«Պետությունը շարունակելու է աջակցել գյուղացուն` շտկելու իր մեջքը եւ ավելի վստահ նայելու վաղվա օրվան»
Արխիվ 12-16
«ՊԵՏՈՒԹՅՈՒՆԸ ՇԱՐՈՒՆԱԿԵԼՈՒ Է ԱՋԱԿՑԵԼ ԳՅՈՒՂԱՑՈՒՆ` ՇՏԿԵԼՈՒ ԻՐ ՄԵՋՔԸ ԵՎ ԱՎԵԼԻ ՎՍՏԱՀ ՆԱՅԵԼՈՒ ՎԱՂՎԱ ՕՐՎԱՆ»
ՀՀ գյուղատնտեսության նախարար ՍԵՐԳՈ ԿԱՐԱՊԵՏՅԱՆՆ Ամանորի եւ Սուրբ Ծննդյան տոների առթիվ հղել է իր շնորհավորական ուղերձը.
«Ջերմորեն շնորհավորում եմ ագրարային ոլորտի ներկայացուցիչներին՝ հողագործներին, գիտնականներին, գործարարներին, ֆերմերներին գալիք Ամանորի եւ Սուրբ Ծննդյան տոների առթիվ:
Տարեմուտի նախաշեմին ավանդաբար ամփոփելով կատարված աշխատանքը` կարող ենք գոհունակությամբ արձանագրել, որ գյուղատնտեսության համար 2015 թվականը հաջողված էր: Տարվա ընթացքում գրանցված ցուցանիշներն ու աճի դինամիկան ամրապնդեցին այն լավատեսությունը, որ իրապես կայուն նախադրյալներ են ստեղծվել ոլորտի հեռանկարային զարգացման համար, եւ գյուղատնտեսությունն ունի հզոր ներուժ տնտեսական դժվարին պայմաններում երկրի համար ամուր հենասյուն դառնալու:
Եվ այս ամենն առաջին հերթին շնորհիվ հայ շինականի, ով ամուր կառչած է հայրենի հողին եւ արդար աշխատանքով շարունակում է շենացնել իր տունն ու հայրենիքը:
Անշուշտ, եղան նաեւ դժվարություններ, մասնավորապես խաղողի մթերումների հարցում լարվածությունից հնարավոր չեղավ խուսափել, որը սակայն պետական ու մասնավոր հատվածի համատեղ գործուն ջանքերով արագ հաղթահարվեց, եւ գործընթացը բարեհաջող կերպով հասցվեց ավարտին:
Պետությունը շարունակելու է տարբեր օժանդակության ծրագրերով եւ բոլոր հնարավոր միջոցներով աջակցել գյուղացուն` շտկելու իր մեջքը եւ ավելի վստահ նայելու վաղվա օրվան: Դժվարությունները շատ են, սակայն դրանք հաղթահարելի են, երբ միավորվում են ջանքերը: Գալիք տարիներին մենք պետք է շարունակենք ավելի մեծ ուշադրություն դարձնել կոոպերատիվների ստեղծման, արտադրության ինտեսիվացման, գյուղատնտեսությունում նոր տեխնոլոգիաների ներդրման հարցերին:
Լիահույս եմ, որ 2016 թվականը թե՛ գյուղատնտեսության եւ թե՛ ընդհանուր առմամբ մեր երկրի տարբեր ոլորտներում արգասաբեր ու բեղուն կլինի:
Թող նոր տարին հայ ժողովրդի համար խաղաղության, կայունության ու հզորացման տարի լինի եւ դրական փոփոխությունների, հաջողված ձեռնարկումների, աննահանջ առաջընթացի եւ բարեկեցության տարի լինի հատկապես հայ գյուղացու համար:
Աստված մեզ պահապան»:
Բաժանորդագրվե՛ք https://t.me/iravunk
1
14880 դիտում
2
10802 դիտում
3
2287 դիտում
4
2141 դիտում
5
1464 դիտում
1
17623 դիտում
4
8026 դիտում
5
4047 դիտում
4
8257 դիտում
