Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները Փորձեցին խոչընդոտել ընտրությունները, բայց չստացվեց․ Սուրեն Սաֆարյան

ԱՐՄԵՆ ԵՐԻՑՅԱՆԸ ԱՆԲԱՐՈՅԱԿԱՆ Է ՀԱՄԱՐՈՒՄ ՔՈՉԱՐՅԱՆԻ ՀԱՅՏԱՐԱՐՈՒԹՅՈՒՆԸ ՄԵԿՆԱԲԱՆԵԼԸ

Արխիվ 12-16

ԱՐՄԵՆ ԵՐԻՑՅԱՆԸ ԱՆԲԱՐՈՅԱԿԱՆ Է ՀԱՄԱՐՈՒՄ

ՔՈՉԱՐՅԱՆԻ ՀԱՅՏԱՐԱՐՈՒԹՅՈՒՆԸ ՄԵԿՆԱԲԱՆԵԼԸ


 

ՏԿԱԻ նախարար Արմեն Երիցյանն օրեր առաջ «Իրավունք»-ի հետ զրույցում անդրադառնալով իր հասցեին ուղղված այն մեղադրանքներին, թե Երիցյանը նոր սահմանադրության քվեարկության օգտին գյուղապետերի վրա «թիվ» է դրել, հերքեց այդ լուրերը: «Անցել են այդ ժամանակները»,-ասել էր Երիցյանը, ապա ասել` հանրաքվեն լավ է անցել:

Երիցյանի ու իշխանության այլ ներկայացուցիչների հայտարարությունից օրեր անց Ռոբերտ Քոչարյանի գրասենյակը հայտարարություն տարածեց  սահմանադրական հանրաքվեի մասին, որտեղ ասվում է` տեղի ունեցածը հազիվ թե  կարելի է համարել ժողովրդի կամարտահայտում:

Ա. Երիցյանին խնդրեցինք անդրադառնալ այս հայտարարությանը: «Ես տեղյակ չեմ` ինչ է  հայտարարել գրասենյակը: Իրենց պետք է հարցնենք: Ես ասում եմ`  յուրաքանչյուրն արտահայտել է այն, ինչ մտածում է: Եղել են տարածքներ, որտեղ «ոչ»-ի քանակն ավելի շատ է եղել»,- գործադիրի անդամը:

Հստակեցրինք` հայտարարության մեջ  խոսվում է զանգվածային խախտումների մասին: Երիցյանը հակադարձեց` նման բան չի եղել եւ չէր կարող լինել. «Շտաբի պետը` Հովիկ Աբրահամյանը, ե՛ւ ՀՀ նախագահը հանձնարարել էին  ուշադիր լինել»:

- Պրն Երիցյան, դուք  երկար ճանապարհ անցած  գործիչ եք…

- Հին մարդ եմ ծիծաղում է.-խմբ.

-Այո, հին մարդ եք: Ռոբերտ Քոչարյանի ղեկավարման տարիներին ընտրակեղծիքներ ու խախտումներ չե՞ն եղել:

- Ես չեմ կարող ասել: Փոքրիկ փաստեր եղել են, կան, կլիներ, որոնց վերաբերյալ հարուցվում է քրեական գործ: Եվ այն մարդիկ, ովքեր փորձում են կեղծիքների միջոցով անել  ինչ-որ բա, տեղ չունեն քաղաքականության մեջ:

- Քոչարյանի ընդդիմախոսները վերհիշել են 2004 թ-ի ապրիլի 12-ի դեպքերը,  ընտրակեղծիքները, խախտումերը: Այսքանից հետո ասում են իրավունք ունի Քոչարյանը խոսել ժողովրդի կամարտահայտումից:

- Իմ դաստիարակությունը թույլ չի տալիս խոսել նախկին նախագահների  մասին ու գնահատական տալ: Դա ես անբարոյական եմ համարում:



ՍՈՆԱ ԴԱՎԹՅԱՆ


 

Հավանեցի՞ր հոդվածը, կիսվիր ընկերներիդ հետ