ԷՄԻՐ ԿՈՒՍՏՈՒՐԻՑԱՆ ՑԱՆԿԱՆՈՒՄ Է, ՈՐ ՁՄԵՌ ՊԱՊԻԿՆ ԻՐԵՆ ՆՎԻՐԻ ԳԵՐԲՆԱԿԱՆ ՈՒԺ

ԷՄԻՐ ԿՈՒՍՏՈՒՐԻՑԱՆ ՑԱՆԿԱՆՈՒՄ Է, ՈՐ ՁՄԵՌ ՊԱՊԻԿՆ ԻՐԵՆ ՆՎԻՐԻ ԳԵՐԲՆԱԿԱՆ ՈՒԺ

Սերբ աշխարհահռչակ ռեժիսոր եւ երաժիշտ ԷՄԻՐ ԿՈՒՍՏՈՒՐԻՑԱՆ Հայաստանում է եւ այսօր Երեւանում կկայանա նրա եւ «The No Smoking» ֆոլք-ռոք խմբի համերգը: Սա Է. Կուստուրիցայի երկրորդ այցն է Հայաստան.«Ինձ համար մեծ հաճույք է հայտնվել մի երկրում, որի հետ Սերբիան ունի շատ նմանություններ: Չնայած մեկ տարբերություն կա`հայերը միասնական են եւ աշխարհում ճանաչված են, որպես Ցեղասպանություն տեսած ազգ: Հայերն ունեն նաեւ պետականություն, ինչը հաստատում է նրանց միասնականությունը, այս երկրում ամեն ինչ աներկբա է»,-լրագրողների հետ հանդիպման ժամանակ նշեց ռեժիսորը:

Ռեժիսորը բազմիցս է անդրադարձել Հայոց ցեղասպանության ճանաչման հարցին: Իմանալով նրա հայացքների մասին 4 տարի առաջ Թուրքիա կատարած այցի ընթացքում թուրքերի կողմից ենթարկվել է հարձակումների.«Նրանք մտահոգվում էին, որ ես հարց էի բարձրացնում սերբերի Ցեղասպանության մասին: Իսկ ես նրանց հիշեցնում էի, որ չպետք է ինձ դատեն, քանի որ 1915 թվականին հենց նրանք կոտորեցին 1,5 մլն հայերի»: Երբ արդեն Թուրքիայում չէի, նրանք ինչ-որ մեկին շփոթել էին ինձ հետ եւ ծեծել »,-փաստեց Է. Կուստուրիցան եւ տեղեկացրեց, թե այս տարի ինչ նվեր է ակնկալում Ձմեռ պապիկից.«Հաստատ կոկա-կոլա չեմ ուզում: Կցանկանայի ձմեռ պապիկն ինձ բերեր գերբնական մի ուժ, որով կարողանայի աշխարհը հետ պահել այն պատերազմից, որի առաջեւ այժմ կանգնած է»:

Էմիլ կուստուրիցայի եւ եւ «The No Smoking»  ֆոլկ-ռոք խմբի համերգը տեղի է ունենում «Մեցցո Պրոդաքշնի», «Ալմազյան Պրոդաքշնի», Հայոց ցեղասպանության 100-րդ տալիցին նվիրված միջոցառումները համակարգող պետական հանձնաժողովի եւ ՀՀ մշակույթի նախարարության աջակցությամբ:

Նշենք, որ այսօր Կուստուրիցան կայցելի նաեւ Հայոց ցեղասպանության զոհերի հիշատակին նվիրված Ծիծեռնակաբերդի հուշահամալիր

ԶՎԱՐԹ ԽԱՉԱՏՐԱՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝