ՄԱՅՐ ԹԱՏՐՈՆԸ ԿՈՒՆԵՆԱ ԺԱՄԱՆԱԿԱԿԻՑ ԲԵՄ ԵՎ ՀԱՐՄԱՐԱՎԵՏ ՊԱՅՄԱՆՆԵՐ

ՄԱՅՐ ԹԱՏՐՈՆԸ ԿՈՒՆԵՆԱ ԺԱՄԱՆԱԿԱԿԻՑ ԲԵՄ ԵՎ ՀԱՐՄԱՐԱՎԵՏ ՊԱՅՄԱՆՆԵՐ

Ըստ 2014 թվականի հունիսի 4-ի ՀՀ կառավարության նիստի որոշման` այս տարվա սեպտեմբերից Գ. Սունդուկյանի անվան ազգային ակադեմիական թատրոնում սկսվել են դահլիճի տեխնիկական վերազինման աշխատանքները: Այսօր դեռեւս թատրոնում ընթանում են ապամոնտաժման աշխատանքներ, որոնք ըստ մասնագետների` կավարտվեն 2016 թվականի հունվարի վերջին, որին կհաջորդի մոնտաժման աշխատանքները, որոնք էլ կավարտվեն հունիս-հուլիս ամիսներին: Մասնագետները խոստանում են, որ վերազինումից հետո մայր թատրոնը կունենա ժամանակակից բեմ եւ հարմարավետ պայմաններ: Իսկ արդեն թատերաշրջանը նախատեսվում է 2016 թվականի հոկտեմբեր ամսին` «Պեպո» ներկայացման բեմադրությամբ, ճիշտ այնպես, ինչպես առաջին անգամ` 1922 թվականին:
Թատրոնի տնօրեն ՍՏԵՓԱՆ ԴԱՎԹՅԱՆՆ ասաց, որ վերազինման արդյունքում անցած դարի 60-ական թվականներից ժառանգած բեմական համակարգի եւ դահլիճի հնամաշ նստարանների փոխարեն կունենան ժամանակակից բեմ, իսկ հանդիսատեսն առավել հարմարավետ պայմաններում կդիտի մայր թատրոնի ներկայացումները:

ԼԻԼԻԹ ԵՂԻԱԶԱՐՅԱՆ

Հ.Գ.Առավել մանրամասն կարդացե՛ք «Իրավունքի» հաջորդ համարում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝