ԲՀԿ-ԱԿԱՆԸ` ՀԱԿ-Ի ՆԱԽԱՁԵՌՆՈՒԹՅԱՆԸ ՄԻԱՆԱԼՈՒ ՄԱՍԻՆ. «ՍՈԼԻԴԱՐՈՒԹՅԱՆ ՀԱՐՑ ՉԻ ԿԱՐՈՂ ԼԻՆԵԼ»
Արխիվ 12-16
ԲՀԿ-ԱԿԱՆԸ` ՀԱԿ-Ի ՆԱԽԱՁԵՌՆՈՒԹՅԱՆԸ ՄԻԱՆԱԼՈՒ
ՄԱՍԻՆ. «ՍՈԼԻԴԱՐՈՒԹՅԱՆ ՀԱՐՑ ՉԻ ԿԱՐՈՂ ԼԻՆԵԼ»
Լրագրողներն այսօր ԲՀԿ խմբակցության պատգամավորներ Միքայել Մելքումյանից ու Վահան Բաբայանից պարզեցին` ինչո՞ւ որպես ընդդիմություն չեն միանում ՀԱԿ-ի ստորագրահավաքին:
Հիշեցնենք` ՀԱԿ-ը նախաձեռնել է ստորագրահավաք` Սահմանադրական դատարան դիմելու եւ սահմանադրության հանրաքվեի արդյունքները չեղյալ համարելու պահանջով: Այսօր տեղեկացանք, որ ՕԵ խմբակցության բոլոր պատգամավորները միացել են ՀԱԿ-ի նախաձեռնությանը:
ԲՀԿ պատգամավորների խոսքով`մի քանի անգամ իրենք ասել են` ինչու չեն միանում այդ նախաձեռնությանը:
«Իրավունք»-ը ԲՀԿ պատգամավոր Վահան Բաբայանից հետաքրքրվեց` չեն դիմելու ՍԴ, քանի որ ԲՀԿ-ի վստահված անձինք ոչ մի խախտում չե՞ն հայտնաբերել: «Մենք հիմնավոր պատասխաններ տվել ենք»,- հակիրճ պատասխանեց պատգամավորը:
Մեր մյուս դիտարկմանը, թե հնարավոր է հանուն սոլիդարության միանան ընդդիմադիր խմբակցության ստորագրահավաքին, Վահան Բաբայանի խոսքով`նման հարցերում սոլիդարություն չի կարող լինել:
Մեկ այլ ԲՀԿ-ական Միքայել Մելքումյանն էլ ասաց, որ խախտումներն այնքան չեն եղել, որ ազդեն հանրաքվեի արդյունքների վրա:
ԲՀԿ-ի այս կեցվածքը, ըստ լուրերի, պայմանավորված է ՀՀԿ-ի հետ մոտ ապագայում կոալիցիա կազմելու ցանկությամբ: «Այդ հարցը մեզ ամեն օր տալիս են: Նման հարց այսօրվա քաղաքական համակարգում չկա»,- ասաց Բաբայանը:
ԲՀԿ-ականին հիշեցրինք ԱԺ փոխնախագահ, ՀՀԿ-ական Էդուարդ Շարմազանովի հայտարարարությունը, թե ՀՀԿ-ԲՀԿ կոալիցիան չի բացառվում: Ի պատասխան պրն Բաբայանն ասաց, որ չբացառելը այլ բան է, քննարկումները` այլ: «Այս պահին քաղաքական դաշտում նման հարց չկա»,- եզրափակեց օրենսդիր մարմնի անդամը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
16946 դիտում
2
10901 դիտում
3
2287 դիտում
4
2141 դիտում
5
1508 դիտում
1
17623 դիտում
4
8026 դիտում
5
4056 դիտում
4
8257 դիտում
