ԿԳ նախարար. «ԽՈՍՏԱՑԵՔ, ՈՐ ԵՐԿՈՒ ՏԱՐԻ ՉԵՔ ՔՆՆԱԴԱՏԵԼՈՒ...»
Արխիվ 12-16
ԿԳ նախարար. «ԽՈՍՏԱՑԵՔ, ՈՐ ԵՐԿՈՒ ՏԱՐԻ ՉԵՔ ՔՆՆԱԴԱՏԵԼՈՒ...»
«Հայաստանում ինչպես հանրակրթության, այնպես էլ բարձրագույն կրթության մակարդակում ունենք միջազգային նշանակության եւ մրցունակության կրթական ծառայություններ, եւ ունենք կրթական ծառայություններ, որոնք ամբողջությամբ պետք է փակվեին, եթե չլիներ սոցիալական խնդիրը», - այսօր տարեվերջյան ամփոփիչ մամլո ասուլիսի ժամանակ նշեց ԿԳ նախարար ԱՐՄԵՆ ԱՇՈՏՅԱՆՆ ու անդրադարձավ կրթական ոլորտում առկա հայաստանյան ամենակարեւոր մարտահրավերին. «Կա մի կողմից կրթության որակ, գերազանցություն, որին մենք ձգտում ենք: Իսկ մյուս կողմից կրթության համակարգն ունի սոցիալական բեռ իր վրա, քանի որ ամենամեծ գործատուներից մեկն է: Հենց որ սկսում ես կրթության որակի մասին շատ մտածել ու գործ անել, տուժում է սոցիալական բաղադրիչը եւ առաջանում է գործազրկություն, որովհետեւ կրճատումներն անխուսափելի են: Բայց երբ սեւեռվում ես սոցիալական խնդիրների վրա, ասում ես` վայ, ձեռք չտամ, որ բողոք չլինի, ցույցեր չանեն, մարդիկ հացից չզրկվեն, դպրոց չփակվի, մասնավոր բուհը վատն է, բայց ոչինչ լիցենզիայից չզրկեմ եւ այլն, տեղում ստվերվում է կրթության որակը»: Ըստ ԿԳ նախարարի, սրանք անհամադրելի գերակայութուններ են. «Հետեւաբար մեր թիվ մեկ մարտահրավերը այդ երկու ժայռաբեկորների միջով ճիշտ անցելն է եւ թեքվելը` դեպի կրթության որակ` փորձելով այստեղի խնդիրները մեղմել»: Եզրափակելով խոսքը` Ա. Աշոտյանն ընդգծեց. «Դուք եւ ես ինձնից սպասում եմ բեկումնային գործողություններ, բայց այդ դեպքում խոստացեք, որ երկու տարի չեք քննադատելու, ոչ մի վատ բան չեք գրելու, անկախ նրանից եղել է կամ չի եղել , հետո կպահանջեք… Երկու տարի տվեք նախարարությանը, կառավարությանը` իրականացնելու կրթության ոլորտի ամենացավոտ եւ ամենաանհրաժեշտ բարեփոխումները, հետո կստանաք մեզնից արդյունք»: Ի պատասխան լրագրողների արձագանքին, որ չքննադատելն անխուսափելի է, կառավարության ներկայացուցիչը հավելեց. «Այդ դեպքում բեկումնային բարեփոխումներ չենք անի, այլ կանենք ավելի խորամանկ եւ ավելի խելացի ձեւով, բայց, ցավոք, դանդաղ»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
15286 դիտում
2
10816 դիտում
3
2287 դիտում
4
2141 դիտում
5
1479 դիտում
1
17623 դիտում
4
8026 դիտում
5
4056 դիտում
4
8257 դիտում
