«ՀՆԱՐԱՎՈՐ Է` ՆԻՍՏԵՐԻ ԸՆԹԱՑՔՈՒՄ ԳԱՄ ԵՎ ԹԵԿՈՒԶ ՃԱՂԵՐԻՑ ԱՅՆ ԿՈՂՄ ՏԵՍՆԵՄ ՏՂԱՅԻՍ»
Արխիվ 12-16
«ՀՆԱՐԱՎՈՐ Է` ՆԻՍՏԵՐԻ ԸՆԹԱՑՔՈՒՄ ԳԱՄ ԵՎ ԹԵԿՈՒԶ ՃԱՂԵՐԻՑ ԱՅՆ ԿՈՂՄ ՏԵՍՆԵՄ ՏՂԱՅԻՍ»
Գյումրիում Ավետիսյանների յոթհոգանոց ընտանիքին դաժան սպանդի ենթարկած ոճրագործ Վալերի Պերմյակովի գործով դատական առաջին նիստը կկայանա դեկտեմբերի 18-ին: Նիստը տեղի կունենա Գյումրիում տեղակայված ռուսական 102-րդ ռազմաբազայում: Թե որո՞նք են ի վերջո Պերմյակովի այդչափ դաժան սպանությունների դրդապատճառները, ի՞նչ հանգամանքներ են ի հայտ եկել նախաքննության ընթացքում, Ավետիսյանների ներկայացուցիչները դեռեւս չեն ցանկանում հրապարակել, նշելով, որ դատական նիստի օրը հանդես կգան հայտարարությամբ: Իսկ մինչ այդ, մենք փորձեցինք կապվել յոթ հոգու սպանության մեջ մեղադրվողի հոր` Պավել Պերմյակովի հետ, պարզելու` արդյո՞ք վերջինս ներկա կգտնվի որդու դատական նիստերին: Մեզ հետ զրույցում ոճրագործի հայրը չցանկացավ շատ խոսել` նշելով.
«Դեռ չենք կարողանում հաշտվել, որ մեր տղան ընդունակ է նման գազանության, չենք ուզում խոսել ընդհանրապես»:
Հարցին` ամեն դեպքում, ներկա գտնվելո՞ւ եք դատական նիստին, մեր զրուցակիցը երկար մտածելուց հետո ասաց.
– Առաջին դատական նիստին, բնականաբար ոչ, որովհետեւ մեզ ոչ ոք չի տեղեկացրել անգամ այդ մասին: Բայց չի բացառվում` եթե հնարավորություններս ներեն, եւ ինքս իմ մեջ ուժ գտնեմ նայել Վալերիի աչքերին (արտասվում է Ի. Ա.), հնարավոր է` նիստերի ընթացքում գամ եւ թեկուզ ճաղերից այն կողմ տեսնեմ տղայիս: Բայց 18-ին, հաստատ չենք հասցնի:
– Մինչ օրս չե՞ք հավատում Ձեր տղային առաջադրված մեղադրանքին:
– Իսկ ո՞ր ծնողը կցանկանա հավատալ նման բանի, որ իր որդին...
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
15830 դիտում
2
10831 դիտում
3
2287 դիտում
4
2141 դիտում
5
1479 դիտում
1
17623 դիտում
4
8026 դիտում
5
4056 դիտում
4
8257 դիտում
