ԼՅՈՒԴՄԻԼԱ ՍԱՐԳՍՅԱՆ VS ՀԱԿ ՀԱԿԱՄԱՐՏՈՒԹՅՈՒՆԸ ՇԱՐՈՒՆԱԿՎՈՒՄ Է...
Արխիվ 12-16
ԼՅՈՒԴՄԻԼԱ ՍԱՐԳՍՅԱՆ VS ՀԱԿ ՀԱԿԱՄԱՐՏՈՒԹՅՈՒՆԸ
ՇԱՐՈՒՆԱԿՎՈՒՄ Է...
ՀԱԿ խմբակցության պատգամավոր, ՎՍԴՀԿ ատենապետուհի Լյուդմիլա Սարգսյանը այսօր լրագրողների հետ զրույցում չշտապեց հանրաքվեի արդյունքները որակել կեղծված: «Ես գիտեմ` մեզ մոտ ինչպես են անցնում ընտրությունները, բայց ուզում եմ փաստարկված խոսել: Խախտումներ, իհարկե եղել են: Կարեւոր է, թե ինչքան արձանագրություն է հավաքել ընդդիմությունը»,- ասաց ՎՍԴՀԿ ատենպետուհին:
Հիշեցնենք` ՀԱԿ խմբակցությունը` խմբակցության ղեկավար Լեւոն Զուրաբյանը, խմբակցության քարտուղար Արամ Մանուկյանը եւ խմբակցության պատգամավոր Գագիկ Ջհանգիրյանը բոյկոտել են խորհրդարանի վերջին նստաշրջանը: Խմբակցության մյուս երեք անդամները` Լյուդմիլա Սարգսյանը, Նիկոլ Փաշինյանը, Հրանը Բագրատյանը բոյկոտին չմիացան:
Ինչու, այնուամենայնիվ, ՀԱԿ պատգամավորուհին չմիացավ իր խմբակցության բոյկոտին: «Որովհետեւ խմբակցությունն ինձ հետ չի քննարկել դա: Հետեւաբար, իմ պահվածքը պետք է լիներ այդպիսին»:
ՀԱԿ-ը դիմելու է սահմանադրական դատարան, եթե 27 պատգամավորի ստորագրություն կարողանան հավաքել: «Երբ այդ ամենը հստակ լինի, ես իմ որոշումը կասեմ»,- եզրափակեց պատգամավորը:
Հ.Գ. Փաստորեն, ՎՍԴՀԿ ատենապետուհու եւ ՀԱԿ-ի հարաբերություններն այնքան են սրվել, որ խմբակցությունն անգամ գոնե ձեւական տեղյակ չի պահում եւ չի քննարկում խմբակցության անունից կայացվելիք որոշումները խմբակցության անդամի հետ: Պատճառը թերեւս Լյուդմիլա Սարգսյանի Բաղրամյան 26 գնալն էր` որպես ՎՍՀԴԿ ատենապետուհի եւ հանդիպելը Սերժ Սարգսյանի հետ, ապա նաեւ հավանաբար «այո» ասելը նոր սահմանադրությանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
17203 դիտում
2
10966 դիտում
3
2287 դիտում
4
2141 դիտում
5
1517 դիտում
1
17623 դիտում
4
8026 դիտում
5
4066 դիտում
4
8257 դիտում
