«Զգույշ եղեք ամանորյա թունավորումներից, դրանք ավելի վտանգավոր են, քան ադրբեջանական զինված ուժերը»
Արխիվ 12-16
«ԶԳՈՒՅՇ ԵՂԵՔ ԱՄԱՆՈՐՅԱ ԹՈՒՆԱՎՈՐՈՒՄՆԵՐԻՑ, ԴՐԱՆՔ ԱՎԵԼԻ ՎՏԱՆԳԱՎՈՐ ԵՆ, ՔԱՆ ԱԴՐԲԵՋԱՆԱԿԱՆ ԶԻՆՎԱԾ ՈՒԺԵՐԸ»
Վերջին օրերին Ադրբեջանի զինված ուժերի համեմատաբար ագրեսիվ պահվածքը որոշ բամբասանքների տեղիք է տվել Արցախում, ըստ որի` կառավարությունը` մասնավորապես ԼՂՀ վարչապետն արգելել է ամանորյա տոնակատարությունների կազմակերպումը: Սակայն, տարածված լուրերը հերքել է ԼՂՀ վարչապետի մամուլի քարտուղար ԱՐՏԱԿ ԲԵԳԼԱՐՅԱՆՆ ու հորդորել պաշտոնական ապատեղեկատվություն չտարածել` հաշվի առնելով հետեւյալ կետերը.
1. Կառավարությունը եւ վարչապետը ոչ մի կերպ չեն անդրադարձել այդ հարցին, եւ, հետեւաբար, ոչ մի արգելք եւ արգելելու մտադրություն չկա:
2. Բոլորն (այդ թվում` պետական կառավարման մարմինների աշխատակիցները) ազատ են եւ իրավունք ունեն իրենց ուզած ձեւով եւ չափով տոնել գալիք տոները` լինի դա հրապարակային հանդիսություն, բանկետ, թե մեկ այլ ձեւաչափ:
3. Խուսափե՛ք չճշգրտված տեղեկատվություն տարածելուց եւ ժողովրդի մեջ անտեղի անհանգստություն առաջացնելուց:
4. Վերջիվերջո, սահմանի դրությունն այդքան լարված չէ եւ գտնվում է հայկական բանակի ամբողջական վերահսկողության տակ: Ավելին` ոչ մի ռիսկ չկա, որ այն կարող է ավելի լարվել եւ վերահսկողությունից դուրս գալ: Մի՛ մոռացեք, որ նույնիսկ պատերազմի տարիներին էին տոնակատարություններ եւ բանկետներ կազմակերպվում…
Եվ որպես հավելում` Ա. Բեգլարյանն ընդգծել. «Մաղթում եմ ողջ հայությանը առողջություն, ընտանեկան ջերմություն եւ խաղաղություն: Զգույշ եղե՛ք ամանորյա թունավորումներից եւ խմիչքի չարաշահումներից, դրանք ավելի վտանգավոր են, քան ադրբեջանական զինված ուժերը: Շնորհավո՛ր Ամանոր եւ Սուրբ ծնունդ»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
14880 դիտում
2
10802 դիտում
3
2287 դիտում
4
2141 դիտում
5
1464 դիտում
1
17623 դիտում
4
8026 դիտում
5
4047 դիտում
4
8257 դիտում
