Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԷՄԻՐ ԿՈՒՍՏՈՒՐԻՑԱՆ ԵՎ THE NO SMOKING ՆՎԱԳԱԽՈՒՄԲԸ ԵԼՈՒՅԹ ԿՈՒՆԵՆԱՆ ԵՐԵՎԱՆՈՒՄ

Արխիվ 12-16

ԷՄԻՐ ԿՈՒՍՏՈՒՐԻՑԱՆ ԵՎ THE NO SMOKING ՆՎԱԳԱԽՈՒՄԲԸ ԵԼՈՒՅԹ ԿՈՒՆԵՆԱՆ ԵՐԵՎԱՆՈՒՄ


Դեկտեմբերի 25-ին  սերբ ռեժիսոր, դերասան եւ երաժիշտ ԷՄԻՐ ԿՈՒՍՏՈՒՐԻՑԱՆ եւ The No Smoking նվագախումբը համերգով հանդես կգան Երեւանում: Աշխարհահռչակ կինոռեժիսորը  The No Smoking  ֆոլք-ռոք խմբի բաս կիթառահարն է: Նա արդեն 2-րդ անգամ է խմբի հետ համերգով հանդես գալիս Երեւանում, քանի որ հետաքրքրությունը երկկողմանի է:

Կինոռեժիսորը տարբեր առիթներով նշել է, որ Հայաստանն ու Սերբիան իրար շատ նման են թե՛ քաղաքական դիրքով, թե՛ մշակույթով , թե՛ պատմությամբ: Երկու ազգերն էլ Ցեղասպանություն են տեսել, իսկ երբ 5 տարի առաջ Կուստուրիցային հրավիրեցին մասնակցելու Անթալիայի «Ոսկե նարինջ» միջազգային կինոփառատոնին, Թուրքիայի քաղաքական գործիչներն ու արվեստագետները կոշտ քննադատություններ հնչեցրին՝ մեղադրելով նրան բոսնիական պատերազմի ժամանակ մահմեդականների զանգվածային կոտորածն արդարացնելու մեջ: Կուստուրիցան իր հերթին որոշեց լքել փառատոնը՝ հայտարարելով. «Եթե ցեղասպանությունների նկատմամբ այդպես զգացմունքային եք, ինչո՞ւ չեք խոսում Առաջին աշխարհամարտի տարիներին հայերի դեմ իրականացված Ցեղասպանության մասին»:

Էմիր Կուստուրիցայի եւ The No Smoking նվագախմբի երեւանյան համերգը եւս մեկ անգամ փաստելու եւ կարևորելու է սերբերի եւ հայերի բարեկամությունը:

Համերգը կազմակերպել են «Մեցցո Պրոդաքշնը» եւ «Ալմազյան Պրոդաքշնը»` Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի եւ Մշակույթի նախարարության աջակցությամբ:


ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ