«ԹՇՆԱՄԱՆՔԸ ԿԱ ՈՒ ԿԱ». PERSONA NON GRATA-Ի ՊՏՈՒՂՆԵՐԸ ՔԱՂԱԾ ՇԻՐԱԿ ԹՈՐՈՍՅԱՆԸ`ԻՐ ԲԱԽՏԱԿՑԻ ՄԱՍԻՆ
Արխիվ 12-16
«ԹՇՆԱՄԱՆՔԸ ԿԱ ՈՒ ԿԱ». PERSONA NON GRATA-Ի
ՊՏՈՒՂՆԵՐԸ ՔԱՂԱԾ ՇԻՐԱԿ ԹՈՐՈՍՅԱՆԸ`ԻՐ ԲԱԽՏԱԿՑԻ
ՄԱՍԻՆ
Երեկ հուշարձանագետ Սամվել Կարապետյանը հայտարարեց, որ Վրաստանն արգելել է իր մուտքը Վրաստան նրա հեղինակած վերջին աշխատության պատճառով: Աշխատության մեջ հուշարձանագետը խոսել էր Վրաստանում հայկական եկեղեցիների վրացականացման մասին: Վրացական մամուլն անդրադարձել էր Սամվել Կարապետյանի հայտարարությանը, այն որակել զեղծարարություն: Որոշ ժամանակ անց Սամվել Կարապետյանին տեղեկացրել են, որ նրա մուտքը Վրաստան արգելվում է: «Persona non grata»-ի կարգավիճակում հայտնված հուշարձանագետի հայտարարությունը քննարկվեց հանրության կողմից: «Իրավունք»-ը ծնունդով ջավախահայ, Սահակաշվիլու իշխանության տարիներին «Persona non grata»-ի կարգավիճակում հայտնված պատգամավոր Շիրակ Թորոսյանից պարզեց` ինչո՞ւ է լռում մեր իշխանությունը, եւ ինչ քայլեր պետք է անել: «Հայերն ու վրացիները պետք է միմյանց թեւ-թիկունք լինեն` դիմագրավելու թուրքական ընչաքաղցությանն ու իսլամական արմատականությանը: Վրաստանի իշխանությունը չպետք է հայերի ու Հայաստանի մեջ թշնամություն տեսնի:
Ինչ վերաբերում է իշխանությանն ուղղված այն մեղադրանքներին, թե հայ-վրացական կնճոռ հարցեր են վեր բարձրացվում, պրն Թորոսյանը չհամաձայնեց. «Իշխանությունը դիվանագիտական բոլոր խողովակներով փորձում է այդ խնդրին լուծում տալ: Ընդ որում` ոչ միայն ինձ, այլեւ Վրաստանի սեւ ցուցակում հայտնված անձանց դուրս բերել այդտեղից: Իշխանությունը փորձում է առանց վիրավորանքի, առանց որեւէ լարվածության ու թշնամանքի` լուծել խնդիրը` մոռանալ սեւ ցուցակի մասին, քանի որ այն ջուր է լցնում թուրք-ադրբեջանական ջրաղացին»:
Պատգամավորի խոսքով` աշխարհաքաղաքական նման իրավիճակում խնդիրը պետք է լուծել բացառապես խաղաղ ճանապարհով ու բարեկամական մթնոլորտում, չնայած Վրաստանը կարծես հակառակն է անում: «Թշնամանքը կա ու կա»,- եզրափակեց օրենսդիրի անդամը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
15150 դիտում
2
10816 դիտում
3
2287 դիտում
4
2141 դիտում
5
1469 դիտում
1
17623 դիտում
4
8026 դիտում
5
4047 դիտում
4
8257 դիտում
