ԿԱՊԻԿԻ ՏԱՐԻՆ` ԱՌԱՆՑ ՄԵՅՄՈՒՆՈՒԹՅՈՒՆՆԵՐԻ
Արխիվ 12-16
ԿԱՊԻԿԻ ՏԱՐԻՆ` ԱՌԱՆՑ ՄԵՅՄՈՒՆՈՒԹՅՈՒՆՆԵՐԻ
Հարգելի ընթերցող, մի քանի օրից հրաժեշտ կտանք բուռն, լարված, մարտահրավերներով լեցուն 2015 թվականին: Այդ տարվա ընթացքում տեղի ունեցան հսկայական փոփոխություններ: Տարին սկսեցինք որպես Եվրասիական քաղաքակրթության բաղկացուցիչ մաս: Տարին ավարտում ենք` երկրի կառավարման ձեւը փոխած, նոր Սահմանադրությամբ:
Տարվա ընթացքում քանիցս փորձեր եղան խաթարելու ներքաղաքական անդորրը, սակայն ներքին կայունությունը հաջողվեց պահպանել: Տարվա ընթացքում անպակաս էր ռազմական լարվածությունը մեր սահմաններում, օրեր առաջ այն հասավ աննախադեպ մակարդակի, սակայն մեր բանակն ապացուցեց, որ վստահաբար կարողանում է պաշտպանել երկիրը կենսաբանական թշնամու ոտնձգություններից, ու թշնամին միշտ ստացել է արժանի հակահարված:
Նոր տարին սկսում ենք բավականին լարված ռազմաքաղաքական իրավիճակում, իսկ մեր շուրջ` Մերձավոր Արեւելքի տարածաշրջանով մեկ, տեղի են ունենում ցնցումային իրադարձություններ: Իսկ դա նշանակում է, որ առավել եւս պետք է թեւութիկունք լինենք մեր բանակին, իսկ ներքին քաղաքական կյանքում պետք է իսպառ բացառենք տարատեսակ քաղաքական մեյմունությունները, ներքին անդորրն ու կայունությունը խաթարող ցանկացած դրսեւորումներ: Լուրջ, առանց կապիկությունների պետք է աշխատեն բոլորը: Ու քանի որ մեր երկիրն արդեն խորհրդարանական հանրապետություն է, ապա շատ կարեւոր է դառնում լուրջ, կառուցողական եւ պատասխանատու ընդդիմության ձեւավորումը: Փողոցներում կլոունադա, մեյմունություններ անելու ժամանակներն անցել են, ավելին` այս պայթյունավտանգ տարածաշրջանում դրանք անթույլատրելի շքեղություն են:
Հարգելի ընթերցողներ, ձեզ պետք է հորդորենք ուրախ եւ լիաթոք տոնել Նոր տարին: Տոները ազգի ոգին են, դրանք սոսկ ուտուշ-խմուշ ու զվարճանք չեն: Տոները նրա համար են, որպեսզի նորոգվեն ազգի լավագույն որակները: Հավատացած եղեք` ուրախ տոնելով Նոր տարին, դուք դրանով նաեւ անտեսանելիորեն սատար կկանգնեք երկրի սահմանները պահող ձեր զինվոր եղբայրներին եւ զավակներին: Եվ կարծում ենք, որ իր պետականության վերականգնման 25-ամյակին Հայաստանի Հանրապետությունը հաջողությամբ կհանձնի հասունության քննությունը:
Շնորհավոր Ամանոր եւ Սուրբ ծնունդ:
Բաժանորդագրվե՛ք https://t.me/iravunk
1
14890 դիտում
2
10802 դիտում
3
2287 դիտում
4
2141 դիտում
5
1464 դիտում
1
17623 դիտում
4
8026 դիտում
5
4047 դիտում
4
8257 դիտում
