Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ՊԱՐԶԱՊԵՍ ՉԻ ՑԱՆԿԱՑԵԼ ՀԱՆՐԱՅՆԱՑՆԵԼ ԱՄՈՒՍՆՈՒԹՅՈՒՆԸ

Արխիվ 12-16

ՊԱՐԶԱՊԵՍ ՉԻ ՑԱՆԿԱՑԵԼ ՀԱՆՐԱՅՆԱՑՆԵԼ ԱՄՈՒՍՆՈՒԹՅՈՒՆԸ

 

Լուրեր էին շրջանառվում, թե երգիչ, Երեւանի մշակույթի պետական քոլեջի փոխտնօրեն ՎՐԵԺ ԿԻՐԱԿՈՍՅԱՆԸ գաղտնի ամուսնացել է: «Իրավունքի» հետ զրույցում Վրեժը հաստատեց ամուսնության մասին լուրերը, սակայն շեշտեց, որ ոչ թե գաղտնի` այլ պարզապես չի ցանկացել հանրայնացնել ամուսնությունը.

«Դա իմ անձնական ու ընտանեկան կյանքն է, չեմ սիրում իմ անձնականն ու աշխատանքայինը խառնել իրար: Շատերը հետաքրքված էին, թե 2 տարի առաջ նշանադրվել ենք` ինչու չենք ամուսնանում, նույնիսկ մեզ մի քանի անգամ հասցրին բաժանել: Բայց պետք է հիասթափեցնեմ բոլոր իմ «լավ ցանկացողներին»` այո, ընտանիք եմ կազմել այն աղջկա հետ, ում հետ նշանադրվել էի, եւ չենք պատրաստվում լքել մեր երկիրը, այլ ապրել Հայաստանում եւ օրինակելի ընտանիք լինել մեր հասարակության համար: Կինս` Արմինեն, մասնագիտությամբ բժշկուհի է եւ որեւէ կապ չունի մեր ոլորտի հետ: Այնպես որ, ընտանիք կազմելու տարոսը լինի բոլոր տղաներին ու աղջիկներին»,- շեշտեց երգիչն ու վստահեցրեց, որ ամուսնությունն ամենեւին էլ չի խանգարել իր ստեղծագործական կյանքին, ավելին` մի բան էլ նպաստել է, դրա վառ ապացույցը կլինի Վրեժի առաջին տեսահոլովակի շնորհանդեսը, որը տեղի կունենա օրերս. «Ընդամենը մի քանի օրից տեսահոլովակը հասանելի կլինի հանդիսատեսին: Տեսահոլովակը նկարահանվել է աշխարհահռչակ Ռոսինիի «Տարանտելլա» ստեղծագործության հիման վրա, որն ըստ էության իմ առաջին տեսահոլովակն է, որը պետք է նկարահանվեր «Սոնի մյուզիք» ընկերության կողմից շատ վաղուց, բայց ինչ-ինչ պատճառներով հետաձգվեց: Հիմա արդեն իրականություն է դարձել, երգի եւ տեսահոլովակի ձայնագրումն ու նկարահանումն ընթացավ Մոսկվայում, եւ պիտի ասեմ, որ հետաքրքիր ռեժիսորական լուծումներով տեսահոլովակ ենք ստացել, որտեղ ժամանանակիցն ու դասականը կռվում են: Կարծում եմ` այն հայկական շոու բիզնեսում նորություն է լինելու, որովհետեւ դասական եւ նեոդասական ստեղծագործությունների նմանատիպ լուծում` տեսահոլովակների տեսքով, դեռ չի տրվել, քանի որ այն չի համարվում կոմերցիոն, այսինքն` հարսանեկան»,- նշեց Վրեժն ու խոստացավ. «Շարունակելու եմ հավատարիմ մնալ իմ ոճին, եւ թող ինձ լսեն այն մարդիկ, ովքեր ցանկանում են, չեմ դավաճանել իմ հանդիսատեսին»:

Հավանեցի՞ր հոդվածը, կիսվիր ընկերներիդ հետ