Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

«ՆՈՐ ՀԱՅԱՍՏԱՆ»-Ի ԱՄԱՆՈՐՅԱ ՍԵՂԱՆԻՆ ԽՈԶԻ ԲՈՒԴ ԿԼԻՆԻ՞

Արխիվ 12-16

«ՆՈՐ ՀԱՅԱՍՏԱՆ»-Ի ԱՄԱՆՈՐՅԱ ՍԵՂԱՆԻՆ ԽՈԶԻ ԲՈՒԴ

ԿԼԻՆԻ՞

 

Ինչպես հայտնի է, որ «Նոր Հայաստան» ճակատը Ամանորն անցկացնելու է Ազատության հրապարակում: «Իրավունք»-ը «Ժառանգություն» կուսակցության փոխնախագահ Արմեն Մարտիրոսյանից պարզեց` նա եւս մասնակցելո՞ւ է այդ միջոցառմանը: «Անպայման: Ոչ միայն ես, այլեւ իմ ընտանիքի անդամները»,- ասաց Մարտիրոսյանը:

Կես կատակ, կես լուրջ հարցրինք` «Նոր Հայաստան»-ի ամանորյա  սեղանին խոզի բուդ կլինի: «Դե եթե դուք բերեք, ինչու չէ»,- կատակին կատակով պատասխանեց Մարտիրոսյանը:

«Ես չեմ կարող  բերել, բայց «Նոր Հայաստան»-ի անդամները գուցե բերե՞ն»,- հետաքրքրվեցինք կուսակցության փոխնախագահից:

«Դե եթե դուք էլ բերեք, մեր անդամներն էլ, խոզի բդեր կլինեն: Իսկ եթե ավելի լուրջ` կարեւորը ոչ թե սեղանի , այլ ոգու բովանդակությունն  է»,-  ասաց  Արմեն Մարտիրոսյանը:

Բայց չարժե՞ քաղաքացիներին շահագրգռել Ամանորյա ճոխ սեղանով, որպեսզի նրանք եւս գան հրապարակ: «Չեմ կարծում`  հրապարակ եկող քաղաքացիները ճոխ սեղանների համար պետք է գան»,- հակադարձեց քաղաքական գործիչը:

Ի դեպ, Արմեն Մարտիրոսյանն առաջին անգամ չէ, որ մասնակցում է  նման միջոցառման` 1990-ականներին Ազատության հրապարակում   ընտանիքի անդամների հետ:

Բացի Արմեն Մարտիրոսյանից` Րաֆֆի Հովհաննիսյանը, նրա կինը`Արմենուհի Հովհաննիսյանը, ու նրա որդիներից մեկը եւս Նոր տարին կտոնեն Ազատության հրապարակում:

Ինչու են «Նոր Հայաստան»-ի միջոցառումները սակավաթիվ անցնում, արդյոք պայքարի այս ձեւը չի սպառել իրեն: «Ոչ»,- վստահ է «Ժառանգականը»:

Եթե հանրության մեծ  մասը չի մասնակցում Նոր Հայաստան-ի միտինգներին, դա, ըստ Մարտիրոսյանի, չի նշանակում, որ ժողովուրդը խորը սիրով է լցված իշխանության հանդեպ. «Կա  մի փոքր վհատություն,  բայց կարծում եմ` ժամանակի խնդիր է: Որոշ ժամանակ անց մեր քաղաքացիները ակտիվ կմասնակցեն մեր հանրահավաքներին»:

«Նոր Հայաստան»-ի անդամները, մասնավորապես «Հիմնադիր խորհրդարան»-ի անդամները մերժում են ընտրական գործընթացները`դրանք համարելով  կեղծ երեւույթ: Սակայն խոսակցություններ  կան, որ «Նոր հայաստան»-ը ներկայիս կազմով ցանկություն ունի մասնակցելու  գալիք ընտրություններին:  «Ժամանակին առաջ չընկնենք, այս պահին մենք այլ օրակարգ ունենք»,- եզրափակեց Արմեն Մարտիրոսյանը:



ՍՈՆԱ ԴԱՎԹՅԱՆ



Հավանեցի՞ր հոդվածը, կիսվիր ընկերներիդ հետ