ՄԻԱՅՆ ՀԱՅՈՑ ՑԵՂԱՍՊԱՆՈՒԹՅՈՒՆԸ ՃԱՆԱՉԵԼՈՒ ԴԵՊՔՈՒՄ ԿԻՍԻՆԸ ԵԼՈՒՅԹ ԿՈՒՆԵՆԱ ԹՈՒՐՔԻԱՅՈՒՄ
Արխիվ 12-16
ՄԻԱՅՆ ՀԱՅՈՑ ՑԵՂԱՍՊԱՆՈՒԹՅՈՒՆԸ ՃԱՆԱՉԵԼՈՒ ԴԵՊՔՈՒՄ ԿԻՍԻՆԸ ԵԼՈՒՅԹ ԿՈՒՆԵՆԱ ԹՈՒՐՔԻԱՅՈՒՄ
Ռուս դաշնակահար, հայ ժողովրդի լավագույն բարեկամ ԵՎԳԵՆԻ ԿԻՍԻՆԸ օրերս կրկին անդրադարձել է Թուրքիայի կողմից Հայոց ցեղասպանության ճանաչման հարցին: Նա հայտարարել է, որ Թուրքիայում ելույթ չի ունենա այնքան ժամանակ, քանի դեռ նրանց կառավարությունը 1915 թվականին Արեւմտյան Հայաստանում տեղի ունեցած հայերի զանգվածային կոտորածները չի ճանաչել որպես Հայոց ցեղասպանություն: Դաշնակահարը Թուրքիայի կողմից համերգային ծրագրերի բոլոր հրավերները մերժում է. «Իմ անձնական համոզմունքն է, եթե երաժիշտներից շատերը հրաժարվեն ելույթ ունենալ Թուրքիայում, այնտեղ կհասկանան, որ ժողովուրդը տուժում է իր ղեկավարների արարքներից` ինչն էլ կխթանի կիրթ մտածելակերպով մարդկանց առավել տեղեկացվածությանը»,- ասել է դաշնակահարը: Նա նաեւ նշել է, որ արդեն վեց տարի է, ինչ ելույթ չի ունեցել Ռուսաստանում եւ հնարավոր է, որ սպասված ելույթը տեղի ունենա 2017թ.-ին:
Եվգենի Կիսինը, վերջին երեք տարիների ընթացքում Հայաստանում երկու անգամ հանդես է եկել մենահամերգային մեծ ծրագրով, ինչպես նաեւ խոշոր բարեգործական ձեռնարկներով:
Նշենք, որ 2012 թվականին ՀՀ նախագահի հրամանով Ե. Կիսինը պարգեւատրվել է «Պատվո» շքանշանով:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
15286 դիտում
2
10816 դիտում
3
2287 դիտում
4
2141 դիտում
5
1479 դիտում
1
17623 դիտում
4
8026 դիտում
5
4056 դիտում
4
8257 դիտում
