«ՇԻՐԽԱՆՅԱՆԻ ԲՆԱԿԱՐԱՆԸ ԽՈՒԶԱՐԿԵԼ ԵՆ ԵՎ ՁԵՐԲԱԿԱԼԵԼ»
Արխիվ 12-16
«ՇԻՐԽԱՆՅԱՆԻ ԲՆԱԿԱՐԱՆԸ ԽՈՒԶԱՐԿԵԼ ԵՆ ԵՎ ՁԵՐԲԱԿԱԼԵԼ»
Օրերս Ազգային անվտանգության ծառայության կողմից` Երեւանում վնասազերծված «զինված հանցախմբի» գործի շրջանակում ձերբակալվել է պաշտպանության նախարարի նախկին տեղակալ Վահան Շիրխանյանը: Ըստ ԱԱԾ-ի՝ նա «կասկածվում է Արթուր Վարդանյանի կողմից ստեղծված հանցավոր համագործակցությանը մասնակցելու, դրա օգտին գործելու, կոնկրետ հանձնառություն եւ դերակատարություն ունենալու մեջ»:
Վ. Շիրխանյանի փաստաբան ՏԻԳՐԱՆ ՏԵՐ-ԵՍԱՅԱՆԸ մեզ հետ զրույցում ասաց, որ ԱԱԾ-ի մեկուսարանում արդեն հասցրել է հանդիպել իր պաշտպանյալին, ով ասել է, որ հանկարծակիի է եկել ձերբակալությունից եւ որ իրեն մեղավոր չի ճանաչում.
- Շիրխանյանի բնակարանը խուզարկել են եւ ձերբակալել: Որոշ բաներ են առգրավվել` համակարգիչ, բլոկնոտ: Ես հետաքրքրվեցի. խուզարկությանը մասնակցել է 10 մարդ, որսորդական հրացան է եղել եւ Վազգեն Սարգսյանի նվիրած ատրճանակը:
Նա իրեն կատեգորիկ մեղավոր չի ճանաչում, ապշած է:
- Իսկ ինչո՞վ է պայմանավորում առաջադրված մեղադրանքը:
- Կալանավորված հանցավոր խմբի մեջ կան անդամներ, որոնց հետ պաշտպանյալս առնչվել է, շփվել:
- Օրինակ՝ ո՞ւմ հետ:
- Ճանաչում է նաեւ խմբի ղեկավարին, առնչվել է, շփում ունեցել է, բայց ոչ ավելին:
- Ինչպե՞ս է ծանոթացել, պատմե՞լ է:
- Պաշտպանյալս խմբի ղեկավարի հետ Եղեռնի հարյուրամյակին է ծանոթացել, այդ շրջանակներում է եղել նրանց շփումը:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
15823 դիտում
2
10831 դիտում
3
2287 դիտում
4
2141 դիտում
5
1479 դիտում
1
17623 դիտում
4
8026 դիտում
5
4056 դիտում
4
8257 դիտում
