ԱՍՏՎԱԾ ՈՒ ՕՄԲՈՒԴՍՄԵՆԸ ՆԵՐՈՒՄ ԵՆ ԲՈԼՈՐ ՄԵՂԱՎՈՐՆԵՐԻՆ
Արխիվ 12-16
ԱՍՏՎԱԾ ՈՒ ՕՄԲՈՒԴՍՄԵՆԸ ՆԵՐՈՒՄ ԵՆ ԲՈԼՈՐ ՄԵՂԱՎՈՐՆԵՐԻՆ
Երեկ` դեկտեմբերի 10-ին` Մարդու իրավունքների պաշտպանության միջազգային օրվա առթիվ ինչ-որ անձինք տհաճ «անակնկալ» էին պատրաստել օմբուդսմենի գրասենյակի համար: Նախ` ՄԻՊ գրասենյակի դուռը ներկել էին վարդագույն ներկով, ապա` սոցցանցում տեղադրել մի մառազմատիկ հայտարարություն: Ի դեպ, նկատենք, որ «չարագործներն» իրենց հայտարարության մեջ չէին հիշատակել, թե ինչու էին հենց վարդագույն ներկը նախընտրել: Ինչեւէ, թե արդյոք ՄԻՊ գրասենյակը կդիմի իրավապահներին, հատկապես, որ արդեն իսկ արված մեկնաբանության մեջ օմբուդսմենի խոսնակ ՇՈՒՇԱՆ ԴԱՆԻԵԼՅԱՆՆ ակնարկել էր, որ ՄԻՊ գրասենյակն արդեն պատկերացում ունի, թե ում ձեռքի գործը կարող էր լինել, փորձեցինք պարզել հենց նրանից: Սակայն, Շ. Դանիելյանը նշեց այն, ինչն արդեն իսկ ասել էր` խոստանալով մեր հարցերին պատասխանել ավելի ուշ. «Այսօր մենք կենտրոնացած աշխատում ենք ընտրախախտումների բացահայտման ուղղությամբ, իսկ մի նեղ խմբակ, որը տիրապետում է լրատվական դաշտի մի հատվածին, փորձում է խանգարել մեր աշխատանքը: Նույն ձեռագիրը մենք տեսանք Ազգային ժողովում, այնուհետեւ կրթական ոլորտում, իսկ հիմա էլ այդ խմբակից սնվող լրատվամիջոցում»:
Բայց արի ու տես, որ հարցի պատասխանը երկար սպասեցնել չտվեց, երեկ երեկոյան Մարդու իրավունքների պաշտպան ԿԱՐԵՆ ԱՆԴՐԵԱՍՅԱՆԸ իր ֆեյսբուքյան էջում նշել էր. «Քիչ առաջ տեղեկացանք, որ բերման է ենթարկվել քաղաքացիական ակտիվիստ Արտակ Գեւորգյանը, ով իբրեւ այսօր առավոտյան ներկել էր մեր գրասենյակի դուռը: Անկախ նրանից, թե ով է եղել նման արարք կատարողը, մենք չենք ցանկանում, որ որեւէ մարդ ենթարկվի քրեական պատասխանատվության այդ արարքի համար: Մենք համարում ենք նման արարքը անթույլատրելի, սակայն ներում ենք թե՛ դրա կատարողներին ե՛ւ թե կազմակերպիչներին: Մենք որեւէ հաղորդում կամ ահազանգ չենք ներկայացրել իրավապահ մարմիններին, որպեսզի որեւէ անձ ենթարկվի քրեական հետապնդման: Իմ հանձնարարականով` իմ տեղակալն այժմ գտնվում է ոստիկանության Կենտրոն բաժնում, որպեսզի բոլոր հնարավոր եղանակներով պաշտպանի Արտակ Գեւորգյանի իրավունքները»:
ՀՐԱՆՏ ՍԱՐԱՖՅԱՆ
Հ.Գ.- Ավելի ուշ ՄԻՊ-ն ուրախությամբ հայտնել է, թե Ա. Գեւորգյանն արդեն ազատության մեջ է:
Բաժանորդագրվե՛ք https://t.me/iravunk
1
16671 դիտում
2
10882 դիտում
3
2287 դիտում
4
2141 դիտում
5
1503 դիտում
1
17623 դիտում
4
8026 դիտում
5
4056 դիտում
4
8257 դիտում
