Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

21-ՐԴ ԴԱՐԻ ՁՄԵՌ ՊԱՊԸ ԴԵՌ ՉԻ ԳՏԵԼ ԻՐ ԵՐԱԶԱԾ ՁՅՈՒՆԱՆՈՒՇԻՆ (Ֆոտոշարք)

Արխիվ 12-16

21-ՐԴ ԴԱՐԻ ՁՄԵՌ ՊԱՊԸ ԴԵՌ ՉԻ ԳՏԵԼ ԻՐ ԵՐԱԶԱԾ

ՁՅՈՒՆԱՆՈՒՇԻՆ (Ֆոտոշարք)

 

«Զարուհի» ամսագիրը եւ U can studio-ն` Ամանորին ընդառաջ, արդեն ավանդական դարձած հերթական անակնկալ-ֆոտոնախագիծն են ներկայացնում ընթերցողների ուշադրությանը:

Մանկուց ի վեր, ամենքս Ձմեռ պապին պատկերացրել ենք կլոր ֆորով, հիվանդ, հաստլիկ ծերունու, ով եղել եւ մնում է ամենաբարի կերպարը` մեր թե՛ մանկության, թե՛ երիտասարդության եւ թե՛ օր ծերության: Բայց ժամանակները փոխվում են, Ձմեռ պապը` նույնպես: Հետեւաբար, բացահայտելով 21-րդ դարի Ձմեռ պապի կերպարը` այդ դերը ստանձնեց լողափային բոդիբիլդինգի Հայաստանի բացարձակ չեմպիոն ՎԼԱԴ ԽԱՌԱՏՅԱՆԸ: Ֆոտոնախագծի եւ իր կերպարի մասին էլ ծավալվեց «Իրավունքի» զրույցը նրա հետ:

 

-Վլադ, ինչպե՞ս ստացվեց, որ որոշեցիք  հանրությանը ներկայանալ ժամանակակից Ձմեռ պապիկի կերպարում:

- Իրականում սիրում եմ հետաքրքիր ֆոտոնախագծերի մասնակցել եւ դրա համար էլ համաձայնեցի այս կերպարով հանդես գալ:


- Հետաքրքիր է` եթե հնարավոր լիներ իրականում լինել Ձմեռ պապ, ի՞նչ կցանկանայիք իրականացնել:

- Քանի որ բոլորն ունեն երազանքեր,  Ձմեռ պապ լինելու դեպքում կցանկանայի իրականացնել բոլորի երազանքները:


- Ինչպիսի՞ Ձյունանուշ կցանկանայիք տեսնել Ձեր կողքին:

- Ֆոտոնախագծում չկար Ձյունանուշի կերպար, քանի որ իմ կյանքում էլ դեռ չունեմ ընտրած Ձյունանուշ: Իմ կողքին կցանկանայի տեսնել խելացի մարդ, որը կսատարեր ինձ ու ուժ կլիներ ինձ համար: Ուզում եմ, որ նա լինի երկնային էակ, որի սիրով կոգեշնչվեի` աշխատելու եւ ստեղծագործելու համար:


- Իսկ Դուք մինչեւ քանի՞ տարեկանն եք հավատացել ամանորյա հրաշքներին:

- Ես մինչեւ այսօր էլ հավատում եմ հրաշքների գոյությանը եւ Ամանորի գիշերվա հրաշքին:

- Ո՞րն է եղել ամենահիշարժան նվերը, որ բերել է Ձմեռ պապը Ձեզ:

- Հիշարժան նվերներ շատ են եղել, չեմ կարող առանձնացնել, բայց մեծ անհամբերությամբ սպասում եմ այս տարվա նվերին, որն ինձ թվում է` կտարբերվի մյուս տարիներից:


- Ի՞նչն եք կարեւորում Ամանորին:

- Ամանորին սիրում եմ նվերներ տալ եւ հետաքրքիր նվերներ ստանալ:

- Ի՞նչ եք ակնկալում 2016 թվականից` կապիկի տարուց:

- Կապիկի տարում ակնկալում եմ ունենալ նոր նախագծեր եւ նոր հաղթանակներ: Ի դեպ, շուտով նախաձեռնելու եմ մրցույթ, որի մասնակիցներից կհաղթի նա, ով մեկ ամսում կնիհարի ամենաշատը: Այնպես որ, բոլորին հրավիրում եմ մարզումների:


- Ի դեպ, գաղտնիք չէ, որ Ամանորին բոլորը գիրանում են, ի՞նչ խորհուրդ կտաք, որպեսզի առատ տոնական սեղանները վատ հետեւանքներ չունենան կազմվածքի վրա:

- Որպես ֆիտնես մարզիչ` կցանկանայի առանձնացնել 10 խորհուրդ, որը կօգնի մարդկանց խուսափել ավելորդ կիլոգրամներից եւ մնալ ավելի առողջ ու գեղեցիկ…


ՀՐԱՆՏ ՍԱՐԱՖՅԱՆ


Հ.Գ.- Իսկ թե որո՞նք են Վ. Խառատյանի 10 խորհուրդները, կարդացե՛ք «Զարուհի» ամսագրի այս տարվա վերջին համարում:

Հավանեցի՞ր հոդվածը, կիսվիր ընկերներիդ հետ