ԵՐԲ ԸՆԴԴԻՄՈՒԹՅՈՒՆԸ ՀԱՆՐՈՒԹՅԱՆԸ ՆԱԽԱՊԱՏՐԱՍՏՈՒՄ Է ՀԻԱՍԹԱԱՓՈՒԹՅԱՆ…
Արխիվ 12-16
ԵՐԲ ԸՆԴԴԻՄՈՒԹՅՈՒՆԸ ՀԱՆՐՈՒԹՅԱՆԸ
ՆԱԽԱՊԱՏՐԱՍՏՈՒՄ Է ՀԻԱՍԹԱԱՓՈՒԹՅԱՆ…
Այսօր Ազատության հրապարակում տեղի ունեցավ սահմանադրական բարեփոխումների դեմ «Ոչ»-ի ճակատի` ՀԱԿ-ի ու «Չեք անցկացնի» քաղաքացիական նախաձեռնությունը հանրահավաքը: Ինչպես եւ սպասելի էր Լեվոն Տեր-Պետրոսյանը ներկա չէր եւ ըստ տարածված խոսակցությունների նա ասել է, եթե շատ մարդ չհավաքվի նա ներկա չի գտնվի: Ելույթ ունեցան ՀԱԿ խմբակցության քարտուղար Արամ Մանուկյանը, խմբակցության ղեկավար Լեւոն Զուրաբյանը, ՀԺԿ նախագահ Ստեփան Դեմիրճյանը, «Չեք անցկացնի» նախաձեռնության ղեկավար Արշակ Մուսախանյանը: «Ոչ»-ի ճակատի մասնակիցների ելույթների բովանդակությունը մեկն է` տապալել սահմանադրական բարեփոխումները, որոնք իշխանությանը համար վերարտադրվելու լավ միջոց են: ՀԱԿ խմբակցության քարտուղար Արամ Մանուկյանն իր խոսքում խոսելով սահմանադրությունը բարեփոխելու մասին, ասաց, ոչ թե սահմանադրությունը պետք է փոխել, այլ պատժել սահմանադրությունը կեղծողին:
Այո, պրն Մանուկյան, դուք, իհարկե, իրավացի եք: Բայց ՀՀՇ-ի ղեկավարման տարիներին ընդդիմադիր գործիչների պնդմամբ 1995 թ-ի սահմանադրությունը կեղծիքով է ընդունվել: Հետեւաբար, միգուցե պատժելու գործընթացը ՀՀՇ-ի՞ց սկսվի:
Մյուս խրոխտ հայտարարությունը, որը հնչեց Մանուկյանի շուրթերից, հետեւյալն է` մենք նման շանս այլեւս չենք ունենա իշխանությունը տապալելու համար: Մինչդեռ 2008-ին ՀԱԿ-ն ավելի շատ հետեւորդներ ուներ իշխանափոխություն անելու համար, սակայն արդյունքը եղավ մարտի մեկ:
ՀԱԿ գործչի մյուս պոպուլիստական հորդորը քաղաքացիներին, ըստ էության մանեւրելու կոչ էր` «ասեք այո, բայց գնացեք քվեարկեք ոչ»: Ստացվում է սուտ խոսե՞լ եք սովորեցնում ձեր ընտրողներին:
ՀԱԿ խմբակցության ղեկավար Լեւոն Զուրաբյանի ելույթը եւս պաթետիզմով էր լեցուն, բայց մի հետաքրքրիր նյուանս նկատեցինք: ՀԱԿ-ը, եւ քաղաքական այլ ընդդիմադիր ուժեր հետագայում հանրության քննադատություններից խուսափելու համար ասում են. «Ոչ ոք չի երաշխավորում հաղթանակ, բայց նա ով չի պայքարում, արդեն պարտված է»:
Ինչ վերաբերում է «Ոչ»-ի ճակատի այն պնդումներին, թե իշխանությունը ցանկանում է վերարտադրվել, խորհուրդ կտայինք ընթերցել Դավիթ Հարությունյանի այսօրվա հարցազրույցը. «Գործող սահմանադրության դեպքում Սերժ Սարգսյանը հանգիստ կարող է զբաղեցնել վարչապետի պաշտոնը եւ իր ձեռքում կենտրոնացնել գործադիր իշխանության բոլոր լծակները»: Հետեւաբար, հարց «չեք անցկացնի» քաղաքացիական նախաձեռնությանը, եթե դեկտեմբերի վեցին հաղթի ոչ»-ը ի՞նչ փոփոխություններ կլինեն Հայաստանում, որի մասին խոսեց պրն «Չենք անցկացնի» քաղաքացիական նախաձեռնության անդամ Մուսախանյանը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
17209 դիտում
2
10966 դիտում
3
2287 դիտում
4
2141 դիտում
5
1517 դիտում
1
17623 դիտում
4
8026 դիտում
5
4066 դիտում
4
8257 դիտում
