: Գիշերը՝ Լիալուսնի ժամանակ, նեպալցիները վառում են մեծ խարույկներ և կրակի մեջ նետում անպետք իրերը: Հաջորդ օրը սկսվում է ներկերի տոնը: Մարդիկ ներկում են իրենց դեմքերը, ձեռքերը, կուրծքը արտասովոր նախշերով, իսկ հետո պարում և երգում:

Գերմանիա. Սանտա Կլաուսը գալիս է էշի վրա նստած.

Գերմանիայում համարում են, որ Սանտա Կլաուսը Ամանորին գալիս է ավանակի վրա նստած: Քնից առաջ երեխաները սեղանի վրա դնում են խաղալիքների համար նախատեսված ափսեներ, որը նրանց համար կբերի Սանտա Կլաուսը:

Բուլղարիա. Երեք րոպե համբույր.

Բուլղարիայում հյուրերը, բարեկամները հավաքվում են տոնական սեղանի շուրջը և երեք րոպեով անջատում լույսերը: Ժամանակը, երբ հյուրերը մնում են մթության մեջ, անվանում են ամանորյա համբույրների րոպեներ, որոնց գաղտնիքը կպահի մթությունը:

Ֆինլանդիա.

Թերևս «ամենաամանորյա» երկիրը Ֆինլանդիան է, քանզի իրական Սանտա Կլաուսն ապրում է հենց ֆիննական Լապլանդիայում: Հենց այստեղից Սանտա Կլաուսը եղջերուներով լծված՝ ուղևորվում է աշխարհի տարբեր երկրներ: Ավանդույթի համաձայն՝ կազմակերպվում է ամանորյա մեծ ընթրիք, հրավառություններ: Ամանորյա գիշերն ըստ ավանդույթի՝ ֆինները գուշակություններ են անում հալած թիթեղի օգնությամբ. այն, ինչ ցույց կտա թիթեղը, դա էլ պետք է սպասել գալիք տարուց: Գուշակությունը ֆինները մեկնաբանում են ուշադիր նայելով թիթեղին. եթե կրակից հալած թիթեղի ստվերը պատի վրա ցույց է տալիս ժանյակաձև նախշեր, ապա տարին խոստանում է փող, սեր, ճանապարհորդություն, հարսանիք և այլն: Իսկ եթե թիթեղը մասերի է բաժանվում, ապա դա տխրություն է բերում: Ամանորը Ֆինլանդիայում նշում են ընկերների հետ, ընդ որում՝ շատերը նշում են այն ռեստորաններում, որպեսզի ավելորդ հոգսեր չստեղծեն իրենց հարազատների համար: Ֆինլանդիայի բնակիչների համար ամանորյա իդեալական նվեր են հանդիսանում սպորտային սարքավորումներն ու մոմերը, որոնք խորհրդանշում են սեր և ընկերություն գալիք տարում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝