Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

«ՉԵՄ ԲԱՑԱՌՈՒՄ, ՈՐ ԱՌԱՋԻԿԱ ՕՐԵՐԻՆ ԵՎՍ ԷԱԿԱՆ ՏԵՂԱՇԱՐԺԵՐ ԼԻՆԵՆ»

Արխիվ 12-16

«ՉԵՄ ԲԱՑԱՌՈՒՄ, ՈՐ ԱՌԱՋԻԿԱ ՕՐԵՐԻՆ ԵՎՍ ԷԱԿԱՆ ՏԵՂԱՇԱՐԺԵՐ ԼԻՆԵՆ»

 

2015 թվականը մոտենում է ավարտին: Թե ինչպես ենք ամփոփում այն, փորձեցինք պարզել ԱԺ Ֆինանսաբյուջետային եւ ֆինանսավարկային հանձնաժողովի նախագահ ԳԱԳԻԿ ՄԻՆԱՍՅԱՆԻՑ: Բայց մեր զրուցակիցն այն մտքին է, որ դեռ վաղ է տարին ամփոփել.

Այո, տարին մոտենում է ավարտին, բայց դեռ չի ավարտվել: Այսինքն՝ չեմ բացառում, որ առաջիկա մի քանի օրերին եւս էական տեղաշարժեր լինեն: Մասնավորապես՝ դա կարող է կապված լինել Ղարաբաղյան ճակատի զարգացումների հետ, որովհետեւ վերջին շրջանում, կարծես թե, միջազգային հանրությունը շատ ավելի որոշակիորեն է անդրադառնում հրադադարի խախտման դեպքերին: Նաեւ ԱՄՆ Կոնգրեսը բավական վճռական տեսակետ հայտնեց, որ շփման գծում պետք է տեղադրվեն համապատասխան տեխնիկական սարքավորումներ, որոնք թույլ կտան միանշանակ պարզել, թե որ կողմն է առաջինը խախտում հրադադարը: Եվ այս տեսակետից, կարծում եմ, առաջիկա օրերը կարող են իրենց որոշակիությունը մտցնել այդ հարցում: Այսինքն՝ Ղարաբաղյան խնդրի խաղաղ կարգավորման հետ կապված, կարծում եմ, որ մենք ունենք ակնկալիքներ, որ միջազգային հանրության կողմից խնդրի արդարացի լուծման համար ստեղծվող հնարավորություններն ավելի հստակ կլինեն:
Ինչ վերաբերում է մյուս թեժ կետերին, ապա բավականին բարդ է իրավիճակը Սիրիայում: Թուրքիայում եւս կտրուկ սրվել է իրավիճակը՝ քրդական խնդրի հետ կապված, զոհերի թիվը գնալով ավելանում է: Այսօր (զրուցել ենք երեկ- Ի.Ա.) ՀԱՊԿ-ի վեհաժողովն է, ՀՀ նախագահը գտնվում է Մոսկվայում, եւ ես չեմ բացառում, որ այս երկու հարցերի հետ կապված անդրադարձներ կլինեն նաեւ այնտեղ: Այն առումով, որ դրանք, ըստ էության, ՀԱՊԿ-ի սահմանների հարեւանությամբ տեղի ունեցող զարգացումներ են:
Այս ամենի հետ մեկտեղ՝ նաեւ բավական մտահոգիչ են Ռուսաստանի Դաշնության նկատմամբ շարունակվող սանկցիաները, որը թույլ չեն տալիս, որ Ռուսաստանի տնտեսությունը ողջ թափով աշխատի: Դա էլ իր հերթին թույլ չի տալիս, որպեսզի բարենպաստ պայմաններ ստեղծվեն` մեր կողմից ՌԴ արտահանվող ապրանքների համար: Այսօր խնդիր է նաեւ դոլարի նկատմամբ ռուսական արժույթի` ռուբլու արժեզրկումը, ինչն էլ իր հերթին է բավականին բարդ պայմաններ է ստեղծում` ՀՀ-ից ՌԴ արտահանվող ապրանքների համար: Այս միտումը, կարծես թե, շարունակվում է, որովհետեւ օրեցօր նավթի գինը ավելի ու ավելի է նվազում, եւ դժվար է ասել , թե որը կլինի այն վերջին կետը, որից հետո նավթի գինը կկայունանա կամ կսկսի բարձրանալ:
Սրանք էին այն հիմնական արտաքին խնդիրները, որոնք ազդում են մեր ներքին քաղաքական եւ տնտեսական իրավիճակի վրա: Ինչ վերաբերում է ներքին զարգացումներին, ապա կարծում եմ, որ այս տարվա ամենամեծ իրողությունը Սահմանադրության ընդունումն էր: Հիմա էլ հավուր պատշաճի ընթանում են բոլոր բողոքների վերաբերյալ քննարկումները, ինչը իր հերթին չափազանց կարեւոր է: Նոր սահմանադրությունը կբացի նոր հնարավորություններ, եւ, կարծում եմ, սա ամենակարեւոր քաղաքական արդյունքն է:

«ՀԵՇՏ ՏԱՐԻ ՉԷՐ»
-Ինչպե՞ս ենք ամփոփում անցնող ֆինանսատնտեսական տարին:
- 2015 թվականը իսկապես հեշտ տարի չէր՝ հիմնականում պայմանավորված մեր հիմնական գործընկերոջ` Ռուսաստանի Դաշնության բավականին բարդ տնտեսական իրավիճակով: Դեռ մի քիչ էլ պետք է սպասենք, մինչեւ տարին իսկապես կամփոփվի, բայց ես կարծում եմ, որ չնայած մեզ չի հաջողվել ապահովել պետական բյուջեով նախատեսված աճի ցուցանիշները, բայց տարբերությունը շատ մեծ չի լինի: Սա մեզ համար հնարավորություն է, որ մենք եկող տարվա ընթացքում կանխատեսենք նման իրավիճակներ, եւ հենց տարվա սկզբից իրականացնենք քայլեր, որոնք բխում են մեր շահերից:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ