ՀԱՆՁՆԱԺՈՂՈՎԻ ՆԱԽԱԳԱՀԸ` ԼՐԱԳՐՈՂԻՆ. «ԿԱՄՈՒՍՆԱՑՆԵԻՆՔ, ՆՈՐ ԿԳՆԱՅԻՔ»
Արխիվ 12-16
ՀԱՆՁՆԱԺՈՂՈՎԻ ՆԱԽԱԳԱՀԸ` ԼՐԱԳՐՈՂԻՆ. «ԿԱՄՈՒՍՆԱՑՆԵԻՆՔ, ՆՈՐ ԿԳՆԱՅԻՔ»
Սահմանադրական հանրաքվեն արդեն մի քանի ժամ է, որ մեկնարկել է: «Իրավունք»-ի թղթակիցն այցելեց 13/29 տեղամաս` պարզելու, թե ինչպես է անցնում ընտրական գործընթացը:
Հիշեցնենք` ՀՀ քաղաքացիները պետք է «այո» կամ «ոչ» քվեարկեն նոր սահմանադրության օգտին:
13/29 տեղամասի հանձնաժողովի նախագահ Արտեմիս Քեշքերյանը, ով նաեւ 101 դպրոցի տնօրենն է, «Իրավունք»-ի հետ զրույցում ասաց, որ ընտրատեղամասը շուտ է բացվել: «Նիստը սկսվել է 07:00-ին, վիճակահանությամբ որոշվել է յուրաքանչյուրի աշխատանքը, թե ով ինչ պետք է անի: Մի խոսքով` ըստ կանոնադրության էլի: Քվեարկության մասնակիցների թիվը 1529 է: Ժամը 10: 48-ի դրությամբ 170 քաղաքացի մասնակցել է քվեարկությանը»,- ասաց տիկին Քեշքերյանը:
Հանձնաժողովի նախագահից հետաքրքրվեցինք կուսակցություններից վստահված անձինք կան: Բացի ՀԱԿ-ից, մյուս կուսակցությունները` ՀՀԿ-ն, ՕԵԿ-ը, ԲՀԿ-ը, «Ժառանգությունը», ՀՅԴ-ը, ունեն վստահված անձինք:
«Ժառանգության» վստահված անձը մեզ հետ զրույցում ասաց, որ ամեն ինչ նորմալ է ընթանում: Արտառոց որեւէ դեպք չի գրանցվել:
Հ.Գ. Տողերիս հեղինակը, երբ պատրաստվում էր դուրս գալ ընտրատեղամասից, հանձնաժողովի նախագահը կատակեց. «Արդեն գնո՞ւմ եք, մնայիք էլի, կամուսնացնեինք, նոր կգնայիք»:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
17326 դիտում
2
10980 դիտում
3
2291 դիտում
4
2141 դիտում
5
1517 դիտում
1
17623 դիտում
4
8026 դիտում
5
4066 դիտում
4
8257 դիտում
