ԲՀԿ-ԱԿԱՆ ԷԼԻՆԱՐ ՎԱՐԴԱՆՅԱՆԸ ԸՆԴՈՒՆՈ՞ՒՄ Է ՌՈԲԵՐՏ ՔՈՉԱՐՅԱՆԻ ԳՆԱՀԱՏԱԿԱՆԸ

ԲՀԿ-ԱԿԱՆ ԷԼԻՆԱՐ ՎԱՐԴԱՆՅԱՆԸ  ԸՆԴՈՒՆՈ՞ՒՄ Է

ՌՈԲԵՐՏ ՔՈՉԱՐՅԱՆԻ ԳՆԱՀԱՏԱԿԱՆԸ

ԲՀԿ խմբակցության պատգամավոր, մարդու իրավունքների   պաշտպանության եւ հանրային հարցերի հանձնաժողովի նախագահ Էլինար Վարդանյանից «Իրավունք»-ը պարզեց` միանալու է ՀԱԿ-ի նախաձեռնությունը, որպեսզի  խմբակցությունը դիմի սահմանադրական դատարան: «Կծանոթանամ նրանց  փաստաթղթին, որից հետո կգամ որոշակի եզրակացության»,- ասաց պատգամավորը:

- Ստեղծված իրավիճակում կկարողանա՞ ՀԱԿ-ը հավաքել 27 ստորագրություն եւ դիմել սահմանադրական դատարան:

- Չեմ ուզում նախապես գնահատական տալ: Տեսնենք` ինչպիսի գործընթաց է գնում, պարզ կլինի` որքանով է այդ ամենը ռեալ:

- Տիկին Վարդանյան, երեկ բյուջեի նախագծին ձեռնպահ քվեարկեցիք, ի տարբերություն  ԲՀԿ խմբակցության: Տարբերվող այս մոտեցումը ինչո՞վ էր պայմանավորված:

- Քվեարկությամբ կարելի է վերաբերմունք արտահայտել, հետեւաբար իմ վերաբերմունքն եմ արտահայտել հաջորդ տարվա բյուջեի մասին:

- Երեկ Ռոբերտ Քոչարյանի գրասենյակը հայտարարություն է  տարածել սահմանադրական հանրաքվեի մասին, որտեղ ասվում է` տեղի ունեցածը հազիվ կարելի է համարել ժողովրդի կամարտահայտում: Համաձա՞յն եք  գնահատականի հետ:

- Սոցիալական ցանցերն այսօր հեղեղված են բազմաթիվ նյութերով, փաստարկներով ընտրատեղամասերում տեղի ունեցածի վերաբերյալ: Հերքել, թե չեն եղել 9-րդ ձեւով բերված քվեարկություններ, քվեաթերթիկները փոխարինելու գործընթաց, տեղին չէ: Հետեւաբար, պատկան մարմինները պարտավոր են պատասխանել բոլոր այս հարցերին:

- Այսինքն` համաձա՞յն եք  Քոչարյանի այս գնահատականին:

- Ես արդեն պատասխանեցի:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝