ԲՀԿ-ԱԿԱՆ ՄԵԼՔՈՒՄՅԱՆԸ`ՔՈՉԱՐՅԱՆԻ ՀԱՅՏԱՐԱՐՈՒԹՅԱՆ ՄԱՍԻՆ. «ԵՂԵԼ ԵՆ ՈՐՈՇԱԿԻ ԽԱԽՏՈՒՄՆԵՐ, ԲԱՅՑ..»
Արխիվ 12-16
ԲՀԿ-ԱԿԱՆ ՄԵԼՔՈՒՄՅԱՆԸ`ՔՈՉԱՐՅԱՆԻ
ՀԱՅՏԱՐԱՐՈՒԹՅԱՆ ՄԱՍԻՆ. «ԵՂԵԼ ԵՆ ՈՐՈՇԱԿԻ
ԽԱԽՏՈՒՄՆԵՐ, ԲԱՅՑ..»
ԲՀԿ պատգամավոր, քոչարյանական «կադր» համարվող Միքայել Մելքումյանից հետաքրքրվեցինք` ընդունո՞ւմ է Քոչարյանի գրասենյակի այն հայտարարությունը, թե դեկտեմբերի վեցին տեղի ունեցածը հազիվ թե կարելի է համարել ժողովրդի կամարտահայտություն: «Չեմ ուզում մեկնաբանել: Ժողովուրդը գնացել է, չէ՞: Դուք գնացե՞լ եք քվեարկության»,- հարցին հարցով պատասխանեց ԲՀԿ-ականը:
-Այո:
- Բա խնդիրն ի՞նչն է:Մենք հիմա ի՞նչն ենք քննարկում:Եղել են որոշակի խախտումներ, դրանց ծավալը պետք է գնահատվի: Իմ կարծիքով` ծավալն էնպես չի, որ կարող է ազդել հանրաքվեի վրա:
- Քոչարյանի գրասենյակի տարածած հայտարարության մեջ ասվում է մասսայական խախտումների մասին:
- Ես չեմ կարդացել այդ հայտարարությունը: Ես իմ կարծիքն ունեմ: Եղել եմ Երեւանի քսանից ավելի ընտրատեղամասերում: Եվ «այո» կա, եւ «ոչ»:
- Ընդդիմախոսները հիշեցնում են Քոչարյանի ղեկավարման տարիներին տեղի ունեցած ընտրախախտումները, ծեծուջարդը...
- Դե միշտ էլ թերություններ եղել են: Բայց չեմ կարծում, որ անգամ այն ժամանակ այն չափի է եղել, որ հանգեցներ ինչ-որ մեծ խնդրի:
- Նույն այդ ընդդիմախոսները կարծում են` Քոչարյանն իրավունք չունի խոսել ժողովրդի կամարտահայտումից:
- Ոնց ասեմ, ուրիշ ուղղությամբ ենք գնում, որն ինձ հոգեհարազատ չէ: Ես ունեմ իմ կուսակցությունը, իմ կարծիքը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
16689 դիտում
2
10882 դիտում
3
2287 դիտում
4
2141 դիտում
5
1503 դիտում
1
17623 դիտում
4
8026 դիտում
5
4056 դիտում
4
8257 դիտում
