«ԸՆՏՐԱԶԱՆԳՎԱԾԻ 38 ՏՈԿՈՍԸ ԴԵՌ ՉԻ ԿՈՂՄՆՈՐՈՇՎԵԼ»
Արխիվ 12-16
«ԸՆՏՐԱԶԱՆԳՎԱԾԻ 38 ՏՈԿՈՍԸ ԴԵՌ ՉԻ ԿՈՂՄՆՈՐՈՇՎԵԼ»
Թե ընտրազանգվածի ինչ տոկոս են կազմում սահմանադրական հանրաքվեին «այո» կամ «ոչ» ասողները ու որքանով են իրազեկված սահմանադրական բարեփոխումներից, արդեն իսկ հայտնի է: «Սոցիոմետր» սոցիոլոգիական կենտրոնի տնօրեն, սոցիոլոգ ԱՀԱՐՈՆ ԱԴԻԲԵԿՅԱՆՆ «Իրավունքի» հետ զրույցում հաղորդեց սոցհարցման նախնական տվյալները` նախեւառաջ նշելով, որ երեք մարզում «այո»-ի կողմնակիցներն են շատ, երեք մարզում` «ոչ»-ի, իսկ երեք մարզում «այո»-ի եւ «ոչ»-ի կողմնակիցները հավասար են.
–Ընտրողների 7 տոկոսն ընդհանրապես չգիտի` ինչի մասին է խոսքը, իսկ 80 տոկոսը պատկերացնում է: Հանրապետության մասշտաբով, ընդհանուր առմամբ, ընտրողների միայն 70 տոկոսն է, որը հետաքրքվում է ընտրություններով: Այն մարզերը, որտեղ կա արդյունաբերություն, եւ մարդիկ աշխատավարձ են ստանում, ունեն փոքր ու միջին բիզնես (Սյունիք, Վայոց ձոր, Կոտայք), բավականին բարեհամբույր են տրամադրված ընտրություններին: Իսկ հակառակ պատկերն է Գեղարքունիքում, Արմավիրում ու ամենալարվածը` Շիրակում:
– Իսկ ունե՞ք տվյալներ, թե ընդհանուր առմամբ ի՞նչ թիվ են կազմում «այո»-ներն ու «ոչ»-երը:
– Ընդհանուր չենք կարող ասել, որովհետեւ չկողմնորոշվածների քանակը բավական մեծ է: Ընտրազանգվածի 38 տոկոսը դեռ չի կողմնորոշվել, եւ 48 տոկոսն է, որ հստակ գիտի` «այո» է քվեարկելու կամ «ոչ»: Իսկ 14 տոկոսը չի մասնակցելու ընտրություններին: Ամեն դեպքում, քանի որ 865 փոքր համայնք ունենք, եւ նրանք ընտրողների 1/3-ն են ընդգրկում, այնտեղ քարոզարշավի հետ կապված, հարցերը հեշտ են լուծվում եւ այդ ձայների հաշվին կարող են չեզոքանալ խոշոր մի քանի քաղաքների ձայները, որտեղ գերակշռում են «ոչ» ասողները, ու արդյունքում ընդունվի նոր սահմանադրությունը:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
17239 դիտում
2
10966 դիտում
3
2287 դիտում
4
2141 դիտում
5
1517 դիտում
1
17623 դիտում
4
8026 դիտում
5
4066 դիտում
4
8257 դիտում
