ՓՈԽՆԱԽԱՐԱՐ. «ՄԱՐԴԱՍԻՐԱԿԱՆ ՕԳՆՈՒԹՅԱՆ ԴԵՂԵՐԻ ՎԱՃԱՌՔԻ ԴԵՊՔ ՉԻ ԱՐՁԱՆԱԳՐՎԵԼ»
Արխիվ 12-16
ՓՈԽՆԱԽԱՐԱՐ. «ՄԱՐԴԱՍԻՐԱԿԱՆ ՕԳՆՈՒԹՅԱՆ
ԴԵՂԵՐԻ ՎԱՃԱՌՔԻ ԴԵՊՔ ՉԻ ԱՐՁԱՆԱԳՐՎԵԼ»
Թեեւ Հայաստանի կառավարությունը եւ առողջապահության նախարարությունն ամեն ինչ անում են՝ բնակչության առողջության խնդիրներն ավելի բարձր մակարդակով լուծելու համար, սակայն շատ կարեւորվում է նաեւ բարեգործական կազմակերպությունների կողմից մարդասիրական օգնության դեղերը:
«Իրավունք»-ը թեմայի վերաբերյալ մի քանի հարց ուղղեց առողջապահության փոխնախարար Սերգեյ Խաչատրյանին եւ պարզեց` դեղերի հստակ խմբաքանակ կա՞ որը ՀՀ է մուտք գործում մարդասիրական օգնության ճանապարհով: «Ոչ: Կան բարեգործական կազմակերպություններ, որոնք իրենց երկրից կամ այն երկրից, որտեղ իրենց կենտրոնն է, մեր երկիր են ուղարկում մարդասիրական օգնության դեղերը` նախապես ուսումնասիրելով, թե ինչ դեղերի կարիք ունի մեր երկիրը: Կոնկրետ խմբաքանակ չկա: Մարդասիրական ճանապարհով մուտք են գործում տարբեր դեղեր»,- ասաց Խաչատրյանը:
Այս տարվա բյուջեի նախագծով նախատեսված է 60 մլն դրամ հատկացնել մարդասիրական օգնության դեղերի բաշխման համար: Փոխնախարարը պարզաբանում է` գումարի չափը որոշվել է նախորդ տարի հաշվի առնելով մարդասիրական օգնության դեղերի բաշխման կարգը: Հաշվարկվել է մարդասիրական դեղերը տրամադրող հումանիտար կենտրոնի գործունեությունը, ինչպես նաեւ ինչքան փող է ծախսվել մաքսազերծման, ճանապարհածախսի վրա:
Ինչ երաշխիքներ կան, որ մարդասիրական օգնության դեղեր ստացած այս կամ այն բժշկական կենտրոնը հիվանդներին դրանք անվճար տրամադրելու փոխարեն չի վաճառի: «Չեմ կարծում` նման բան լինի: Հումանիտար դեղի վաճառքի վերաբերյալ այսքան ժամանակ մենք նման դեպք չենք արձանագրել: Եթե կան դեպքեր, թող մեզ դիմեն»,- հորդորեց ԱՆ փոխնախարարը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
16671 դիտում
2
10882 դիտում
3
2287 դիտում
4
2141 դիտում
5
1503 դիտում
1
17623 դիտում
4
8026 դիտում
5
4056 դիտում
4
8257 դիտում
