Օբաման խոստացել է ոչնչացնել ահաբեկիչների առաջնորդներին
Արխիվ 12-16
Օբաման խոստացել է ոչնչացնել ահաբեկիչների առաջնորդներին
Միացյալ Նահանգները մահացու հարվածներ է հասցնում «Իսլամական պետություն» խմբավորմանը՝ Դաեշին, հայտարարել է ԱՄՆ-ի նախագահ Բարաք Օբաման: Օբաման Պենտագոնում անց է կացրել Ազգային անվտանգության խորհրդի նիստ, որը նվիրված էր ահաբեկչության դեմ պայքարի ռազմավարությանը: Նրա խոսքով, Միացյալ Նահանգների գլխավորած հակաահաբեկչական կոալիցիան օրեցօր ավելացնում է Դաեշի դեմ ուղղված հարվածները: Միեւնույն ժամանակ, հատուկ գործողությունների միջոցով ոչնչացվում են ահաբեկիչների ղեկավարները:
«Դաեշի առաջնորդները խույս չեն տալուեւ նրանց ուղղված մեր միակ խոսքը պարզ է՝ հաջորդը դուք եք լինելու», - ասել է ԱՄՆ-ի նախագահը:
Նախագահ Օբաման ընդգծել է, որ վերջին շաբաթներին կոալիցիայի արդյունավետ գործողությունների ընթացքում ահաբեկիչների հսկողության տակ գտնվող տարածքները կրճատվել են ինչպես Իրաքում, այնպես էլ՝ Սիրիայում:
«Մինչ օրս Դաեշը Իրաքում կորցրել է իր հսկողության տակ եղած բնակելի տարածքների 40 տոկոսը եւ առաջիկայում կորցնելու է ավելին», - ասել է Բ. Օբաման:
Միեւնույն ժամանակ, Բարաք Օբաման նշել է, որ Դաեշի զինյալները ծպտվում են խիտ բնակեցված վայրերում, թաքնվելով քաղաքացիական բնակչության հետեւում՝ որպես վահան օգտագործելով անմեղ մարդկանց, կանանց եւ երեխաների:
«Այսպիսով, անգութ մնալով ահաբեկիչների նկատմամբ, մենք պետք է գործենք խելացի՝ թիրախավորելով Դաեշին վիրաբույժի ճշգրտությամբ», - կարեւորել է Օբաման:
Նախագահ Օբաման նաեւ կոչ է արել աշխարհի մյուս երկրներին, այդ թվում Ռուսաստանին եւ Միջին Արեւելքի պետություններին, հետեւել ԱՄՆ-ի, Ֆրանսիայի, Գերմանիայի եւ Մեծ Բրիտանիայի օրինակին՝ ավելի հուժկու հարվածներ հասցնելով Դաեշին:
Ամփոփելով ահաբեկիչների դեմ պայքարում ԱՄՆ-ի ռազմավարությունը՝, Բարաք Օբաման նշել է, որ այն շարունակվելու է չորս հիմնական ուղղություններով. Միացյալ Նահանգները շարունակելու է որսալ եւ ոչնչացնել ահաբեկիչների ղեկավարներին, աջակցել Իրաքում եւ Սիրիայում ահաբեկիչների դեմ պայքարող ցամաքային ուժերին, ոչնչացնել Դաեշի ֆինանսական աղբյուրները, կանգնեցնել ահաբեկիչների կողմից տարվող ինտենսիվ քարոզչությունը եւ դիվանագիտական միջոցներով կարգավորել Սիրիայի քաղաքացիական պատերազմը, որպեսզի բոլոր կողմերը կենտրոնանան Դաեշի դեմ պայքարի վրա:
Բաժանորդագրվե՛ք https://t.me/iravunk
1
15835 դիտում
2
10831 դիտում
3
2287 դիտում
4
2141 դիտում
5
1479 դիտում
1
17623 դիտում
4
8026 դիտում
5
4056 դիտում
4
8257 դիտում
